Փոխխոսնակը՝ Հայաստանի արտգործնախարարին․ Երբ իմ գործընկերներն ասում են՝ "եկեք ստորագրենք խաղաղության պայմանագիրը", դուք սկսում եք դատողություններ անել ՀՀ սահմանադրության փոփոխությունների մասին

Արմինֆո.Մենք կարծում ենք, որ խաղաղության պայմանագիրը պետք է ստորագրվի, և կարևոր չէ՝ TRIPP նախագծին զուգահեռ թե դրանից հետո։ Բայց եթե մենք խոսում ենք իրական, անկեղծ խաղաղության մասին, մենք չպետք է վիճեինք: Չէ որ՝ խաղաղությունը, ըստ ձեզ, արդեն հաստատված է, նույնիսկերկրների միջև առևտրաշրջանառություն կա. հարց է առաջանում ՝ ինչու՞ չկա խաղաղության պայմանագիր։ Նման հարցով արտաքին գործերի և միջազգային առևտրի նախարար Արարատ Միրզոյանին է դիմել ընդդիմադիր "Ուժեղ Հայաստան" խմբակցությունից ԱԺ փոխնախագահ Արամ Վարդևանյանը ՝ արձագանքելով գերատեսչության ղեկավարի ՝ խաղաղության հաստատմանւ մասին ելույթին:

"Ինչ է ստացվում, պարոն Միրզոյան, ինչու, երբ իմ գործընկերներն ասում են "եկեք խաղաղության պայմանագիր ստորագրենք", դուք սկսում եք խոսել ՀՀ սահմանադրության փոփոխությունների մասին: Ես ուսումնասիրել եմ 2025 թվականի օգոստոսի բոլոր փաստաթղթերը, (2025 թվականի օգոստոսի 8-ին Վաշինգտոնում Հայաստանն ու Ադրբեջանը նախաստորագրել  են խաղաղության և միջպետական հարաբերությունների հաստատման մասին խաղաղության համաձայնագրի տեքստը - խմբ.), այնտեղ ՀՀ սահմանադրության փոփոխության մասին ոչ մի տեղ գրված չէ։ Այնտեղ ոչ մի պաշտոնական հայտարարության մեջ նման բան չկա։ Եվ, նույնիսկ, նախաստորագրված խաղաղության  համաձայնագրում դա չկա", - հարց է հնչեցրել Վարդևանյանը, դրանով իսկ ակնարկելով, որ Ադրբեջանը ՀՀ սահմանադրության փոփոխության հարցը դիտարկում է որպես խաղաղության պայմանագրի գլխավոր նախապայմաններից մեկը։

«Եկեք հաղթահարենք այս դիսոնանսը: Եթե ամեն ինչ լավ է, խաղաղություն է հաստատվել, առաջ ենք գնում, ի՞նչ դժվարություններ են կապված պայմանագրի ստորագրման հետ։ Եթե չկան այդ դժվարությունները, ապա հնարավոր է և չկա խաղաղության պայմանագրի անհրաժեշտությու՞ն։ Եթե այդպես է, ըստ ձեզ, ի՞նչ պատճառով ենք ուզում փոխել ՀՀ սահմանադրության նախաբանը», - հարցրել է փոխխոսնակը։

Նրա ասելով՝ Ադրբեջանը ժամանակ է ձգում,  անընդհատ զիջումներ պահանջելով, ինչպես դա եղավ Տավուշում սահմանազատման և սահմանագծման դեպքում, որից հետո գործը կանգ առավ, կամ՝ TRIPP-ի հարցում։

Պատասխանելով փոխխոսնակի խոսքերին ՝ արտաքին քաղաքական գերատեսչության ղեկավար Արարատ Միրզոյանը նշել է, թե հայտնի է, որ օգոստոսյան փաստաթուղթը նախաստորագրած մյուս կողմն իր կարծիքն ունի դրա վերաբերյալ: "Նրանք համաձայն չեն ստորագրել համաձայնագիրը, և ասում են, որ պետք է համագործակցություն սկսել հաղորդակցության ոլորտում, փոխադարձ առևտրում։ Իսկ ստորագրումը թողնել ավելի ուշ, երբ իրական արդյունքներ կլինեն", - նշել է Միրզոյանը։

Այդուհանդերձ, նախարարը, խոսելով կառավարող ուժի դիրքորոշման մասին, անցել է ներքաղաքական հարթություն։ Նա ընդդիմությանը մեղադրել է զինված հեղաշրջման փորձի և, նույնիսկ, անձամբ իրեն սպանելու փորձի մեջ։ Նա հայտարարել է, որ ՀՀ սահմանադրության շուրջ հանրաքվեն ցույց կտա, թե ում է վստահում և ում դիրքորոշումն է պաշտպանում Հայաստանի ժողովուրդը։ Եվ եթե իշխանությունը պարտվի հանրաքվեում, ապա կհանձնի իշխանությունը։