Արմինֆո. Դատարանը երկու ամսով կալանավորել է «Ուժեղ Հայաստան» կուսակցության Ստեփանավան համայնքի ղեկավարի թեկնածու Արսեն Գևորգյանին, հայտնում է կուսակցության մամուլի ծառայությունը:
Ավելի վաղ Հայաստանի Հակակոռուպցիոն կոմիտեից հայտնել էին, որ ընտրակաշառք տալու, դրան օժանդակելու, ինչպես նաև ընտրակաշառք ստանալու մեղադրանքով ձերբակալվել է 14 անձ: Գերատեսչության փոխանցմամբ՝ «կաշառքը բաժանել է Ստեփանավան խոշորացված համայնքի ավագանու հերթական ընտրություններում «Ուժեղ Հայաստան» կուսակցության ընտրական ցուցակը գլխավորող թեկնածուն»: Դեպքի առթիվ Հակակոռուպցիոն կոմիտեում նախաձեռնվել է քրեական վարույթ:
Հիշեցնենք, որ ընդդիմադիր «Ուժեղ Հայաստան» խմբակցության պատգամավոր Անդրանիկ Գևորգյանն իր ֆեյսբուքյան էջում հայտնել էր, որ վաղ առավոտից Ստեփանավանում զանգվածային խուզարկություններ և ձերբակալություններ են իրականացվում գործարար Սամվել Կարապետյանի «Ուժեղ Հայաստան» շարժման կողմնակիցների նկատմամբ։
Նախորդ օրը ՀՀ վարչապետ Նիկոլ Փաշինյանն առաջարկում էր իրեն անձամբ գրել այն քաղաքացիներին ու համայնքների ղեկավարների թեկնածուներին, ովքեր ՏԻՄ ընտրություններում ճնշումների են ենթարկվում իշխող «Քաղաքացիական պայմանագիր» ուժի կողմից։ Սակայն արդեն նույն օրը երեկոյան նա ինքն սկսեց սպառնալ ընդդիմադիր ուժերի ներկայացուցիչներին։ Հատկանշական է, որ այս ամենը տեղի է ունենում Ստեփանավանի տեղական ինքնակառավարման մարմինների ընտրությունների նախաշեմին, որոնք կայանալու են հոկտեմբերի 25-ին։
«Ուժեղ Հայաստան»-ը Ստեփանավանում իր կողմնակիցների ձերբակալությունները որակել է քաղաքական հետապնդում և իշխանություններին մեղադրել ՏԻՄ ընտրություններից առաջ իրավապահ մեխանիզմների չարաշահման մեջ։ «Եվս մեկ անգամ ընդգծում ենք՝ սա ժողովրդավարություն չէ։ Սա օրենքի և պետական կառույցների չարաշահման վտանգավոր պրակտիկա է՝ նպատակ ունենալով ամեն գնով պահպանել իշխանությունը, երբ մեղադրանքները հնչում են նախքան փաստերի հաստատումը»,- ասված է «Ուժեղ Հայաստան»-ի հայտարարության մեջ։
Կուսակցությունն անդրադարձել է նաև Գևորգյանի ձերբակալությունից ժամեր անց տարածված տեսանյութին՝ հայտարարելով, որ այն հրապարակվել է քաղաքական դրդապատճառներով և նպատակ ունի մոլորեցնել հանրությանը։ «Ուժեղ Հայաստան»-ից պարզաբանել են, որ նախընտրական քարոզարշավի կազմակերպման համար օգտագործվում են ֆինանսական միջոցներ, որոնց վերաբերյալ ընտրական հանձնաժողով են ներկայացվել թափանցիկ հաշվետվություններ։ «Ուժեղ Հայաստան»-ը կատարվածը համեմատել է նաև հունիսի 7-ին կայացած Ազգային ժողովի ընտրություններից առաջ ստեղծված իրավիճակի հետ՝ իշխանությունների գործողություններն անվանելով հակաժողովրդավարական։ Կուսակցությունը վարչապետ Նիկոլ Փաշինյանին մեղադրել է նաև ընտրական գործընթացին արհեստականորեն միջամտելու մեջ։ «Նման գործելաոճը վկայում է նաև այն մասին, որ Նիկոլ Փաշինյանը հասկանում է՝ առանց արհեստական միջամտության չի կարող հաղթել արդար ընտրություններում»,- ասված է հայտարարության մեջ։
Դիմելով Ստեփանավանի բնակիչներին՝ կուսակցությունը կատարվածը գնահատել է որպես իշխանությունների փորձ՝ խոչընդոտելու համայնքում քաղաքական փոփոխություններին։
Ֆրանսիայում բողոքի ցույցերի փորձագետ. Քաղաքակրթությունները մարում են, երբ հասարակությունը կորցնում է ապագայի տեսլականը
Թուրքագետ․ Ադրբեջանն ամենազոր չէ․ նրա խոցելիությունները պետք է դառնան Հայաստանի անվտանգության ռազմավարության մաս
Կարծիք․ Ջերմուկի ծոցում Ամուլսարի բացումը էկոլոգիական աղետի մեկնարկ է Հայաստանում
Փորձագետ . Հայաստանում ընդդիմադիր գործիչների ձերբակալությունը սոցիալական ցանցերում գրառումների համար հանրությանը վախեցնելու և այլախոհությունը ճնշելու համակարգված փորձ է
Արցախի Հանրային խորհուրդը վրդովմունք է հայտնել ՄԱԿ-ի գլխավոր քարտուղարի վարքագծի վերաբերյալ
Լուկաշենկոն կոչ արեց Հայաստանին ստանձնել ԱՊՀ նախագահությունը 2029 թվականին
Դմիտրի Մեդվեդևը կանխատեսել էր Հայաստանի համար Ուկրաինայի նման ճակատագիր՝ երկրի արտաքին քաղաքականության փոփոխության ֆոնին
ՌԴ Անվտանգության խորհուրդ․ Հայաստանում ցանկանում են ստիպել ռուս սեփականատերերին ազատվել ակտիվներից
Զախարովա․ Ռուսաստանը պատրաստ է Հայաստանի հետ քննարկել ռազմական համագործակցության ընդլայնման հեռանկարները՝ կապերի գույքագրման շրջանակներում
Թևանյան. Հայաստանը, ինչպես Ուկրաինան և Մոլդովան, մտցվել է ԵՄ գլոբալ պատերազմի մեջ
Երևանի քաղաքապետարանում քննարկում են քաղաքում valet-parking համակարգի ներդրման հնարավորությունը
Փորձագետ. Օկուպացված Արցախում օտարերկրյա դեսպանների ներկայությամբ հայկական մշակույթի «աղվանացումը» ցեղասպանություն է
Քաղաքագետ․ Եթե ռուս-հայկական հարաբերությունները կործանվեն, ապա Ռուսաստանի տեղը կզբաղեցնի Թուրքիան
Քաղաքագետ. Հայ հանրությունը պարզապես պարտավոր է էապես փոխել հանրային քննարկման և պայքարի ողջ բովանդակությունը
Ադրբեջանում քրիստոնյա գերիների մաշկից այրելով հեռացնում են խաչերի պատկերներով դաջվածքները. իրավապաշտպան
Պուտին. Պրահայում Հայաստանի կողմից Ղարաբաղի ճանաչումը որպես Ադրբեջանի մաս Ռուսաստանի դիրքորոշմանը այս հարցում տվել է երկիմաստ բնույթ
Պուտինը նշել է, որ Հայաստանի կողմից ԵՄ-ին անդամակցության մասին օրենքի ընդունումը նշանակում է ԵԱՏՄ-ից դուրս գալու մասին հայտարարություն։
