Հույն ժողովրդի բազմադարյա գոյապայքարը հանգեցրել է այն բանին, որ հույները կարողացել են պահպանել իրենց ազգային և մշակութային ինքնությունը: Այդ մասին 1821 թվականի մարտի 25-ին Հունաստանի՝ օսմանյան լծից ազատագրմանը նվիրված միջոցառմանը հայտարարել է Հայաստանում Հունաստանի արտակարգ և լիազոր դեսպան Իոաննիս Տայիսը:
ՙՀայաստանը ջերմորեն է ընդունել հույներին, ովքեր, շնորհիվ իրենց աշխատասիրության, կարողացել են ինտեգրվել հայ հասարակությանը, այդ թվում՝ պետական պաշտոններ զբաղեցնել, ինչի վառ օրինակը ՀՀ ԱԺ փոխնախագահն է: Ինչպես պատմությունն է վկայում, հայերը և հույները դարեր շարունակ իրար կողքի են եղել, համատեղ պայքարել են ընդհանուր թշնամիների դեմ, և այդ պայքարն ամրապնդել է երկու ժողովուրդների հարաբերությունները՚,- նշել է Հունաստանի դեսպանը:
ՀՀ ԱԺ փոխանախագահ Էդուարդ Շարմազանովն իր հերթին, անդրադառնալով ՀՀ նախագահ Սերժ Սարգսյանի Հունաստան այցի արդյունքների և Թուրքիայի քաղաքականության առնչությամբ երկու երկրների համանման բացասական դիրքորոշման հետ կապված Անկարայի դժգոհությանը՝ հայտարարել է. ՙՉնայած Թուրքիայի տվայտանքին՝ հայերը և հույներն ընդհանուր ապագա ունեն: Մեր պայքարը թուրքերի դեմ չէ: Թուրքիան պայքարում է հայերի և հույների դեմ, բայց մեր պայքարն ուղղված չէ որևէ մեկի դեմ, այն հանունի պայքար է… հանուն մեր ժողովուրդների, հանուն մեր եղբայրության և մեր երկու պետությունների, որպեսզի Հայաստանը և Հունաստանը, ինչպես նաև Կիպրոսի և Լեռնային Ղարաբաղի հանրապետությունները մշտապես լինեն անկախ և ազատ: Եվ եթե խոչընդոտներ լինեն այդ ճանապարհին՝ ի դեմս Ադրբեջանի և Թուրքիայի, մենք պատրաստ ենք համախմբել ջանքերը և համատեղ պայքար մղել՚:
ՀՀ ԱԺ փոխանախագահը, կարեւորելով Հունաստանի ազատագրումը օսմանյան տիրապետությունից, շնորհավորել է հունական համայնքի ներկայացուցիչներին եւ փաստել, որ հույն ժողովրդի համար ճակատագրական օրերին նրա կողքին են եղել հայերը, իսկ հայերի համար օրհասական օրերին՝ հույները: ԱԺ փոխնախագահի խոսքով՝ հայերի եւ հույների դարավոր բարեկամության մասին խոսում է այն փաստը, որ դեռեւս 1870-ականներին օսմանյան խորհրդարանում հույն պատգամավորները բարձրացրին Հայկական հարցը: Էդուարդ Շարմազանովն իր խոսքում հիշատակել է Սարդարապատում և Արցախյան հերոսամարտի տարիներին հայ ժողովրդի կողքին մարտնչող հույների մասին:
Քաղաքագետ. Թեհրանը ստեղծում է անվտանգության միջավայր, որտեղ Հորմուզի նեղուցում կայուն նավագնացությունը դժվար կլինի պատկերացնել առանց իր անմիջական մասնակցության
Վերլուծաբան․ Հայաստանի խորհրդարանի նոր խոսնակի ելույթի հիմնարար խնդիրը քաղաքական ճգնաժամի պատճառների միակողմանի մեկնաբանությունն է
ԱԺ փոխնախագահի պաշտոնի թեկնածուն կարծում է, որ իր տիկնոջ աշխատավարձը "Հայփոստի" տնօրենի պաշտոնում ամենացածրն է տվյալ ընկերության պատմության մեջ
Ռուսաստանի մշտական ներկայացուցիչ. ՀԱՊԿ-ի և Հայաստանի միջև որևէ հակամարտություն չկա
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
