Հարցում. հարցվածների 54%-ը կարծում է, որ Հայաստանում կան քաղբանտարկյալներ

Արմինֆո. Հարցվածների 54% - ը կարծում է, որ Հայաստանում այսօր կան քաղբանտարկյալներ։ Այդ մասին սեպտեմբերի 25-ին Երեւանում կայացած մամլո ասուլիսում հայտարարել է Հայաստանում GALLUP միջազգային ասոցիացիայի իսկական անդամ  "ԷՄ ՓԻ ՋԻ" ՍՊԸ տնօրեն Արամ Նավասարդյանը՝ ներկայացնելով հարցման արդյունքները:

Նրա խոսքով՝ հարցումն իրականացվել է սեպտեմբերի 22-24-ն ընկած ժամանակահատվածում Հայաստանի Հանրապետության բնակիչների շրջանում հեռախոսային հարցումների միջոցով: Ընտրանքի ծավալը կազմել է 1001 մարդ։

Նրա հավաստմամբ՝ հարցը, թե արդյոք այսօր Հայաստանում կան քաղբանտարկյալներ,  իրենք տալիս են 2018 թվականից (ՀՀ վարչապետ Նիկոլ Փաշինյանի իշխանության գալը-խմբ.): Նավասարդյանը հստակեցրել է, որ այդ հարցին դրական պատասխան տվողների բաժինը տարեցտարի ավելանում է։

"Այսպես, հարցվածների 54 %-ը  նշել է, որ Հայաստանում կան քաղբանտարկյալներ։ Ընդ որում, դրական պատասխան տվողներին խնդրել են ճշտել, թե հատկապես ում են համարում քաղբանտարկյալներ։ 53 %-ը նշել է Հայաստանի երկրորդ նախագահ Ռոբերտ Քոչարյանին, 42,1% - ը՝ "Բարգավաճ Հայաստան" կուսակցության առաջնորդ Գագիկ Ծառուկյանին, 23,4% - ը' "Ուժեղ Հայաստան" դաշինքի առաջնորդ Սամվել Կարապետյանին, 10,5%-ը' Բագրատ արքեպիսկոպոս Գալստանյանին, 5,8% - ը' "Մայր Հայաստան" կուսակցության առաջնորդ Անդրանիկ Թևանյանին, 5,3% - ը' Գյումրիի քաղաքապետ Վարդան Ղուկասյանին, 4,1% - ը' "Մայր Հայաստան" կուսակցության վարչության անդամ Արգենազ Մանուկյանին, 2,9% - ը ' ՀՀ երկրորդ նախագահի որդուն՝ Սեդրակ Քոչարյանի։ Եվս 17,5 %-ն օգտվել է մի քանի հոգու նշելու հնարավորությունից", - հաղորդել է Նավասարդյանը։

Ընդ որում, սոցիոլոգը հստակեցրել է, որ Սամվել Կարապետյանին և Բագրատ Գալստանյանին ավելի քիչ թվով հարցվածներ են նշել, քանի որ նրանք գտնվում են տնային կալանքի տակ են, մինչդեռ, Հայաստանի երկրորդ նախագահն ու ԲՀԿ առաջնորդը գտնվում են կալանքի տակ: Նա պարզաբանել է, որ Հայաստանի քաղաքացիները լիովին չեն հասկանում, թե ինչ է իրենից ներկայացնում տնային կալանքը, և ինչ սահմանափակումներ է այն նախատեսում: