Փաշինյանը Նյու Յորքում քննարկել է «Ակադեմիական քաղաքի» նախագծի իրականացման գործում Մասաչուսեթսի տեխնոլոգիական ինստիտուտի հետ համագործակցության հնարավորությունները

Արմինֆո.  Վարչապետ Նիկոլ Փաշինյանը հանդիպում է ունեցել Մասաչուսեթսի տեխնոլոգիական ինստիտուտի ակադեմիական ղեկավար, պրոֆեսոր Անանթա Չանդրակասանի հետ:

ՀՀ կառավարության հաղորդագրության համաձայն, վարչապետն անդրադարձել է ՀՀ Կառավարության «Ակադեմիական քաղաք» նախագծին և կարևորել ծրագրի իրականացման գործում Մասաչուսեթսի տեխնոլոգիական ինստիտուտի հետ հնարավոր համագործակցությունն ու փորձի փոխանակումը:

Այդ համատեքստում, քննարկվել են «Ակադեմիական քաղաքի» նախագծի մանրամասները, դրա ընթացքն ու առաջիկա անելիքները:

Անանթա Չանդրակասանը ողջունել է ծրագրի իրականացումը և պատրաստակամություն հայտնել համագործակցել հայաստանյան գործընկերների հետ՝ կիսելով նաև ունեցած փորձն ու կարողությունները:

Մտքեր են փոխանակվել բարձրագույն կրթության զարգացմանը միտված քայլերի շուրջ:

Հիշեցնենք, որ քաղաքի գլխավոր հատակագիծը մշակել է գերմանական gmp International GmbH Architects and Engineers ընկերությունը ։ Այն կկառուցվի Երևանի 17-րդ թաղամասին հարող տարածքում ։ ՀՀ կառավարությունն անցյալ տարվա հունվարի 4-ին ընդունել է "Արագածոտնի մարզի Աշտարակ համայնքի Երեւան քաղաքի վարչական սահմաններում գտնվող եւ Սասունիկ բնակավայրի որոշ տարածքների նկատմամբ գերակա հանրային շահ ճանաչելու մասին" որոշման նախագիծը ՝ ակադեմիական ավանի կառուցման նպատակով: Երևանի 17-րդ թաղամասի տարածքը, որի սահմաններում են գտնվում պետության և համայնքի սեփականության ներքո գտնվող, ինչպես նաև Ֆիզիկական և իրավաբանական անձանց պատկանող հողամասերը, ինչպես նաև Համո Բեկնազարյանի անվան "Հայֆիլմ" կինոստուդիայի զբաղեցրած տարածքը, կփոխանցվի "Ակադեմիական քաղաք" հիմնադրամին:

2023թ. ապրիլի 21-ին ստեղծվել է "Ակադեմիական քաղաք" հիմնադրամ: Անցյալ տարվա հոկտեմբերի 19-ին կառավարությունը հաստատել է "Ակադեմիական քաղաք" ծրագրի հայեցակարգը: ՀՀ կրթության, գիտության, մշակույթի և սպորտի նախարար Ժաննա Անդրեասյանը, ներկայացնելով նախագիծը, հայտարարել է, որ մինչև 2030 թվականը Հայաստանի զարգացման պետական ծրագրի համաձայն, նախատեսվում է ստեղծել Ակադեմիական ավանը ՝ որպես որակյալ կրթության և հետազոտությունների ժամանակակից միջավայր: Անդրեասյանը տեղեկացրել է, որ Ակադեմիական քաղաքի տարածքում կտեղակայվեն մինչև 16 բուհեր ՝ մինչև 8 պետական խոշորացված և մինչև 8 մասնավոր կամ միջազգային բարձրագույն ուսումնական հաստատություններ: Ակադեմիական քաղաքի կառուցումը կարժենա 1,2 տրիլիոն դրամ։