Լիբանանի շրջակա միջավայրի նախարարը կժամանի Հայաստան

Արմինֆո. Լիբանանում Հայաստանի դեսպան Սաարմեն Բաղդասարյանն այցելել է Լիբանանի շրջակա միջավայրի նախարարություն և հանդիպել նախարար դոկտոր Թամարա Էլ-Զեյնի հետ։

Ինչպես հաղորդում է Լիբանանում Հայաստանի դեսպանատան մամուլի ծառայությունը,  հանդիպման ընթացքում քննարկվել են «Առաջնորդներ հանուն բնության» (Leaders for Nature) գագաթնաժողովի նախապատրաստական աշխատանքները, որը նախատեսված է անցկացնել Երևանում՝ հոկտեմբերի 15-ին և 16-ին, Կենսաբազմազանության մասին կոնվենցիայի կողմերի 17-րդ համաժողովի (COP17) շրջանակներում։

Նախարար Էլ-Զեյնը գագաթնաժողովում կներկայացնի Հանրապետության նախագահին՝ գեներալ Ջոզեֆ Աունին՝ մասնակցելով բարձր մակարդակի քննարկումների։ Դրանք ուղղված են կենսաբազմազանության պահպանման ամրապնդմանը, ինչպես նաև բնության պահպանության համար անհրաժեշտ քաղաքական հանձնառության և ֆինանսավորման մոբիլիզացմանը՝ այն կապելով խաղաղության և կայուն զարգացման ուղիների հետ։