«1984»․  այնտեղ, որտեղ խավարը տեղ չունի

Արմինֆո.  Արդեն մեկ ամսից Երեւանում տեղի կունենա Կոնստանտին Կամենսկու «1984» մյուզիքլի համաշխարհային պրեմիերան՝ Ջորջ Օրուելի համանուն վեպի մոտիվներով։

«Կհանդիպենք այնտեղ, որտեղ խավար չկա»․ հենց այսպես են մյուզիքլի դերասանները երևանյան առաջին փորձի ժամանակ նկարագրել առաջիկա պրեմիերայի ցուցադրությունը, որը տեղի կունենա արդեն հոկտեմբերի 17-ին՝ Գ.Սունդուկյանի անվան ազգային ակադեմիական թատրոնի բեմում:

ԱրմԻնֆո-ի թղթակցին բախտ է վիճակվել ներկա գտնվել ներկայացման առաջին փորձին, որի կենտրոնում ոչ թե օրուելյան տոտալիտար աշխարհն է, այլ Ուինսթոնի (Ալեքսանդր Կրասովիցկի) և Ջուլիայի (Թեոն Դոլնիկովա) սիրո պատմությունը, ովքեր փորձում են պահպանել այս աշխարհում իրենց մնալու իրավունքը: Բայց գլխավոր հերոսը, այնուամենայնիվ, երաժշտությունն է, որը հատուկ ներկայացման համար գրել է Animal Jaz և Zero People խմբերի ղեկավար Ալեքսանդր Կրասովիցկին ։ Այն կրում է լույսի հզոր հոսք և դառնում դրամատուրգիայի մաս, որտեղ բառերն արդեն կորցրել են իրենց ուժը, որտեղ ճշմարտությունը վերաշարադրվում է ամեն օր: Իսկ երաժշտության համար խոսքերը պատկանում են ժամանակակից ռուս բանաստեղծուհի Վերա Պոլոզկովային։

Ինչպես լրագրողների հետ զրույցում կիսվել է կոմպոզիտորը, մայիսի սկզբին տեղի է ունեցել առաջին Zoom-հանդիպումը, իսկ արդեն 10 օր անց Վերա Պոլոզկովան գրել է 14 բանաստեղծություն մյուզիքլի երգերի համար։ Ընդ որում, ինչպես նա նշել է, բանաստեղծուհին բանաստեղծությունները ստեղծելիս  մղվել է գրված երաժշտությունից։

Նա նաև խոստովանել է, որ վախով է համաձայնել դերին, քանի որ դերասանական փորձ չունի։ «Եթե քո առջև դուռ է բացվում, և քո հանդեպ բարյացակամ վերաբերմունք կա, և դու այնտեղ չես մտնում, ապա դու հիմար ես: Ես մտածեցի, որ կյանքում շատ անգամ հիմար եմ եղել, բայց այս անգամ չեմ ուզում նույն սխալը թույլ տալ: Ես վախով մտա այդ դռնից ներս և դեռ վախենում եմ ՝ յուրաքանչյուր փորձից առաջ և դրա ընթացքում: Բայց սա այն դեպքն է, երբ պետք է հաղթահարել վախը, քանի որ արդյունքը կարող է շատ գեղեցիկ պատմություն դառնալ", - ասել է Կրասովիցկին։

Եթե Օրուելի վեպում կարմիր թելով անցնում են  "պատերազմը խաղաղություն է, տգիտությունը՝ ուժ, և ազատությունը՝ ստրկություն" հասկացությունները, ապա ռեժիսոր Կոնստանտին Կամենսկին մի փոքր այլ շարժառիթ է վերցրել որպես մյուզիքլի հիմք։ Պատասխանելով ԱրմԻնֆո-ի թղթակցի հարցին' նա ընդգծել է, որ իր աշխատանքում ազատությունը սեր է, եւ հույսը' սեր է:

«Մենք իսկապես ուզում ենք ստեղծել այնպիսի կարևոր պատմություն, որ ամենագլխավորը, որի վրա մարդը կարող է հենվել, հատկապես, այն ժամանակ, երբ դժվար է, ընտանիքն է, դա ամենամոտ մարդկանց հետ հարաբերություններն են: Դա այն է, ինչ պահում է, դա այն է, ինչ ամենակարևորն է: Եվ, գլխավորը, այն չի կարող ոչնչացնել եւ հաղթել ցանկացած թշնամի", - ասել է ռեժիսորը։

Մի փոքր այլ կարծիք ունի Վլադիմիր Դարագանովը, ով կկատարի Փարսոնսի դերը։ Դերասանը նշել է, որ այս ներկայացումն ավելի շատ սարսափելի բաների մասին է, որոնք միշտ ինչ-որ տեղ մոտ են։

«Եւ, հետեւաբար, մենք պետք է հիշենք, որ մենք մարդ ենք։ Իսկ թատրոնը մարդկայնացնում և հիշեցնում է մեզ այդ մասին։ Ահա հենց դրա համար, ընդհանրապես, պետք է գնալ թատրոն, իսկ մեզ մոտ՝ հատկապես», - ասել է նա:

Խոսելով իր մարմնավորած կերպարի մասին՝Դարագանովը նշել է, որ իր համար առաջնային է եղել ոչ այնքան արդարացնել, որքան՝ հասկանալ նրան, նրա շարժառիթները, և ստեղծել իր համար նրա կերպարի անկյունը։

Թեոնա Դոլնիկովան, անդրադառնալով այդ թեմային, նշել է, որ, առաջին հերթին, կարևոր է սիրել իր հերոսին։ «Ինձ թվում է, եթե չսիրես հերոսին, իմաստ չունի խաղալ», - ասել է դերասանուհին։

Ալեքսանդր Կրասովիցկին խոստովանել է, որ, չտիրապետելով դերասանական տեխնիկային, Ուինսթոնի կերպարը մարմնավորելն իրեն առանձնապես բարդ չի թվացել, քանի որ, գործնականում, ինքն իրեն կմարմնավորի:

«Այսինքն, դավաճանությունը բավականաչափ է եղել իմ կյանքում, և մինչ օրս բավարար է, ինչպես նաև մեղքի զգացումը՝ բոլոր տեսակի բավականին վիճելի տարբեր բաների համար, որոնք ես կատարել եմ: Հետևաբար, ես, ինչպես ասում են, առանձնապես ստիպված չէի հարմարվել, քանի որ ես, պարզապես, խաղում եմ ինքս ինձ", - նշել է կոմպոզիտորը:

Դերասան Եվգենի Պրոնինը, ով մյուզիքլում մարմնավորելու է հեռուստահաղորդավարին ("Մեծ եղբայր"), պատմել է, որ, որպես դերասան իր խնդիրը պարզեցվում է նրանով, որ նրա կերպարը չարիքի մարմնացումն է:

«Պարզապես, պետք է հնարավորինս գունավորել այդ չարիքը տարբեր գույներով: Չարը նույնպես պետք է սիրել, սիրելու բան գտնել», - նշել է նա։

Երեւանում փորձի ժամանակ դերասանները խոստովանել են, որ շարունակում են բացահայտել միմյանց՝ ամեն օր ինչ-որ նոր բան գտնելով  իրենց և իրենց խաղընկերների մեջ։ Ամփոփելով ՝ նրանք նշել են, որ այդ ստեղծագործության մեջ հստակ լավ կամ վատ չկա, քանի որ հերոսներից յուրաքանչյուրի մեջ կա և բարին, և չարը, ինչպես յուրաքանչյուր մարդու մեջ, իսկ մյուզիքլում բարձրացվող թեմաները միշտ արդիական են լինելու: Դերասանները վստահաբար հայտարարել են, որ նման բան ոչ մի տեղ տեսնել չի կարելի, ուստի ներկայությունը պարտադիր է:

Նշենք, որ «1984» մյուզիքլի պրոդյուսերն է Սերգեյ Ցելիկովը։ Երևանում նրա նախագծերի զինանոցում են ԴԴՏ-ի համերգը, "Ճամպրուկ", "Իմ թոռնիկ Վենիամինը", "Առաջնորդիր քո գութանը մեռելների ոսկորներով", "Շան սիրտ" և այլ ներկայացումներ։

Ներկայացման մեջ ներգրավված են նաև Նինա Կոբիաշվիլին (բեմանկարիչ), Իլյա Դելյատիցկին (մեդիանկարիչ և վիդեոդիզայներ), Վլադիսլավ Ֆրոլովը (լուսային նկարիչ), Միխայիլ Սոկոլիկը (ձայնային ռեժիսոր), Մաքսիմ Վասիլևը (տեխնիկական տնօրեն), Բորիս Բարաբանովը (երաժշտական պրոդյուսեր), Յուլիա Չումակովան (ռեկվիզիտոր), Միխայիլ Կոմարիչևը (տուրմենեջեր), Ալեքսանդր Նեկրասովը (գործիքավորող):

Տոմսերը կարելի է ձեռք բերել հետևյալ հղումով՝ https://1984show.com/#tour