Արցախցիները բողոքի ակցիա են անցկացրել Հայաստանի խորհրդարանի դիմաց ՝ երկրի պատկան մարմիններից պահանջելով լուծել իրենց խնդիրները

Արմինֆո.  Սեպտեմբերի 17-ին մի խումբ արցախցիներ բողոքի ակցիա են անցկացրել Հայաստանի Ազգային ժողովի շենքի դիմաց: Նրանք իշխանություններից կոնկրետ քայլեր են պահանջել իրենց կենսական խնդիրների լուծման ուղղությամբ։

Լրագրողների հետ զրույցում "Վերածնվող Արցախ" կազմակերպության նախագահ, Արցախցիների իրավունքների պաշտպանության խորհրդի նախկին անդամ Անաստաս Իսրայելյանը պատմել է, որ ակցիայի մասնակիցները մտադիր են դիմել խորհրդարանական խմբակցությունների ղեկավարներին՝ պահանջելով լսումներ անցկացնել Հայաստանի Ազգային ժողովում: Իսրայելյանը պարզաբանել է, որ իրենք պետական ինստիտուտներից ակնկալում են հստակ լուծումներ այն հարցերի վերաբերյալ, որոնք չլուծված են մնում մի քանի տարի։ "Այդ խնդիրները պետք է լուծվեն Հայաստանում։ Պետք է հստակ պատասխաններ տրվեն, որպեսզի ամեն ամիս արցախցիները ստիպված չլինեն դուրս գալ ակցիաների։ Եթե այդ հարցերի գոնե մի մասը լուծվի, ապա արցախցիները կարող են մնալ Հայաստանում ապրելու", - ասել էց նա։

Ցուցարարների մոտ են դուրս եկել Ազգային ժողովի ընդդիմադիր "Հայաստան" խմբակցության պատգամավորներ Արթուր Խաչատրյանն ու Լիլիթ Գալստյանը: Իսրայելյանը նշել է, որ ակցիայի մասնակիցների հիմնական պահանջներից մեկը արցախցիների կարգավիճակի օրենսդրական ամրագրումն է: "Մեզ ասում են, որ մենք Լեռնային Ղարաբաղի Հանրապետությունից տեղահանված հայրենակիցներ ենք։ Բայց չեն ասում, թե ինչու դա տեղի ունեցավ՝ երկրաշարժի՞, ջրհեղեղի՞ պատճառով։ Պետք է հստակ ամրագրել, որ մենք ցեղասպանության սպառնալիքի տակ բռնի տեղահանվել ենք մեր հայրենիքից։ Դրա համար մենք ուզում ենք, որ լսումներ անցկացվեն", - հայտարարել է "Վերածնվող Արցախ" կազմակերպության նախագահը։

Երկրորդ, ըստ Իսրայելյանի, արցախցիները պահանջում են իրենց սոցիալական խնդիրների լուծում։ Նա նշել է, որ այդ հարցը չլուծված է մնում արդեն երեք տարի։ "Մենք պահանջում ենք ևս մի քանի տարով չձգձգել այդ հարցերի լուծումը և արցախցիներին ամեն անգամ չստիպել դուրս գալ ակցիաների։ Այդ հարցը մենք նույնպես ցանկանում ենք լուծել լսումների միջոցով", - նշել է Իսրայելյանը։

Խաչատրյանն, իր հերթին, հայտարարել է, որ իրենց քաղաքական ուժն ամեն ինչ անում է այդ հարցերն օրակարգում պահելու համար։ Նրա խոսքով ՝ իրենց կողմից բարձրացվում է նաև արցախյան ժառանգության միտումնավոր ոչնչացման հարցը։ "Ինձ համար անընդունելի է այն, որ Գանձասարն այսօր անվանում են աղվանական։ Ընդդիմության ներկայացուցիչները դրան արձագանքել են իրենց հասանելի մեթոդներով, մասնավորապես, նամակ ուղարկելով՝ Հարավային Կովկասում Եվրամիության հատուկ ներկայացուցիչ Մագդալենա Գրոնոյի հետ հանդիպում կազմակերպելու նպատակով", - հաղորդել է պատգամավորը։

Անդրադառնալով արցախցիների վերադարձի հարցին՝ Խաչատրյանը նշել է, որ այդ թեման, իրենց կարծիքով, պետք է մշտապես մնա օրակարգում։ "Մասնավորապես, արցախցիների վերադարձի, հայ ռազմագերիների վերադարձի, մշակութային ժառանգության պահպանման հարցը։ Ինչ վերաբերում է արցախցիների կարգավիճակին, ապա այդ հարցի շուրջ արդեն որոշակի քննարկումներ են տեղի ունեցել ՄԱԿ - ի ներկայացուցիչների հետ, որոնց մասնակցել են նաև Արցախի ներկայացուցիչները", - հավելել է ընդդիմադիրը։ Գալստյանն, իր հերթին, տեղեկացրել է, որ սեպտեմբերի 23-ին, ժամը 14:00-ին Ազգային ժողովի 334-րդ սենյակում տեղի կունենա աշխատանքային քննարկում, որը կազմակերպել է ինքը՝ որպես ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ: Նրա խոսքով, քննարկմանը հրավիրված են արցախցիների սոցիալ-տնտեսական իրավունքներին առննչվող տարբեր պետական գերատեսչությունների, ինչպես նաև միջազգային կառույցների ներկայացուցիչներ։ "Այնտեղ քննարկվելու են բոլոր հարցերը, այդ թվում 'բնակարանային, արցախցիների կարգավիճակի", -հաղորդել է Գալստյանը:

Ընդ որում, նա ընդգծել է, որ ընդդիմությունը փոքրամասնություն է, ուստի ոչ բոլոր խնդիրներն են, ի վերջո, կարող լուծել ։ "Բայց այդ մեխանիզմից չօգտվել չի կարելի։ Միաժամանակ պետք է հասկանալ, որ արցախցիների խնդիրները ոչ թե առանձին քաղաքական ուժի խնդիր են, այլ համազգային խնդիր են", - եզրափակել է պատգամավորը:

Հիշեցնենք, որ 2023 թվականի սեպտեմբերի 19-ին Ադրբեջանը "հակաահաբեկչական գործողության" պատրվակով լայնածավալ ագրեսիա նախաձեռնեց Արցախի նկատմամբ, որը հանգեցրեց ԼՂՀ լիակատար հայաթափման։ Դրան նախորդել Էր հանրապետության գրեթե 10-ամսյա շրջափակումը։ 2020 թվականի աշնանը սկսված թշնամական ագրեսիայից հետո, որը 2023 թվականի սեպտեմբերին ավարտվեց Արցախի ամբողջական էթնիկ զտմամբ, ավելի քան 150 հազար արցախցիներ զրկվեցին հայրենիքից և դարձան փախստական ։