Շոյգուն ռեյդերական զավթում է որակել Հայաստանում ռուսական բազմամիլիարդանոց կապիտալով ձեռնարկությունների նկատմամբ վերաբերմունքը

Արմինֆո.  ՌԴ Անվտանգության խորհրդի (ԱԽ) քարտուղար Սերգեյ Շոյգուն ռեյդերային զավթում է որակել Հայաստանի ձեռնարկությունների նկատմամբ վերաբերմունքը, որոնցում Ռուսաստանը միլիարդավոր ներդրումներ է կատարել:

"Ոչ բարեկամական գիծ և բացահայտ "երկակի ստանդարտներ" են դրսևորվում  Հայաստանում աշխատող ռուսական բիզնեսի նկատմամբ։ Այն, ինչ տեղի է ունենում ձեռնարկությունների եւ ամբողջ ոլորտների հետ, որոնցում Ռուսաստանը միլիարդավոր ներդրումներ է կատարել, դժվար է անվանել այլ կերպ, քան՝ ռեյդերական զավթում", - ասել է նա Անվտանգության խորհրդի գիտափորձագիտական խորհրդի նախագահության անդամների խորհրդակցության ժամանակ:

"Ընդ որում, առաջ են քաշվում բացահայտ անհեթեթ փաստարկներն, օրինակ, այն, որ Հայաստանը կորցնում է միջազգային երկաթուղային ցանցերին ինտեգրվելու հնարավորությունները, եթե Ռուսաստանը շարունակի հայկական երկաթուղիների կառավարումը", - շարունակել է Շոյգուն:

Այնուհետև նա մատնանշել է ՆԱՏՕ-ի հետ փոխգործակցությունն ընդլայնելու Երևանի ակնհայտ ձգտումը և Եվրասիական տնտեսական միության (ԵԱՏՄ) և Հավաքական անվտանգության պայմանագրի կազմակերպության (ՀԱՊԿ) նկատմամբ հայկական կողմի բացահայտ սպառողական վերաբերմունքը:

Նրա խոսքով ՝ Հայաստանին առչնվող ներկայիս իրավիճակը շատ ցուցադրական է։ "Հիշեցնեմ, որ 90-ականներին Ռուսաստանը փրկեց այդ երկիրը տնտեսական և էներգետիկ կոլապսից, իսկ ԵԱՏՄ անդամակցության տասը տարիների ընթացքում նրա տնտեսությունն աճել է գրեթե երեք անգամ։ Ընդ որում, ներկայիս իշխանությունները Ռուսաստանի հետ կապերը խզելու եւ Արեւմուտքի հետ համագործակցությունն ամրապնդելու ուղղություն են վերցրել", - նշել Է Շոյգուն։

Այսպիսով, ՌԴ ԱԽ քարտուղարն ուշադրություն է հրավիրել, որ ակնհայտ է ՆԱՏՕ-ի հետ փոխգործակցության ընդլայնման Երեւանի ձգտումը եւ բացահայտ սպառողական վերաբերմունքը տարածաշրջանային ինտեգրման մեխանիզմների, առաջին հերթին ԵԱՏՄ-ի եւ ՀԱՊԿ-ի նկատմամբ:

Միևնույն ժամանակ, նա ընդգծել է, որ Ռուսաստանի Դաշնության նախագահ Վլադիմիր Պուտինը միանգամայն միանշանակ նշել է Մոսկվայի վերաբերմունքը եվրոպական ուղու առնչությամբ. Երևանին անհրաժեշտ է կողմնորոշվել կուրսում և հանրաքվե անցկացնել ԵՄ-ին անդամակցելու կամ ԵԱՏՄ-ին անդամակցելու վերաբերյալ: "Ուզում եմ ընդգծել․ Ռուսաստանը պատրաստ չէ և չի ֆինանսավորի Հայաստանի եվրաինտեգրումը, և այդ ուղղությամբ յուրաքանչյուր քայլ ունի օբյեկտիվ հետևանքներ", - ասել է Շոյգուն:

Ռուս պաշտոնյան արձանագրել է, որ արևմտյան երկրները միշտ ձգտել են նվազագույնի հասցնել Ռուսաստանի ազդեցությունը Հարավային Կովկասում, այսօր Արևմուտքի ձգտումները չեն փոխվել: "Հարավային Կովկասը միշտ, պատմականորեն եղել է արևմտյան երկրների սևեռուն ուշադրության առարկան։ Դա պայմանավորված է նրա աշխարհագրական դիրքով և ռեսուրսային բազայով։ Եվրոպացիները դարեր շարունակ ձգտել են այնտեղ ստեղծել հակառուսական հենակետ, բուֆեր և միջանցք դեպի Ասիայի իրենց գաղութները ՝ միաժամանակ ձգտելով ցանկացած կերպ նվազագույնի հասցնել Ռուսաստանի ազդեցությունը։ Նրանք հրահրել են հակառուսական տրամադրություններ, խրախուսել մաքսանենգությունը, անջատողականությունը, հեղեղել տարածաշրջանը զենքով, հրահրել պատերազմներ և հակամարտություններ", - ասել է նա։

Նրա խոսքով՝ Արեւմուտքին անհրաժեշտ է վերահսկողություն տարածաշրջանի ռեսուրսների եւ լոգիստիկ հնարավորությունների նկատմամբ, որը պատմականորեն կապող օղակ է Միջին Ասիայի եւ Եվրոպայի, Կասպից ծովի եւ Սեւ ծովի, Հյուսիսի եւ Հարավի, Արեւմուտքի եւ Արեւելքի միջեւ: Այս առումով նա ուշադրություն է հրավիրել այն հանգամանքի վրա, որ Հայաստանն ու Վրաստանը բախվում են Արեւմուտքի բացահայտ եւ անթաքույց միջամտությանը քաղաքական իրավիճակին։ Շոյգուն հայտարարել է, որ, հաշվի առնելով այդ միտումները, Ռուսաստանը պետք է գործի կետային, հասցեական ՝ կոշտ պաշտպանելով սեփական շահերը:

Մայիսի 9-ին Ռուսաստանի նախագահ Վլադիմիր Պուտինը լրագրողների հետ զրույցում Հայաստանին առաջարկել է որքան հնարավոր է շուտ կողմնորոշվել ԵՄ-ին և ԵԱՏՄ-ին անդամակցության հարցում ՝ մատնանշելով հարկ եղած  դեպքում "քաղաքակիրթ ապահարզան սկսելու" պատրաստակամությունը։ Երևանում՝ ի պատասխան, նշել են, որ ԵԱՏՄ-ն կլքեն, երբ հարկ համարեն ։ Իսկ արդեն մայիսի 29-ին ԵԱՏՄ երկրների ղեկավարները համատեղ հայտարարություն են ընդունել, որում Հայաստանից պահանջել են հանրաքվե անցկացնել ԵԱՏՄ-ում հետագա գտնվելու հարցի շուրջ։ Նույն օրը ՌԴ նախագահը հայտարարել է, որ Հայաստանը չի կարող նստել երկու աթոռի վրա և պետք է հնարավորինս շուտ կողմնորոշվի ընտրության հարցում:

 Նշենք, որ ՀՀ կառավարությունը 2025 թվականի հունվարի 9-ին հավանություն է տվել "ԵվրաՔե" քաղաքացիական նախաձեռնության կողմից առաջարկված ՝ Եվրոպական միությանն անդամակցելու գործընթաց սկսելու մասին օրենքի նախագծին: Նախագիծն ուղարկվել է Հայաստանի խորհրդարան ՝ հաստատման։ Մարտի 26-ին երկրի խորհրդարանը վերջնական ընթերցմամբ ընդունել է այն և ուղարկել նախագահի ստորագրմանը ։ Փաստաթուղթը ստորագրվել է նույն թվականի ապրիլի 4-ին։ Ռուսաստանը Հայաստանին տեղեկացրել է, որ Եվրասիական տնտեսական միությանը և Եվրամիությանը միաժամանակյա անդամակցությունն անհնար է: