ԱրմԻնֆո. Հայաստանում կալանավորումը շարունակում է մնալ պատժի և քաղաքական հետապնդման, ինչպես նաև քաղաքական ընդդիմախոսներին ֆիզիկապես մեկուսացնելու գործիք։ Այս մասին հայտարարել է «Մայր Հայաստան» կուսակցության առաջնորդ Անդրանիկ Թևանյանը՝ «Երևան-Կենտրոն» ՔԿՀ-ից։
Քաղաքական գործիչը արձանագրել է, որ այդպես է տեղի ունենում բոլոր ավտորիտար և տոտալիտար երկրներում, և Հայաստանը բացառություն չէ։ Թևանյանի խոսքով՝ քաղաքացի Նիկոլ Փաշինյանը վախենում է իր դեմ հարուցված շինծու գործի և այդ գործի շրջանակներում Արեգնազ Մանուկյանի քաղաքական հետապնդման փաստի հրապարակային քննությունից։
"Փակ դատական քննություն անցկացնելու որոշումը խոսում է նրա հիբրիդային վախերի մասին։ Եթե Նիկոլ Պ.-ն ունենար հիմնավորված փաստեր և ապացուցված մեղադրանք, մի կասկածեք, նա հանդես կգար բաց դատավարության օգտին, որպեսզի հնարավորություն ստանար հրապարակային շոուներ կազմակերպելու։ Բայց քանի որ այդ ամենը չկա, նա գնում է թաքցնելու և լռեցնելու ճանապարհով. դա անվանեցին "պետական գաղտնիք" և անցան փակ ռեժիմի։ Իրականությունն այն է, որ գեբելսյան սուտը պայթեց, սակայն հոդվածները պահպանվեցին։ Այս հիբրիդային գործը մինչև ընտրությունների օրը հիմնականում ներքաղաքական նպատակներ էր հետապնդում. պատրաստվում էին մանդատների գողության և իշխանության զավթման։ Հունիսի 7-ից հետո այս գործն արդեն ձեռք է բերել արտաքին քաղաքական և աշխարհաքաղաքական շեշտադրում",- հավելել է քաղաքական գործիչը։
Նա վստահ է, որ դրանով Փաշինյանը պաշտոնապես Ռուսաստանին թշնամի է հայտարարում, իսկ նրա հետ ռազմավարական և դաշնակցային հարաբերությունները դրսից տրված հրահանգով վերածվում են թշնամականի, մինչդեռ Հայաստանը դառնում է աշխարհաքաղաքական բախումներում մանրադրամ՝ ուկրաինական և մոլդովական տարբերակների համակցված մոդելով։
"Ի վերջո, այս ամենը կհանգեցնի նրան, որ Հայաստանը կարժանանա Արցախի ճակատագրին։ Սակայն Նիկոլ Պ.-ին և առավել ևս արտաքին ուժերին դա չի հետաքրքրում։ Նիկոլ Պ.-ի առջև պահանջներ են դրված, մասնավորապես՝ Հայաստանում ադրբեջանական Սահմանադրության ընդունում, այսպես կոչված "Զանգեզուրի միջանցքի" հանձնում թյուրքական աշխարհին, Հայաստանի անդամակցության դադարեցում ՀԱՊԿ-ին, ԵԱՏՄ-ին և ԱՊՀ-ին, Հայաստանի անվտանգության ճարտարապետության ոչնչացում, Գյումրիից ռուսական 102-րդ ռազմակայանի դուրսբերում, երկաթուղու հանձնում թյուրքական աշխարհին, ադրբեջանական սցենարով տարածքային զիջումներ՝ սահմանի սահմանազատման և սահմանագծման անվան տակ, Հայաստանի ապազգայնականացման և ապառազմականացման ապահովում, ատոմակայանի փակում և Հայ Առաքելական Սուրբ Եկեղեցու ոչնչացում",- կարծում է Թևանյանը։
Քաղաքական գործիչը վստահ է, որ այս և այլ պահանջների կատարման հիմնական բենեֆիցիարներն են Թուրքիան և Ադրբեջանը՝ ճիշտ այնպես, ինչպես դա եղավ Նիկոլ Փաշինյանի ձեռքով Արցախի դավաճանական հանձնման դեպքում։
"Բոլոր ուժերն ու գործիչները, որոնք հանդես են գալիս թվարկված կետերի իրականացման դեմ և ունեն դիմադրություն կազմակերպելու ներուժ, ապօրինաբար հետապնդվում և կալանավորվում են։ Այս շարքում վերջինը դարձավ ՀՀ 2-րդ նախագահ Ռոբերտ Քոչարյանի քաղաքական կալանավորումը", - շարունակել է նա։
"Իմ դեմ հարուցված շինծու գործի առանձնահատկությունն այն է, որ ներքաղաքական և աշխարհաքաղաքական թեմաներն այստեղ ուղղակիորեն արտացոլված են մեղադրական եզրակացության մեջ։ Նիկոլ Պ.-ն բաց տեքստով հայտարարում է, որ գործի պատճառը իմ ընդդիմադիր գործունեությունն է, հայ-ռուսական հարաբերությունների ռազմավարական բնույթի աջակցությունը, Արևմուտքի հետ նորմալ, գործընկերային հարաբերությունների աջակցությունը՝ Ռուսաստանին թշնամաբար չվերաբերվելու և Արևմուտքի հետ հարաբերությունները նման տրամաբանության մեջ չկապելու ցանկությունը, թուրք-ադրբեջանական օրակարգի սպասարկմանը հակազդելը, ինչպես նաև Հայաստանը հակաիրանական կոալիցիայի մաս դարձնելուն հակազդելը",- ասել է Թևանյանը։
Եզրափակելով՝ նա ընդգծել է, որ վաղ թե ուշ բոլորը կենթարկվեն անհատական պատասխանատվության կատարածի կամ չկատարածի համար, քանի որ Հայաստանի Հանրապետության և ՀՀ քաղաքացիների շահերի դեմ ուղղված քայլերն արդարացում և վաղեմության ժամկետ չունեն։
Հիշեցնենք, որ մայիսի 21-ին Հայաստանի Քննչական կոմիտեում (ՔԿ) հայտնել էին Անդրանիկ Թևանյանի նկատմամբ "պետական դավաճանության և լրտեսության" փաստով քրեական գործ հարուցելու մասին։ Թևանյանին մեղսագրվում է օտարերկրյա պետությանը պետական գաղտնիք պարունակող տեղեկություններ փոխանցելը՝ $ 622 հազար գումարի դիմաց։ Իսկ մայիսի 24-ի գիշերը դատարանի որոշմամբ Թևանյանը կալանավորվեց երկու ամսով։ Ընդ որում, Թևանյանի փաստաբան Արամ Օրբելյանի խոսքերով՝ այդ օրերին նրա պաշտպանյալին կալանավորելու համար որևէ իրավական հիմք չկար։ Հավելենք, որ ընդդիմադիր գործչի ձերբակալությունը տեղի է ունեցել Հայաստանի գործող վարչապետ Նիկոլ Փաշինյանի անմիջական ցուցումով։ Ինքը՝ Թևանյանը, քննության այս պնդումները անհեթեթ է անվանել՝ նշելով, որ պատգամավորական մանդատը վայր է դրել դեռևս 2023 թվականին, հետևաբար ՔԿ-ի նման պնդումները հիմք չունեն։ Իսկ արդեն հուլիսի 9-ին ձերբակալվեց, այնուհետև երկու ամսով կալանավորվեց «Մայր Հայաստան» կուսակցության քաղխորհրդի անդամ, Հայաստանի խորհրդարանի նախկին պատգամավոր Արեգնազ Մանուկյանը։ Քննչական կոմիտեի վարկածով՝ Արեգնազ Մանուկյանի նկատմամբ վարույթի շրջանակներում հարուցվել է հանրային քրեական հետապնդում Քրեական օրենսգրքի 427-րդ հոդվածի 1-ին մասով (պետական գաղտնիք պարունակող տեղեկությունների հրապարակում)։ Քննչական գործողություններն իրականացվել են լրտեսության և պետական դավաճանության վերաբերյալ քրեական գործի շրջանակներում, որի համաձայն ավելի վաղ կալանավորվել էր «Մայր Հայաստան» կուսակցության առաջնորդ Անդրանիկ Թևանյանը։ Մանուկյանին կասկածում են խորհրդարանում փակ նիստում ներկայացված՝ ՀՀ ԶՈՒ-ին վերաբերող գաղտնի տվյալները Թևանյանին փոխանցելու մեջ։
Օգոստոսի 18-ին գործով նախաքննությունն ավարտվել է, և նյութերն ուղարկվել են դատարան, սակայն թե՛ Թևանյանը, թե՛ Մանուկյանը շարունակում են մնալ ՔԿՀ-ում։ Սեպտեմբերի 8-ին դատարանը Թևանյանի կալանքը ևս 3 ամսով, իսկ Մանուկյանինը՝ մեկ ամսով երկարաձգեց։
Քաղաքագետ․ Ռուսաստանի եւ Հայաստանի միջեւ դաշնակցային հարաբերությունների մոդելը փլուզվել է
Փորձագետ. Պարտված իշխանությունների դիրքորոշումը թշնամու հետ հարաբերությունները կարգավորելու հարցում չպետք է ազդի արցախցի փախստականների իրավունքների վրա
Փորձագետ. Չորրորդ Հանրապետությունը չի սկսվում Քոչարյանի ձերբակալությամբ
Քաղաքագետ. Հայ հանրությունը պարզապես պարտավոր է էապես փոխել հանրային քննարկման և պայքարի ողջ բովանդակությունը
Ադրբեջանում քրիստոնյա գերիների մաշկից այրելով հեռացնում են խաչերի պատկերներով դաջվածքները. իրավապաշտպան
Պուտին. Պրահայում Հայաստանի կողմից Ղարաբաղի ճանաչումը որպես Ադրբեջանի մաս Ռուսաստանի դիրքորոշմանը այս հարցում տվել է երկիմաստ բնույթ
Պուտինը նշել է, որ Հայաստանի կողմից ԵՄ-ին անդամակցության մասին օրենքի ընդունումը նշանակում է ԵԱՏՄ-ից դուրս գալու մասին հայտարարություն։
Մեդվեդև. Երևանը երբեք չի դառնա ԵՄ անդամ, փոխարենը՝ երկար ժամանակով կփչացնի հարաբերությունները ԵԱՏՄ-ի, այդ թվում ՝ Մոսկվայի հետ
Վարդևանյան. Հայաստանի հասարակայնությունն ԱԺ-ից պահանջում է բազմաթիվ խնդիրների լուծում, այլ ոչ թե՝ ներողությունների մասին սկանդալային պահանջներ
Գ. Ծառուկյան. Չի կարելի պարզապես ապրել խոզի պես, մտածել միայն քո սեփական շահերի մասին և անտարբեր լինել քո երկրի և ժողովրդի հոգսերի նկատմամբ
ԱԺ փոխնախագահի պաշտոնի թեկնածուն կարծում է, որ իր տիկնոջ աշխատավարձը "Հայփոստի" տնօրենի պաշտոնում ամենացածրն է տվյալ ընկերության պատմության մեջ
Ռուսաստանի մշտական ներկայացուցիչ. ՀԱՊԿ-ի և Հայաստանի միջև որևէ հակամարտություն չկա
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
