Քաղաքագետ․ Եթե ռուս-հայկական հարաբերությունները կործանվեն, ապա Ռուսաստանի տեղը կզբաղեցնի Թուրքիան

Արմինֆո.Եթե ռուս-հայկական հարաբերություններն իսպառ ոչնչացվեն, ապա Ռուսաստանի տեղը կզբաղեցնի Թուրքիան։ Այդ մասին սեպտեմբերի 8-ին հայտարարել է  քաղաքագետ, "Մայր Հայաստան" կուսակցության անդամ Երվանդ Բոզոյանը՝ դատարանի շենքի դիմաց լրագրողների հետ զրույցում, որտեղ մեկնարկել է կուսակցության կալանավորված ներկայացուցիչների գործով նիստը։

Նրա խոսքով՝ Հայաստանի վարչապետ Նիկոլ Փաշինյանի և Ռուսաստանի նախագահ Վլադիմիր Պուտինի ՝ Մոսկվայում նախատեսված առանձնազրույցը կարևոր է, քանի որ հենց այնտեղ է որոշվելու երկրի հետագա ճակատագիրը: "Ոչ բոլորն են գիտակցում, թե դա ինչ է նշանակում։ Չէ որ՝ եթե ռուս-հայկական հարաբերությունները կործանվեն, ապա Ռուսաստանի տեղը կզբաղեցնի Թուրքիան։ Հայաստանի իշխանությունները փորձում են դա իրականացնել փուլ առ փուլ։ Սակայն ռուսական կողմը դա լավ հասկանում է, դրա համար էլ անմիջապես բացառեց այդ տարբերակը", - կարծում է Բոզոյանը։

Ընդդիմության շրջանում կալանավորումները քաղաքագետը նույնպես պատահական չի համարում։ Նրա խոսքով՝ դրանք գործիք են Փաշինյանի ձեռքում՝ Ռուսաստանի հետ բանակցություններում, հաշվի առնելով, որ այլ լուրջ հաղթաթուղթ հայկական կողմը չունի։ "Այդ կալանավորումները Փաշինյանը փորձում է իր հաղթաթուղթը դարձնել Պուտինի հետ բանակցություններում։ Բայց, կարծում եմ, որ ռուսական կողմը մտադիր չէ ներգրավվել նման գործընթացներում և ելնում է ավելի իրական և իր ձեռքի տակ եղած առավելություններից։ Ուստի, ենթադրում եմ, որ այստեղ Փաշինյանը կարող է "թռնել", - հայտարարել է "Մայր Հայաստան" կուսակցության անդամը։

Բոզոյանի կարծիքով՝ ռուսական կողմը փորձում է ամեն ինչ անել, որպեսզի այդ գործընթացներն իր հաշվին չլինեն։ "Ռուսաստանն այդպես էլ ասում է, որ եթե Հայաստանը գնում է ԵՄ, ապա՝ ոչ իր ռեսուրսների հաշվին, իսկ դա նշանակում է, որ այն արտոնությունները (որպես ԵԱՏՄ անդամ - խմբ.), որոնք երկիրն ունի այսօր, այլեւս չեն գործի", - պարզաբանել է քաղաքական գործիչը:

Խոսելով այն մասին, թե ինչ գին կվճարի Հայաստանն այդ ընտրության համար, նա կոչ է արել հիշել, թե ինչ է կատարվում այսօր Ուկրաինայի շուրջ։ Բացի այդ, նա կոչ է արել ուշադրություն դարձնել, որ Հայաստանի հարևան երկրներից ոչ մեկը ԵՄ անդամ չէ, ինչի առնչությամբ Եվրամիության հետ մերձենալու հանրապետության ձգտումը հերթական արկածախնդրությունն է որակել:

Հիշեցնենք, որ ՀՀ կառավարությունը 2025 թվականի հունվարի 9-ին հավանություն է տվել "ԵվրաՔե" քաղաքացիական նախաձեռնության կողմից առաջարկված ՝ Եվրոպական Միությանն անդամակցելու գործընթաց սկսելու մասին օրենքի նախագծին: Նախագիծն ուղարկվել է Հայաստանի խորհրդարան ՝ հաստատման։ Մարտի 26-ին երկրի խորհրդարանը վերջնական ընթերցմամբ ընդունել է այն և ուղարկել նախագահի ստորագրմանը ։ Փաստաթուղթը ստորագրվել է նույն թվականի ապրիլի 4-ին։ Ռուսաստանը Հայաստանին տեղեկացրել է, որ Եվրասիական տնտեսական միությանը և Եվրամիությանը միաժամանակյա անդամակցությունն անհնար է:Մայիսի 9-ին Ռուսաստանի նախագահ Վլադիմիր Պուտինը լրագրողների հետ զրույցում Հայաստանին առաջարկել է որքան հնարավոր է շուտ կողմնորոշվել ԵՄ-ին և ԵԱՏՄ-ին անդամակցության հարցում ՝ մատնանշելով հարկ եղած  դեպքում "քաղաքակիրթ ապահարզան սկսելու" պատրաստակամությունը։ Երևանում՝ ի պատասխան, նշել են, որ ԵԱՏՄ-ն կլքեն, երբ հարկ համարեն ։ Իսկ արդեն մայիսի 29-ին ԵԱՏՄ երկրների ղեկավարները համատեղ հայտարարություն են ընդունել, որում Հայաստանից պահանջել են հանրաքվե անցկացնել ԵԱՏՄ-ում գտնվելու մասով։ Նույն օրը Ռուսաստանի նախագահը հայտարարել է, որ Հայաստանը չի կարողանա նստել երկու աթոռի վրա և պետք է հնարավորինս շուտ կողմնորոշվի ընտրության հարցում:

Հավելենք, որ սեպտեմբերի 1 - ին Բիշքեկում ՌԴ նախագահ Վլադիմիր Պուտինի և ՀՀ վարչապետ Նիկոլ Փաշինյանի բանակցությունների արդյունքում պայմանավորվածություն է ձեռք բերվել խնդրահարույց հարցերի շուրջ կողմերի բանակցությունները շարունակել Մոսկվայում: