Արմինֆո.Հայաստանն ընդգծում է իր հավատարմությունը տարանցիկ եւ էներգետիկ միջանցքով, որը հայտնի է որպես "Թրամփի ուղի հանուն միջազգային խաղաղության և բարգավաճման" (TRIPP), միաժամանակ ձգտելով պահպանել կապերը Ռուսաստանի և Իրանի հետ։ Այդ մասին հայտարարել է ԱՄՆ-ում Հայաստանի դեսպան Նարեկ Մկրտչյանը՝ ամերիկյան Semafor պարբերականի հետ հարցազրույցում:
Խոսելով բուն նախագծի մասին՝ դեսպանը նշել է, որ Հայաստանին գոհացնում է ընկերությունում ԱՄՆ կառավարության 74 տոկոս մասնաբաժինը, քանի որ այն դա դիտարկում է որպես խաղաղության համաձայնագրի չափազանց կարևոր տարր, որը անցյալ տարի Հայաստանն ու Ադրբեջանը ստորագրել են ԱՄՆ նախագահ Դոնալդ Թրամփի մասնակցությամբ: Ընդհանուր առմամբ, ըստ նրա, TRIPP-ն առաջ է շարժվում: Մասնավորապես, ինչպես նշել է դեսպանը, տեխնիկատնտեսական հիմնավորումը կնախապատրաստվի այս տարի՝ ավելի ուշ, իսկ հիմնարկեքը կարող է տեղի ունենալ արդեն հաջորդ տարվա սկզբին: "Առանց TRIPP-ի հնարավոր չէր լինի խոսել խաղաղության մասին", - հավելել է Մկրտչյանը:
Անդրադառնալով Իրանի և ԱՄՆ-ի հետ միաժամանակ հարաբերություններ պահպանելու Հայաստանի փորձերին՝ Մկրտչյանը խոստովանել է, որ դա բարդ խնդիր է, սակայն նշել է, որ դա երկրի գիտակցված ընտրությունն է: Ավելին, ըստ նրա, ԱՄՆ-ը Հայաստանի հետ դեռևս խոսակցություն չի վարել Իրանի հետ տնտեսական կամ այլ կապերը դադարեցնելու մասին, ինչպես դա արվում է այլ երկրների պարագայում: Ընդ որում, ճշտմանը, թե ինչ ընտրություն կաներ Հայաստանը, եթե նման խնդրանք, այնուամենայնիվ, հնչեր, ԱՄՆ-ում Հայաստանի դեսպանը նշել է, որ "ամեն ինչ կարելի է քննարկել":
Իսկ ինչ վերաբերում է Ռուսաստանին, Մկրտչյանը հերքել է այն պնդումները, թե Հայաստանը հեռանում է այդ երկրից հօգուտ ԱՄՆ- ի՝ առաջ մղելով TRIPP-ը և մի շարք այլ համաձայնագրեր, թեև ընդունել է, որ այդ ձգտումը (ԱՄՆ-ի հետ մերձեցումը-խմբ.) որոշակի անհանգստություն է առաջացրել ռուսական կողմում։ "Դա Ռուսաստանի դեմ չէ։ Դա դեմ չէ երրորդ երկրներին։ Եվ մենք ուրախ ենք, որ այժմ մեր դիվերսիֆիկացման քաղաքականության շրջանակներում մենք ունենք այնպիսի առանցքային գործընկեր, ինչպիսին ԱՄՆ-ն է։ Մենք նաեւ դիվերսիֆիկացնում ենք մեր քաղաքականությունը ԵՄ հետ հարաբերություններում", - հայտարարել Է Մկրտչյանը։
Նրա խոսքով՝ Հայաստանը TRIPP-ը դիտարկում է նաև Թուրքիայի հետ հարաբերությունների կարգավորման համատեքստում։ Քանի որ, ինչպես հիշեցրել է դեսպանը, նպատակներից մեկը Թուրքիայի հետ սահմանի բացումն է, որը փակվել է 1993 թվականին։ "Մենք շատ մոտ ենք կարգավորմանը և սահմանների բացմանը", - վստահեցրել է Մկրտչյանը:
Հիշեցնենք, որ հունվարի 14-ին Հայաստանի ԱԳՆ-ը հրապարակել է Վաշինգտոնում ստորագրված «Թրամփի ուղի՝ հանուն միջազգային խաղաղության և բարգավաճման» (ԹՐԻՓՓ) նախագծի` Հայաստան-ԱՄՆ իրականացման շրջանակի հրապարակման վերաբերյալ համատեղ հայտարարությունը։ 12 էջանոց փաստաթղթում ներկայացված են նախագծի հիմնական նպատակները և դրա գործունեության մեխանիզմները։ Մասնավորապես, ընդգծվում է, որ Հայաստանը մտադիր է թույլատրել և աջակցել ԹՐԻՓՓ զարգացման ընկերության հիմնմանը։ «Ակնկալվում է, որ ընկերությունը պատասխանատու կլինի ԹՐԻՓՓ-ի զարգացման համար՝ 49 տարի նախնական ժամկետով նրան տրամադրվող կառուցապատման իրավունքով։ Հայաստանը մտադիր է ԱՄՆ-ին առաջարկել ԹՐԻՓՓ զարգացման ընկերության 74% մասնաբաժինը և պահպանել 26% մասնաբաժինը։ Ակնկալվում է, որ այս համագործակցությունը կերկարաձգվի ևս 50 տարով՝ Հայաստանի կառավարությանը հավելյալ սեփականության տրամադրմամբ նրա մասնաբաժինը դարձնելով 49%։ Ակնկալվում է, որ ԹՐԻՓՓ զարգացման ընկերության բաժնետերերի փոփոխությունը (ներառյալ մասնաբաժինների վաճառք, նվիրատվություն, միավորում, անջատում, վերակազմակերպում կամ որևէ այլ իրավական կամ փաստացի գործողություն) և վերջնական շահույթի սեփականատերերի փոփոխությունը ենթակա կլինի Հայաստանի և ԱՄՆ կառավարությունների հետ նախօրոք համաձայնեցմանը», - ասվում է փաստաթղթում։
Փորձագետ. Պարտված իշխանությունների դիրքորոշումը թշնամու հետ հարաբերությունները կարգավորելու հարցում չպետք է ազդի արցախցի փախստականների իրավունքների վրա
Փորձագետ. Չորրորդ Հանրապետությունը չի սկսվում Քոչարյանի ձերբակալությամբ
Փորձագետ. Հայաստանը շարունակում է «պոկվել» Ռուսաստանի գլխավորած ռազմաքաղաքական և տնտեսական կառույցներից
Պուտին. Պրահայում Հայաստանի կողմից Ղարաբաղի ճանաչումը որպես Ադրբեջանի մաս Ռուսաստանի դիրքորոշմանը այս հարցում տվել է երկիմաստ բնույթ
Պուտինը նշել է, որ Հայաստանի կողմից ԵՄ-ին անդամակցության մասին օրենքի ընդունումը նշանակում է ԵԱՏՄ-ից դուրս գալու մասին հայտարարություն։
Մեդվեդև. Երևանը երբեք չի դառնա ԵՄ անդամ, փոխարենը՝ երկար ժամանակով կփչացնի հարաբերությունները ԵԱՏՄ-ի, այդ թվում ՝ Մոսկվայի հետ
Վարդևանյան. Հայաստանի հասարակայնությունն ԱԺ-ից պահանջում է բազմաթիվ խնդիրների լուծում, այլ ոչ թե՝ ներողությունների մասին սկանդալային պահանջներ
Գ. Ծառուկյան. Չի կարելի պարզապես ապրել խոզի պես, մտածել միայն քո սեփական շահերի մասին և անտարբեր լինել քո երկրի և ժողովրդի հոգսերի նկատմամբ
"Բաքվում արժանի հակահարված ենք տվել մեր ժողովրդի անցյալի և ներկայի մասին ստահոդ պնդումներին". Արցախի խորհրդարանի նախկին խոսնակը` Բաքվի բանտից
ԱԺ փոխնախագահի պաշտոնի թեկնածուն կարծում է, որ իր տիկնոջ աշխատավարձը "Հայփոստի" տնօրենի պաշտոնում ամենացածրն է տվյալ ընկերության պատմության մեջ
Ռուսաստանի մշտական ներկայացուցիչ. ՀԱՊԿ-ի և Հայաստանի միջև որևէ հակամարտություն չկա
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
