Երևանի քաղաքապետարանում ժամանակավոր համաձայնության են եկել Աէրացիա թաղամասի բնակիչների հետ, որոնց բնակելի տնակները պետք է ապամոնտաժվեն

Արմինֆո. Երևանի քաղաքապետարանում ժամանակավոր համաձայնության են եկել Շենգավիթ վարչական շրջանի Աէրացիա թաղամասի բնակիչների հետ, որոնց բնակելի տնակները պետք է ապամոնտաժվեն քաղաքապետարանի որոշմամբ: Այդ մասին լրագրողների հետ զրույցում հաղորդել է Շենգավիթ վարչական շրջանի ղեկավար Ռոմիկ Մխիթարյանը:

Նրա ասելով՝ նման պայմանավորվածության են հանգել թաղամասի բնակիչների հետ զրույցից հետո, որի արդյունքում երկու հիմնական պայման է դրվել նրանց առջև: "Մեքենաներ էին մտնում տարածք և այնտեղ աղբ էին թափում։ Բնակիչները թույլ էին տալիս նրանց մուտք գործել՝ որոշակի գումարի դիմաց։ Այս խնդիրն առաջացել է դեռ 2022 թվականից։ Բացի այդ, տարածքում իրականացվել են շինարարական աշխատանքներ։ Երևանի քաղաքապետի որոշմամբ այդ տնակների ապամոնտաժման գործընթացը կասեցվել է, սակայն բնակիչների առջև երկու պայման է դրվել: Նախ՝ տարածքը պետք է մաքրվի, և ոչ մի մեքենա այլևս այնտեղ աղբ չթափի։ Երկրորդ․ ցանկացած շինարարական աշխատանք պետք է դադարեցվի ։ Բնակիչները համաձայնել են և խոստացել կատարել դրանք", - նշել է Մխիթարյանը։

Նրա ասելով, եթե այդ պայմաններն իրականում բավարարվեն, ապա բնակիչները կարող են մնալ իրենց  տնակներում այնքան ժամանակ, քանի դեռ իրենց խնդիրը չի լուծվել, և նրանց այլ բնակարան չի տրամադրվել: "Այդ հարցն արդեն մեր իրավասության մեջ չէ։ Դա Միասնական սոցիալական ծառայության խնդիրն է։ Միասնական սոցիալական ծառայության պետը նույնպես խոսել է բնակիչների հետ և պայմանավորվել նրանց հետ հետևյալի մասին. նրանք դիմումներ կգրեն և կներկայացնեն, որոնք հետո կքննարկվեն: Խնդիրն այն է, որ նախկինում ոչ ոք դրանով չի զբաղվել։ Այնտեղ կան երեխաներ, որոնք մինչ օրս գրանցված չեն, ինչի հետ կապված մինչեւ հիմա սոցիալական նպաստ չեն ստանում", - պարզաբանել է Շենգավիթի թաղապետը։

Խոսելով այն մասին, թե որքան ժամանակ կպահանջվի տարածքը մաքրելու համար, նա տեղեկացրել է, որ այնտեղ մոտ 1500 մեքենա աղբ է կուտակվել: "Պատկերացրեք, թե որքան ժամանակ կպահանջվի դրա համար։ Տարածքի մաքրման աշխատանքները պետք է սկսվեն վաղը։ Հավանաբար, տեսախցիկներ տեղադրվեն, որ հնարավոր լինի անընդհատ հետևել իրավիճակին", - հավելել է Մխիթարյանը:

Թաղամասի բնակիչներն, իրենց հերթին, պատմել են, որ ոչ բոլորին կարող է օգնություն տրամադրվել ։ "Մեզ զգուշացրել են, որ ինչ-որ մեկը կարող է դուրս գալ, ինչ-որ մեկը ՝ ոչ ։ Բայց մեզ խորհուրդ տվեցին, միևնույն է, դիմում գրե։ Յուրաքանչյուր ընտանիք պետք է գրի իր սեփականը, առանձին: Կոնկրետ ժամկետներ մեզ չեն տվել, ասել են ՝ դեռ ապրեք։ Մնացածի համար մեզ զգուշացրել են, որ այդ տնակները, միևնույն է, վաղ թե ուշ պետք է քանդվեն, քանի որ այդ տարածքը պատկանում է պետությանը", - ասել է թաղամասի բնակչուհիներից մեկը։

Նրանք նաև պատմել է, թե ինչպես են ավարտվել երեկ հավաքվածների և ոստիկանների միջև տեղի ունեցած ծեծկռտուքը։ Թաղամասի բնակչուհիներից մեկի խոսքով ՝ երկրորդ կարգի հաշմանդամ տղամարդու համար շտապօգնություն են կանչել և տարել Էրեբունի բժշկական կենտրոն, որտեղ ցուցաբերել են անհրաժեշտ բուժօգնություն: "Դրանից հետո նրան տարել են Ոստիկանության բաժին և թողել մեկուսարանում ։ Մենք չգիտենք, թե որն է պատճառը ։ Ծեծկռտուքի ժամանակ նա ոչ մեկի վրա չի հարձակվել, չի հարվածել։ Ընդ որում, նա պետք է դեղորայք ընդունի։ Ավելին, հաշվի առնելով նրա առողջական խնդիրները, նրան պետք է հարցաքննեին փաստաբանի ներկայությամբ։ Ինչ վերաբերում է կնոջը, ում նույնպես այդ օրը ձերբակալել են, նրա մայրը հիվանդ է, ով խնամքի կարիք ունի", - պատմել են նրանք։

Հիշեցնենք, որ օգոստոսի 31-ի առավոտից լարված իրավիճակ էր ստեղծվել Շենգավիթ վարչական շրջանի Աէրացիա թաղամասում։ Բնակիչները հաղորդել էին, որ Շենգավիթ վարչական շրջանի ներկայացուցիչները առավոտից փորձել են քանդել այդ թաղամասի բնակելի տնակները: Մայրաքաղաքի պաշտոնյաների պնդմամբ ՝ դրանք ապօրինի շինություններ են, որոնք ենթակա են ապամոնտաժման ։ Բնակիչներն, իրենց հերթին, պատմել էին, որ այդ տներն իրենց տրամադրել են բարերարները, և իրենք արդեն 30 տարի ապրում են այնտեղ ։ Դա լարվածություն էր առաջացրել ապամոնտաժման ենթակա տնակների բնակիչների եւ պաշտոնյաների միջեւ։ Դեպքի վայր էին կանչվել շտապօգնության բրիգադներ։ Խոսքը 6 ընտանիքի տնակների մասին է։