Արմինֆո.ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում ծխախոտային արտադրատեսակների արտադրություն իրականացնող ընկերության կողմից առանձնապես խոշոր չափերով հարկեր չվճարելու դեպքի առթիվ քննվող քրեական վարույթով կատարված մեծածավալ քննչական և վարութային գործողությունների արդյունքում պարզվել և հիմնավորվել են ընկերության պատասխանատու անձանց կողմից 2023-2024 թվականների ընթացքում ՀՀ տարածքում սպիտակ տուփերով, առանց որևէ մակնշման ծխախոտային արտադրանքների իրացման դեպքեր: Այդ մասին հաղորդում է ՀՀ քննչական կոմիտեի մամուլի ծառայությունը։
«Քրեական վարույթի նախաքննության ընթացքում ընկերության կողմից հարկային մարմին են ներկայացվել ճշգրտված հաշվարկներ, որոնց արդյունքում վերականգնվել է պետությանը պատճառված 338 մլն 525 հզր 74 ՀՀ դրամի չափով վնասը: Նախաքննությունը շարունակվում է», - ասվում է հաղորդագրությունում:
Նշենք, որ եղած տեղեկությունների համաձայն, խոսքը "Բարգավաճ Հայաստան" կուսակցության առաջնորդ Գագիկ Ծառուկյանին պատկանող "Մուլտի Տաբակ" ընկերության մասին է:
Հիշեցնենք, որ հուլիսի 6-ին "Բարգավաճ Հայաստան" կուսակցության առաջնորդ և գործարար Գագիկ Ծառուկյանին ձերբակալել և տեղափոխել էին ՀՀ քննչական կոմիտե: Նա մեղադրվում է խարդախություն կազմակերպելու և առանձնապես խոշոր չափերով դրամական միջոցներ օրինականացնելու (լվանալու) համար։ Քննության վարկածով՝ 2022-2024 թվականներին նրա ղեկավարությամբ գործող խումբը Հայաստանի և Իրանի միջև առևտրատնտեսական կապերի զարգացման պատրվակով Իրանի քաղաքացիների մասնակցությամբ ստեղծել է համատեղ իրավաբանական անձինք, որից հետո իրականացրել է խարդախ սխեմա ՝ պատճառելով ավելի քան 21 մլն դոլարի վնաս։
Բացի այդ, Գագիկ Ծառուկյանին ևս մեկ մեղադրանք է առաջադրվել ՝ ապօրինի որսի համար: Հուլիսի 7-ին դատարանը բավարարել է մեղադրող կողմի միջնորդությունը ՝ Ծառուկյանին երկու ամսով կալանավորելու մասին։ Գործի շրջանակներում հուլիսի 6-ին իրավապահ մարմինները խուզարկություններ են իրականացրել Ծառուկյանի հետ կապված ավելի քան 70 հասցեներում: Դրանից հետո բոլոր ձեռնարկությունների դռները կապարակնքվել էին։
Հուլիսի 16-ին Գլխավոր դատախազությունը հայտարարել էր, որ Հայաստանի Հակակոռուպցիոն դատարանը բավարարել է Ծառուկյանի Արարատի ցեմենտի գործարանը պետության վերահսկողությանը հանձնելու իրենց հայցը: Ծառուկյանի գործարանի ազգայնացման գործընթացը սկսվել էր այն բանից հետո, երբ ՀՀ վարչապետ Նիկոլ Փաշինյանը մայիսի 20-ին Լոռու մարզում նախընտրական քարոզարշավի ժամանակ սպառնացել էր ազգայնացնել Ծառուկյանի բիզնեսը: Նա ընդգծել էր, որ արդեն կա համապատասխան գրություն դատախազությունից ՝ գործընթացը նախաձեռնելու համար։ Փաշինյանի այդ խոսքերից հետո դատախազությունը սկսել էր գործողություններ ձեռնարկել այդ ուղղությամբ ։ Ինքը ՝ "Բարգավաճ Հայաստան" կուսակցության առաջնորդ Գագիկ Ծառուկյանն, այն ժամանակ ընդգծել էր գործարքի օրինականությունը և գործարանի շուրջ ճնշումը կապել էր իր քաղաքական ակտիվության հետ։ Նա նշել էր, որ ձեռնարկությունը ձեռք է բերվել բացարձակապես օրինական ճանապարհով և նախազգուշացրել էր սեփականության ապօրինի առգրավման դեպքում իրավական հետևանքների մասին, ընդհուպ՝ մինչև Եվրոպական դատարան դիմելը:
Հուլիսի 16-ին հայտնի դարձավ նաև, որ Գագիկ Ծառուկյանին պատկանող "Մուլտի Վելնես" ընկերության շենքը հանձնվել է Երևանի քաղաքապետարանի տնօրինությանը: Տեղեկությունը Factor․am-ի հետ զրույցում հաստատել է Երևանի քաղաքապետ Տիգրան Ավինյանը: Նրա ասելով ՝ շենքը կառուցվել է համայնքային տարածքում, որը դասվում է օտարման ոչ ենթակա հողերին, ընդ որում, շինարարության ընթացքում թույլ են տրվել խախտումներ:
Քաղաքագետ. Հայաստանում բռնաճնշումները նպատակ ունեն վերաձևակերպել ուժերի հավասարակշռությունը, ազդեցության կենտրոնները և տնտեսական սեփականությունը
Փորձագետ. Հայաստանը շարունակում է «պոկվել» Ռուսաստանի գլխավորած ռազմաքաղաքական և տնտեսական կառույցներից
Կարծիք. Փաշինյանի կառավարության հնգամյա ծրագիրը նպատակ ունի ներկայիս կառավարության գաղափարախոսական հայեցակարգերը վերածել պետական քաղաքականության
Մեդվեդև. Երևանը երբեք չի դառնա ԵՄ անդամ, փոխարենը՝ երկար ժամանակով կփչացնի հարաբերությունները ԵԱՏՄ-ի, այդ թվում ՝ Մոսկվայի հետ
Վարդևանյան. Հայաստանի հասարակայնությունն ԱԺ-ից պահանջում է բազմաթիվ խնդիրների լուծում, այլ ոչ թե՝ ներողությունների մասին սկանդալային պահանջներ
Գ. Ծառուկյան. Չի կարելի պարզապես ապրել խոզի պես, մտածել միայն քո սեփական շահերի մասին և անտարբեր լինել քո երկրի և ժողովրդի հոգսերի նկատմամբ
"Բաքվում արժանի հակահարված ենք տվել մեր ժողովրդի անցյալի և ներկայի մասին ստահոդ պնդումներին". Արցախի խորհրդարանի նախկին խոսնակը` Բաքվի բանտից
ԱԺ փոխնախագահի պաշտոնի թեկնածուն կարծում է, որ իր տիկնոջ աշխատավարձը "Հայփոստի" տնօրենի պաշտոնում ամենացածրն է տվյալ ընկերության պատմության մեջ
Ռուսաստանի մշտական ներկայացուցիչ. ՀԱՊԿ-ի և Հայաստանի միջև որևէ հակամարտություն չկա
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայ վերլուծաբան․ Զարգացնելով հարաբերությունները Եվրոպայի և ԱՄՆ-ի հետ՝ Հայաստանը չպետք է վտանգի տարածաշրջանային տերությունների հետ իր հարաբերությունները
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
