Արմինֆո. «Արթուր Թարխանյան կենտրոն» թանգարանը խստորեն դատապարտում է ՀՀ կառավարության նախաձեռնությունը՝ Զվարթնոց օդանավակայանի հին մասնաշենքը Երևան քաղաքի պատմության և մշակույթի անշարժ հուշարձանների պետական ցուցակից հանելու և դրա պահպանության իրավական կարգավիճակը դադարեցնելու վերաբերյալ։
Ինչպես հիշեցրել են թանգարանի մամուլի ծառայությունում, Զվարթնոց օդանավակայանի հին մասնաշենքը հայկական ժամանակակից ճարտարապետության լավագույն նմուշներից մեկն է, որը լայն ճանաչում է ստացել միջազգային հանրության շրջանում։
«Այս եզակի կառույցի մասին բազմաթիվ հրապարակումներ են եղել՝ ընդգծելով դրա բացառիկ ճարտարապետական արժեքն ու նշանակությունը։ Աշխարհում պահպանվել են ընդամենը յոթ նմանատիպ օդանավակայաններ, որոնք գտնվում են պետության հոգածության ներքո՝ որպես ճարտարապետական և մշակութային ժառանգության կարևոր նմուշներ, նույնիսկ այն դեպքում, երբ այլևս չեն շահագործվում։
Կրկին ընդգծում ենք, որ Զվարթնոց օդանավակայանի հին մասնաշենքը հնարավոր է վերագործարկել՝ համապատասխանեցնելով այն միջազգային չափանիշներին։ Մեր համոզմամբ՝ ավելի փոքր ներդրումներով և ավելի կարճ ժամկետներում հնարավոր է ապահովել օդանավակայանի թողունակության զգալի աճ՝ ավելացնելով այն մինչև երեք անգամ և համալրելով ևս 10 գեյթով։
Կոչ ենք անում ՀՀ կառավարությանը վերանայել Զվարթնոց օդանավակայանի զարգացման մաստեր պլանը և, առաջնորդվելով օրենսդրության պահանջներով, պահպանել Զվարթնոց օդանավակայանի հին մասնաշենքը՝ որպես հայկական ճարտարապետական և մշակութային ժառանգության արժեքավոր նմուշ», - ասվում է թանգարանի հաղորդագրությունում:
Հիշեցնենք, որ դեռ 2013 թվականին "Հայկական միջազգային օդանավակայաններ" ՓԲԸ-ն հայտարարություն էր տարածել, որ "Զվարթնոցի" հին շենքը վտանգ է ներկայացնում շրջապատի համար և չի համապատասխանում աերոնավիգացիայի ժամանակակից ստանդարտներին: Կլոր շենքի քանդման նախագիծը խիստ քննադատության էր արժանացել ճարտարապետների շրջանում, ովքեր նշում էին, որ շենքը պատմական արժեք է ներկայացնում: 2015 թվականին կոնցեսիոները ներկայացրեց նոր նախագիծ, որը ենթադրում էր "Զվարթնոցի" հին մասնաշենքի մասնակի պահպանում ։ "Զվարթնոց" օդանավակայանի հին համալիրի օղակաձև էստակադայի ապամոնտաժման թույլտվությունը "Հայկական միջազգային օդանավակայաններ" ՓԲԸ-ին Երևանի քաղաքապետարանը տվել էր 2015 թվականի դեկտեմբերի 24-ին: Սակայն բողոքի ալիքի պատճառով իշխանությունները հայտարարել էին քանդման վերաբերյալ վերջնական որոշման բացակայության մասին ։
Մինչդեռ հայ ճարտարապետների դիրքորոշումը մնում է անփոփոխ․ "Զվարթնոցի" հին մասնաշենքը պետք է ամբողջությամբ պահպանվի։ Մասնավորապես, նշվում է, որ այդլ շենքը՝ Հայաստանի ռազմավարական նշանակության այլ օբյեկտների (ԱԷԿ, մի շարք ՀԷԿ-եր, Արփա-Սևան թունել) հետ միասին, կառուցվել է անվտանգության խիստ կանոնների պահպանմամբ և կարող է դիմակայել 9 բալ ուժգնությամբ երկրաշարժին:
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
