Արմինֆո.Հայաստանի ազգային ֆիլհարմոնիկ նվագախումբը՝ Էդուարդ Թոփչյանի ղեկավարությամբ, մեր ժամանակների նշանավոր երաժիշտներից մեկի՝ աշխարհահռչակ ջութակահար,Սերգեյ Խաչատրյանի մասնակցությամբ ելույթ կունենա Սյունիքի մարզում:
Համերգները տեղի կունենան հուլիսի 29-30-ը Մեղրիում, Կապանում և Գորիսում՝ Զանգեզուրի պղնձամոլիբդենային և Ագարակի պղնձամոլիբդենային կոմբինատների աջակցությամբ:
Հանդիսատեսին կներկայացվի հագեցած համերգային ծրագիր, որում ընդգրկված են Մաքս Բրուխի Ջութակի և նվագախմբի համար սոլ մինոր թիվ 1 կոնցերտը ՝Սերգեյ Խաչատրյանի կատարմամբ, ինչպես նաև Արամ Խաչատրյանի "Դիմակահանդես" նվագախմբային սյուիտը Հայաստանի ազգային ֆիլհարմոնիկ նվագախմբի կատարմամբ:
Հյուրախաղերը նշանակալի մշակութային իրադարձություն կդառնան Սյունիքի համար՝ մարզի բնակիչներին հնարավորություն ընձեռելով ունկնդրել համաշխարհային մակարդակի երաժիշտների կատարումները և ըմբոշխնել դասական երաժշտության գլուխգործոցները Հայաստանի առաջատար երաժշտական կոլեկտիվնրից մեկի կատարմամբ:
"Այս առաքելությունն ուղղված է Հայաստանի և Սփյուռքի ներկայացուցիչների ջանքերի միավորմանը՝ աջակցելու մշակութային և հասարակական նշանակալի նախաձեռնություններին", - ասվում է ֆիլհարմոնիկ նվագախմբի մամուլի ծառայության հաղորդագրությունում:
"Ինձ համար մեծ պատիվ և մեծ ուրախություն է հանդես գալ իմ Հայրենիքում, իմ ժողովրդի առջև ։ Ես շատ սրտացավ եմ վերաբերվում Հայաստանին և միշտ առանձնահատուկ հուզմունքով եմ վերադառնում այստեղ ։ Ուրախ եմ, որ ինձ այստեղ սիրում և սպասում են։ Արտիստի համար հարազատ հողի և քեզ աջակցող մարդկանց հետ այդ կապից ավելի կարևոր բան չկա", - նշել է Սերգեյ Խաչատրյանը։
Իր հերթին ՀՖՆ գլխավոր դիրիժոր և գեղարվեստական ղեկավար Էդուարդ Թոփչյանը նշել է, որ Հայաստանի մարզերում հյուրախաղեր կազմակերպվում են պարբերաբար: "Մեզ համար շատ կարևոր է, որ երկրի բոլոր մարզերի բնակիչները հնարավորություն ունենան առնչվել դասական երաժշտության հետ և իրենց կտրված չզգան մշակութային կյանքից: Ես անկեղծորեն երախտապարտ եմ նվագախմբի երաժիշտներին՝ այդ ուղևորություններին մասնակցելու պատրաստակամության համար, ինչպես նաև շնորհակալ եմ մեր գործընկերներին ՝ հյուրախաղերի կազմակերպման հարցում աջակցության եւ օժանդակության համար", - հավելել է նա։
Neo metals company պաշտոնական ներկայացուցիչ Ռուզաննա Գրիգորյանը նշել է, որ ձեռնարկությունը միշտ պատրաստ է աջակցել մշակութային նշանակալի նախաձեռնություններին: Նրա խոսքով՝ կոմբինատը հետևողականորեն ծրագրեր է իրականացնում միջազգային մակարդակի մշակութային գործիչների մասնակցությամբ, քանի որ կարևոր է համարում արվեստի ականավոր ներկայացուցիչների ուշադրությունը հրավիրել Հայաստանի վրա:
"Այսօր, առավել քան երբևէ, մեր երկիրն աջակցության, միասնության և համախմբման կարիք ունի։ Այդ իսկ պատճառով այս նախագիծը մեզ համար առանձնահատուկ նշանակություն ունի։ Դրան մասնակցում է մեր հայրենակից, աշխարհահռչակ ջութակահար Սերգեյ Խաչատրյանը, ով իր արվեստով գերել է աշխարհի լավագույն համերգային բեմերը, սակայն երբեք չի կորցրել կապը Հայրենիքի հետ և մշտապես ուշադրություն է հատկացրել նրան:
Այս նախագիծը միավորում է մարդկանց, քանի որ երաժշտությունը համամարդկային լեզու է, որը բոլորը հասկանում են: Սա լեզու է, որով մարդիկ լսում և հասկանում են միմյանց", - ասել է Գրիգորյանը։
Կարծիք. Բաքուն Բեռլինում բանակցությունների արդյունքներով ստանում է ընդլայնված ազդեցության ալիք ԵՄ ներսում և ամրապնդում է համագործակցային կապերը գլխավոր եվրո-շարժիչի հետ
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
