Երևանի գլխավոր հատակագծի հեղինակ Ալեքսանդր Թամանյանի թանգարանը կմիավորվի ճարտարապետության ինստիտուտի հետ և կկրի նրա անունը: Հայաստանի քաղաքաշինության նախարարության նման ոչ միանշանակ որոշման առնչությամբ Ալեքսանդր Թամանյանի թոռը` Գագիկ Թամանյանը, նամակ է հղել նախարար Նարեկ Սարգսյանին: Մեծ ճարտարապետի ժառանգը, ով ապրում է Լոնդոնում, սուր քննադատության է ենթարկել նախարարությանը, որը, նրա կարծիքով, Թամանյանի և ճարտարապետության թանգարանները միավորում է նախարարությանն առընթեր խնջույքների սրահի բարեկարգման համար: «Հնարավոր չէ պատկերացնել, որ աշխարհում որևէ այլ տեղ փակեն մեծ մարդու թանգարան: Ռոդենի թանգարանը չեն փակում` նրա քանդակները հանձնելով Լուվրին, Սարյանի թանգարանը, հուսով եմ, նույնպես չեն փակի` նրա գոիծերին սրահ հատկացնելով Հայաստանի պատկերասրահում», - գրում է Գագիկ Թամանյանը:
Մինչդեռ Հայաստանի ճարտարապետների միության ղեկավար Մկրտիչ Մինասյանն Արմինֆո-ի թղթակցի հետ զրույցում չի համաձայնել նամակում արտահայտված կարծիքին, հայտարարելով, որ Ալեքսանդր Թամանյանի թանգարանը ոչ ոք մտադիր չէ փակել: Նա տեղեկացրել է, որ խոսքը վերաբերում է ոչ թե թանգարանի փակմանը, այլ նրա միավորմանը Ճարտարապետության ազգային թանգարան-ինստիտուտի հետ: Ընդ որում, ինչպես նշվել է նա, երկու կառույցների միավորման հիման վրա ստեղծված թանգարանը կրելու է Ալեքսանդր Թամանյանի անունը: Մինասյանը հատկապես ընդգծել է փաստը, որ Թամանյանի թանգարանի ցուցադրությունը կմնա անփոփոխ: Բացի այդ, միավորված թանգարանի հասցեն էլ կմնա նախկինը. այն կառավարության թիվ 3 շենքի առաջին հարկում:
Մինասյանը ենթադրել է, որ քաղաքաշինության նախարարին հղված բաց նամակը գործերի իրականն վիճակի մասին սխալ իրազեկման հետևանք է եղել: «Մենք զրուցել ենք Թամանյանի մյուս որդու` Հայկ Թամանյանի հետ, ով ավելի վաղ գլխավորում էր Թամանյանի թանգարանը: Մենք երկուսս էլ վշտացած ենք այն առնչությամբ, որ թանգարանների միավորման վերաբերյալ տեղեկատվությունը սխալ է մեկնաբանվել», - ասել է Մինասյանը:
Նշենք, որ իր բաց նամակում Գագիկ Թամանյանը ծայրահեղ մտահոգություն է հայտնել այդ որոշման առնչությամբ. «քանդված թանգարանից ոչ մի փոշեհատիկ չի հայտնվի միավորված թանգարանում, և իմ ողջ ընտանիքն այդ մասին հոգ կտանի»: Կեցցես նախարար, վայելիր քո նախարարության խջույքների սրահը: Բայց մի մոռացեք, որ բոլորովին վերջերս Երևանում բացել են Կոմիտասի թանգարանը, իսկ ահա ձեզ հաջողվել է վերջապես, պայքարի տասներկու տարում փակել Թամանյանի թանգարանը` իրոք խնջույքի լավ առիթ: Չէ որ ձեզ համար բավական չէ, որ ձեր ղեկավարման օրոք տասնամյակներ շարունակ «բարելավել են» Թամանյանի գլխավոր հատակագիծը և այդ բարելավումն ավարտվել է այն բանով, որ քաղաքում ճնշում է կանաչի պակասը, իսկ բարձրահարկները ժամանակակից բետոնխառնիչների անդեմ ստեղծագործություններ են և միայն ճնշողաբար են գործում Հայաստանի բնակիչների և մայրաքաղաքի հյուրերի հոգեբանության վրա: Չկա այլևս հայ ժողովրդի ազգային ճարտարապետությունը, և այդ պատճառով կարելի է փակել Թամանյանի թանգարանը, որպեսզի նրա ցուցադրանմուշները հանկարծ հյուրերից և բնակիչներից ոչ ոքի չհիշեցնեն, թե ամեն բան ինչպես պետք է լիներ», - իր նամակում գրել է Թամանյանի թոռը:
Քաղաքաշինության նախարարությունում Արմնֆո-ին չի հաջողվել մեկնաբանություն ստանալ, այստեղ, պարզապես, զանգերին չեն պատասխանում: Երևանի գլխավոր հատակագծի հեղինակ Ալեքսանդր Թամանյանը 1914 թվականին արժանացել է ակադեմիկոսի կոչման: 1923 թվականին նա տեղափոխվել է Երևան, որտեղ գլխավորել է հանրապետությունում սկսված լայնածավալ շինարարությունը: Թամանյանը նաև Երևանի, Սանկտ Պետերբուրգի և Մոսկվայի միարք հոյակապ շենքերի հեղինակ է: Նրա ստեղծագործություններից են Երևանի կենտրոնական հրապարակը` Կառավարության տան հետ միասին, Սպենդիարյանի անվան օպերայի և բալետի թատրոնի շենքը:
Կարծիք. Բաքուն Բեռլինում բանակցությունների արդյունքներով ստանում է ընդլայնված ազդեցության ալիք ԵՄ ներսում և ամրապնդում է համագործակցային կապերը գլխավոր եվրո-շարժիչի հետ
Հայ փորձագետ. Կարո՞ղ է արդյոք ժամանակակից Ադրբեջանը գոյություն ունենալ առանց ռուսական և խորհրդային արդիականացման
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
