Արմինֆո.Ակնհայտ է, որ "Ուժեղ Հայաստան" դաշինքի քաղխորհրդի անդամ Նարեկ Կարապետյանին մեղադրանք առաջադրելու վերաբերյալ Կենտրոնական ընտրական հանձնաժողովի համաձայնությունն ինքնին իրավունքի և Սահմանադրության տարրական նորմերի կոպիտ խախտում է:
Այդ մասին հայտարարել է Amsterdam & Partners LLP-ի հիմնադիր և կառավարող գործընկեր, "Ուժեղ Հայաստան" կուսակցության առաջնորդի փաստաբան Ռոբերտ Ամստերդամը ։
"Նարեկ Կարապետյանի շուրջ տեղի ունեցող իրադարձությունների մասին կարդալիս ակամայից հիշում եմ Կաֆկային։ Նրա վեպերում ամենասարսափելին այն է, թե ինչպես էր ակնհայտ անհեթեթությունը ներկայացվում որպես նորմալ, բնական ընթացակարգ: Նույն վարքագիծն այսօր դրսևորում են նաև Նիկոլ Փաշինյանի Կենտրոնական ընտրական հանձնաժողովը և դատախազությունը: Ինձ համար ակնհայտ է, որ Նարեկ Կարապետյանին մեղադրանք առաջադրելու վերաբերյալ Կենտրոնական ընտրական հանձնաժողովի համաձայնությունն ինքնին իրավունքի և Սահմանադրության տարրական նորմերի կոպիտ խախտում է", - Facebook-ի իր էջում գրել է փաստաբանը:
Նա արձանագրել է, որ Կենտրոնական ընտրական հանձնաժողովը Կարապետյանին կալանավորելու միջնորդությունը մերժել է ոչ թե օրենքի նկատմամբ հարգանքից ելնելով, այլ այն պատճառով, որ դա չի տեղավորվում իր կողմից սահմանված անօրինականության սահմաններում:
Ամստերդամը հավելել է, որ Հայաստանի ԿԸՀ-ը, կանաչ լույս վառելով Կարապետյանին մեղադրանք առաջադրելու համար, խախտել է խորհրդարանական անձեռնմխելիության երաշխիքները՝ դատական գործընթացը վերածելով քաղաքական հրամանների կատարման գործիքի: "Սա իրավագիտություն չէ, սա սովորական քաղաքական վախ է ։ Նիկոլ Փաշինյանը տեսնում է, որ Նարեկ Կարապետյանն իր ակտիվությամբ դառնում է խորհրդարանում ընդդիմության առանցքային առաջնորդը և, հետևաբար, կորցնում է ինքնատիրապետումը: Ակնհայտ է նաև, որ Փաշինյանը կանգ չի առնելու. վախեցած կառավարությունը պատրաստ է դիմել ցանկացած ապօրինության: Բայց պատմությունը ցույց է տալիս, որ ոչ մի կառավարություն, որն իր ժողովրդին անհեթեթություն է պարտադրում և օրենքը խաղալիք է դարձնում, չի կարող երկար գոյատևել, ի վերջո, ինքն էլ կխեղդվի անօրինականության ճահճում, որն էլ հենց ինքն է ստեղծել", - ամփոփել է Ամստերդամը։
Հիշեցնենք, որ հուլիսի 21-ին փաստաբան Արամ Վարդևանյանը հաղորդել էր, որ ՀՀ գլխավոր դատախազությունը Նարեկ Կարապետյանին անձեռնմխելիությունից զրկելու միջնորդություն է ներկայացրել ԿԸՀ: Միաժամանակ, փաստաբանը հիշեցրել էր, որ խորհրդարանի պատգամավորներն օժտված են լրացուցիչ անձեռնմխելիությամբ ։ Նա համոզմունք էր հայտնել, որ Նարեկ Կարապետյանին պատգամավորական անձեռնմխելիությունից զրկելու փորձը քաղաքական աբսուրդի եւ հետապնդման դրսեւորում է, որը նպատակ ունի խաթարել նրա գործունեությունը Հայաստանի խորհրդարանում: Հուլիսի 22-ին ԿԸՀ-ը համաձայնություն էր տվել Նարեկ Կարապետյանի նկատմամբ քրեական վարույթ նախաձեռնելուն, սակայն մերժել էր նրան ձերբակալելու թույլտվություն տալու միջնորդությունը:
Հայ վերլուծաբան․ Հավաքական ընդդիմության առաջնային խնդիրներից մեկը գործող վարչակարգի նկատմամբ արդյունավետ զսպող մեխանիզմների ձևավորումն է
Հայ փորձագետ. Կարո՞ղ է արդյոք ժամանակակից Ադրբեջանը գոյություն ունենալ առանց ռուսական և խորհրդային արդիականացման
ՀՀ պաշտպանության նախկին փոխնախարար. Հարավային Կովկասը մտնում է անկայունության նոր փուլ
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
