Արմինֆո. Իրանական կողմը ցավում է, որ հայ-իրանական առևտրի կենտրոնի նախագծի իրականացումը հաջողությամբ չի պսակվել: Այդ մասին հուլիսի 8-ին Երեւանում կայացած մամլո ասուլիսում հայտարարել է Հայաստանում Իրանի դեսպան Խալիլ Շիրղոլամին՝ ի պատասխան այն հարցի, թե արդյոք տիրապետում է մանրամասների այն քրեական գործի վերաբերյալ, որի շրջանակում ձերբակալվել է "Բարգավաճ Հայաստան" կուսակցության առաջնորդ, գործարար Գագիկ Ծառուկյանը:
"Դա մեր ափսոսանքներից մեկն է։ Ցավում ենք, որ հայ-իրանական առևտրի կենտրոնի նախագծի իրականացումը հաջողությամբ չի պսակվել։ Այդ նախագիծը հիմնված էր բարի կամքի և հետաքրքիր գաղափարի, ինչպես նաև հայ-իրանական առևտրի կենտրոն ստեղծելու ցանկության վրա, որի աշխատանքներում ներգրավված էին նաև Իրանի քաղաքացիներ, ինչպես նաև Գագիկ Ծառուկյանը", - նշել Է դիվանագետը։
Շիրղոլամին պարզաբանել է, որ կենտրոնի բացումից հետո Իրանի դեսպանատունը հետեւողականորեն մասնակցել է այդ նախագծի շրջանակներում առաջացող հարցերի լուծմանը, որի նպատակն էր զարկ տալ երկկողմ առեւտրին եւ ապահովել իրանական ապրանքների ավելի լայն ներկայություն հայկական շուկայում:
"Ցավոք, կողմերի մոտ ինչպես այս նախագծի շրջանակներում, այնպես էլ այլ գործարար շրջանակներում որոշակի տնտեսական տարաձայնություններ են առաջացել։ Եվ, քանի որ դա հղի էր որոշ ծախսերով, մենք փորձեցինք մեր կողմից հարթել իրավիճակը, և ես անձամբ փորձեցի միջնորդ լինել կողմերի միջև ծագած վեճում ։ Այն բանից հետո, երբ պարզ դարձավ, որ իրադարձությունների զարգացումը հղի է խնդիրներով, մենք փորձեցինք հանդես գալ որպես միջնորդ և կողմերին բերել փոխհամաձայնության։ Ես մինչև վերջ կապի մեջ եմ եղել երկու կողմերի հետ, որպեսզի օգնեմ մշակել փոխընդունելի լուծում ։ Այսօր, քանի որ գործ ունենք իրավական գործընթացի հետ, և գործն արդեն դատարանում է, հուսով ենք, որ փաստաթղթերի և ապացույցների հիման վրա հնարավոր կլինի հարցի լուծումը", - ընդգծել է Շիրղոլամին։
Դիվանագետի խոսքով, հաշվի առնելով հայ-իրանական հարաբերությունների բարձր մակարդակը, Իրանը բնավ չէր ցանկանա, որպեսզի այդ համատեքստում ինչ-որ մութ կողմեր մնան:
Ընդհանուր առմամբ, անդրադառնալով Հայաստանում ստեղծված իրավիճակին և Ծառուկյանի ձերբակալությանը, ԻԻՀ դեսպանը հայտարարել է, որ չէր ցանկանա միջամտել Հայաստանի ներքին քաղաքականությանը:
Նա հիշեցրել է, որ Հայաստանում տեղի են ունեցել խորհրդարանական ընտրություններ, որոնց արդյունքները հրապարակվել են, և պաշտոնական Թեհրանը շնորհավորել է երկրում իշխող ուժին հաղթանակի կապակցությամբ: "Մենք հույս ունենք, որ երկու երկրների միջև հատուկ հարաբերությունները հետագայում ևս կզարգանան", - ասել է Շիրղոլամին, հավելելով, որ Իրանը, ելնելով սեփական փորձից, կարող է ասել, որ երկրի ներսում պառակտումը ոչ մի լավ բանի չի կարող հանգեցնել:
"Իրանն ի սրտե ցանկանում է տեսնել ուժեղ, միասնական, համախմբված Հայաստան", - եզրափակել Է դիվանագետը:
Հիշեցնենք, որ հուլիսի 6-ին "Բարգավաճ Հայաստան" կուսակցության առաջնորդ և գործարար Գագիկ Ծառուկյանին ձերբակալել և տեղափոխել էին ՀՀ քննչական կոմիտե: Նա մեղադրվում է խարդախություն կազմակերպելու և առանձնապես խոշոր չափերով դրամական միջոցներն օրինականացնելու (լվանալու) մեջ ։ Քննության վարկածով՝ 2022-2024 թվականներին նրա ղեկավարությամբ գործող խումբը Հայաստանի և Իրանի միջև առևտրատնտեսական կապերի զարգացման պատրվակով Իրանի քաղաքացիների մասնակցությամբ ստեղծել է համատեղ իրավաբանական անձեր, որից հետո իրականացրել է խարդախ սխեմա ՝ պատճառելով ավելի քան 21 մլն դոլարի վնաս ։ Բացի այդ, Գագիկ Ծառուկյանին ևս մեկ մեղադրանք է առաջադրվել՝ ապօրինի որսի համար: Հուլիսի 7-ին դատարանը բավարարել է մեղադրող կողմի միջնորդությունը ՝ Ծառուկյանին երկու ամսով կալանավորելու մասին։
Փորձագետ. սպանված Խամենեյի հուղարկավորությունը դարձավ Իրանի կողմից իր կապերի դիվանագիտական ինվենտարիզացիա
Հայ թուրքագետը բացատրեց, թե ինչպես է Ադրբեջանը վերաշարադրում Երևանի պատմությունը
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
