Սև ծովի կողմից Հայաստանին նոր ցիկլոն է մոտենում, որն իր հետ կբերի օդի ջերմաստիճանի նվազում

Արմինֆո.  Հայաստանում շոգ եղանակը կպահպանվի մինչև հուլիսի 3-ը ներառյալ, որից հետո Սև ծովի կողմից երկրին կսկսի մոտենալ նոր ցիկլոն, որը կհանգեցնի օդի ջերմաստիճանի նվազման և առատ անձրևների: Այս մասին հաղորդել է ՀՀ շրջակա միջավայրի նախարարության Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը։

Նրա խոսքով ՝ Հայաստանում վերջին օրերին հաստատված կայուն եղանակն առաջիկայում կփոխվի։ Հարավ-արևմուտքից տաք օդային զանգվածների ներթափանցումը կշարունակվի մինչև հուլիսի 3-ի կեսօր, ինչի հետևանքով օդի ջերմաստիճանը կբարձրանա ևս 4-5 աստիճանով: "Ամենաշոգ օրը կլինի հուլիսի 3-ը։ Ցերեկային ժամերին հանրապետության ամենատաք շրջաններում՝ Սյունիքի հովիտներում, Արարատյան դաշտում և Երևանում, օդի ջերմաստիճանը կհասնի 34-36 աստիճանի", - հաղորդել է Սուրենյանը։

Սակայն, ինչպես նշել է գլխավոր օդերեւութաբանը, արդեն շոգից հետո երկիր կհասնի Սեւ ծովից եկող ցիկլոնը, որն իր ազդեցությունը կպահպանի մինչեւ հուլիսի 8-ը՝ ներառյալ ։ Հանրապետության տարածքում հուլիսի 4-8-ը ՝ գիշերը և կեսօրից հետո, շրջանների զգալի մասում սպասվում է կարճատև անձրև և ամպրոպ: Տեղ-տեղ տեղումնեցրը կլինեն ուժեղ, ամպրոպների ժամանակ կանխատեսվում է քամու ուժգնացում: Ցիկլոնն իր հետ կբերի նաև հյուսիս-արևմուտքից եկող սառը օդային զանգվածներ։ Օդի ջերմաստիճանը հուլիսի 4-5-ը Հայաստանի ողջ տարածքում կնվազի 4-6 աստիճանով: