Ներկայումս TRIPP նախագծի շուրջ Հայաստանը որևէ բանակցություն չի վարում ռուսական կողմի հետ. ՀՀ ԱԳՆ

Արմինֆո. Ներկայումս TRIPP նախագծի շուրջ Հայաստանը ռուսական կողմի հետ որևէ բանակցություն չի վարում: Այդ մասին հուլիսի 1-ին լրագրողների հետ զրույցում հայտարարել է ՀՀ արտաքին գործերի նախարարի տեղակալ Մնացական Սաֆարյանը։ 

Նրա խոսքով՝ այդ հարցն այս պահին բացակայում է հայ-ռուսական երկկողմ օրակարգից ։ Միաժամանակ, փոխնախարարը հրաժարվել է կանխատեսել այդ նախագծի հետագա զարգացումը։ Նա միայն նշել է, որ նախագիծն իրականացվում է Եվրասիական տնտեսական միության կարգավորման շրջանակում, և, ուստի, Ռուսաստանի հետ փոխգործակցության մեջ խնդիրներ չպետք է լինեն: Սաֆարյանն ընդգծել է, որ Հայաստանը մնում է ԵԱՏՄ անդամ, իսկ նախագիծն իրականացվում է միության կանոններին համապատասխան: "TRIPP նախագիծն այս պահին գտնվում է իրականացման փուլում։ Այժմ Հայաստանը Եվրասիական տնտեսական միության անդամ է, և TRIPP-ն իրականացվելու է ԵԱՏՄ կարգավորումների շրջանակում։ Մաքսային կարգավորումը ԵԱՏՄ-ում իրականացնում են մեր մաքսային մարմինները, այնպես որ, մենք այստեղ խնդիր չենք տեսնում։ Մենք շահագրգռված ենք երկխոսությամբ և մեր հարաբերությունների շարունակմամբ։ Առաջիկայում կլինեն շփումներ", - ասել է Սաֆարյանը։

Հիշեցնենք, որ ավելի վաղ ՌԴ փոխարտգործնախարար Միխայիլ Գալուզինը հայտարարել էր, որ ռուսական մասնակցությունից "Թրամփի ուղի հանուն միջազգային խաղաղության և բարգավաճման" (TRIPP) նախագիծը միայն կշահեր:

2025 թվականի օգոստոսի 8-ին Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը Վաշինգտոնում ստորագրել են յոթ կետից բաղկացած համատեղ "Խաղաղության հռչակագիր"։ Այն նախատեսում է համատեղ դիմում Եվրոպայի անվտանգության եւ համագործակցության կազմակերպությանը (ԵԱՀԿ) ԵԱՀԿ Մինսկի գործընթացի եւ դրա հետ կապված կառույցների դադարեցման մասին, ինչպես նաեւ Հայաստանի տարածքով տրանսպորտային միջանցքի ստեղծում, որը կկապի Ադրբեջանն իր նախիջեւանյան էքսկլավի հետ, որը շրջապատված է Հայաստանով, Թուրքիայով եւ Իրանով: Իսկ արդեն հունվարի 14-ին Հայաստանի ԱԳՆ-ը հրապարակել է Վաշինգտոնում սստոորագրված «Թրամփի ուղի՝ հանուն միջազգային խաղաղության և բարգավաճման» (ԹՐԻՓՓ) նախագծի` Հայաստան-ԱՄՆ իրականացման շրջանակի հրապարակման վերաբերյալ համատեղ հայտարարությունը։ 12 էջանոց փաստաթղթում ներկայացված են նախագծի հիմնական նպատակները և դրա գործունեության մեխանիզմները։ Մասնավորապես, ընդգծվում է, որ Հայաստանը մտադիր է թույլատրել և աջակցել ԹՐԻՓՓ զարգացման ընկերության հիմնմանը։ «Ակնկալվում է, որ ընկերությունը պատասխանատու կլինի ԹՐԻՓՓ-ի զարգացման համար՝ 49 տարի նախնական ժամկետով նրան տրամադրվող կառուցապատման իրավունքով։ Հայաստանը մտադիր է ԱՄՆ-ին առաջարկել ԹՐԻՓՓ զարգացման ընկերության 74% մասնաբաժինը և պահպանել 26% մասնաբաժինը։ Ակնկալվում է, որ այս համագործակցությունը կերկարաձգվի ևս 50 տարով՝ Հայաստանի կառավարությանը հավելյալ սեփականության տրամադրմամբ նրա մասնաբաժինը դարձնելով 49%։ Ակնկալվում է, որ ԹՐԻՓՓ զարգացման ընկերության բաժնետերերի փոփոխությունը (ներառյալ մասնաբաժինների վաճառք, նվիրատվություն, միավորում, անջատում, վերակազմակերպում կամ որևէ այլ իրավական կամ փաստացի գործողություն) և վերջնական շահույթի սեփականատերերի փոփոխությունը ենթակա կլինի Հայաստանի և ԱՄՆ կառավարությունների հետ նախօրոք համաձայնեցմանը», - ասվում է փաստաթղթում։