Արմինֆո. Այսօր հեռավար աշխատանքի որոնումների արդյունքում կարող եք ոչ թե գտնել երկար սպասված եկամտի աղբյուրը, այլ կորցնել սեփական հեռախոսի նկատմամբ վերահսկողությունը։
Զեղծարարներն ակտիվորեն օգտագործում են կիբերշորթման մանրակրկիտ ծրագիր, որի միջոցով ձեր սմարթֆոնը հեռավար արգելափակում են «աշխատանքային ծրագիրը կարգավորելու» պատրվակով և, ամբողջական վերահսկողություն ստանալով ձեր տվյալներին, ապաարգելափակման համար պահանջում են կատարել վճարում։
Խաբեության մեխանիզմը․ «ազատ հաստիքից»՝ հեռախոսի արգելափակում
- Կեղծ հաստիք։ Ամեն ինչ սկսվում է տելեգրամյան ալիքներում, Facebook-ի խմբերում կամ այլ առցանց հարթակներում տեղադրված հեռավար աշխատանքի վերաբերյալ գրավիչ հայտարարությունից։ Որպես կանոն, այսպիսի հայտարարություններում փնտրում են SMM մասնագետների, տեքստ գրողների, ղեկավարի օգնականների և այլն։ Առաջարկում են շուկայական մակարդակին հավասար կամ բարձր աշխատավարձ և ամբողջովին հեռավար աշխատանք։
- Հարցազրույց։ Ձեզ հետ ջերմորեն հաղորդակցվում են, հարցնում Ձեր հմտությունների մասին և տալիս են թեստային առաջադրանք․ ամեն ինչ հնարավորինս իրական է թվում։
- «Աշխատանքային միջավայրի կարգավորում»։ Սա զեղծարարների ծրագրի գլխավոր մասն է՝ հեռախոսի նկատմամբ վերահսկողություն ստանձնելու նպատակով․
- iPhone-ի դեպքում՝ խնդրում են մուտք գործել այլ օգտատիրոջ Apple ID-ով՝ իբրև թե կորպորատիվ հավելվածներից, CRM համակարգից կամ աշխատանքային էլեկտրոնային փոստից օգտվելու նպատակով,
- Android-ի դեպքում՝ ուղարկում են ծրագիր՝ «.apk» ընդլայնմամբ ֆայլի տեսքով, և համառորեն խնդրում են ծրագրին տրամադրել ադմինիստրատորի լրիվ հասանելիություններ։
- Արգելափակում։ Զոհի կողմից հրահանգները կատարելուց անմիջապես հետո, զեղծարարները հեռավար անջատում են բիոմետրիկ տվյալները, ակտիվացնում «սարքը կորել է» հրահանգը, և այն դառնում է ապակու և մետաղի մի անպետք կտոր։
- Սպառնալիք։ Էկրանին հայտնվում է ապաարգելափակման համար տասնյակ հազարավոր դրամներ փոխանցելու պահանջ։ Զեղծարարները ճնշում են գործադրում և սպառնում հեռախոսից ջնջել բոլոր տվյալները։ Որոշ դեպքերում նրանք կարող են կորզել բանկային մեկանգամյա SMS-կոդերը՝ փորձելով գողանալ ֆինանսները կամ ձեր անունով միկրովարկ ձևակերպել։
Իրավաբանական ծուղակ
Երբ օգտատերն ինքն է մուտք գործում այլ օգտատիրոջ հաշիվ կամ ինքնուրույն ներբեռնում ծրագիր և ինքնակամ դրան տալիս ադմինիստրատորի հասանելիություն, ապա իրավական տեսանկյունից զեղծարարը դառնում է սարքի սեփականատերը։ Այս պարագայում ոչ արտադրողը, ոչ բանկը չեն կարող նախօրոք հայտնաբերել անվտանգության խախտում։ Եթե դրանից հետո կորզված SMS-կոդերի միջոցով հաշվից գումար է գանձվում, ապա գործողությունը հաստատված է համարվում հենց հաճախորդի կողմից, և այն չեղարկելը կամ միջոցները վերադարձնելը գրեթե անհնար է։
IDBank-ը խորհուրդ է տալիս․
Աշխատանքը պետք է եկամուտ բերի, ոչ թե շորթի այն ձեզնից։ Հետևեք այս անվտանգության կանոններին, որպեսզի ձեր սմարթֆոնը զեղծարարների «պատանդ» չդառնա․
- Երբեք մուտք մի գործեք այլ օգտատերերի հաշիվներ։ Ձեր Apple ID-ն կամ Google-հաշիվը «ձեր բնակարանի բանալիներն են»։ Այլ օգտահաշիվ մուտք գործելը զեղծարարին հնարավորություն է տալիս ստանալ ձեր հեռախոսի նկատմամբ լիակատար վերահսկողություն։
- Հավելվածները՝ միայն պաշտոնական հարթակներից։ Ծրագրերը ներբեռնեք բացառապես App Store-ից և Google Play-ից։
- Ստուգեք գործատուին։ Իրական ընկերությունն ունի կայք, որտեղ նշված են կոնտակտային տվյալներն ու ֆիզիկական հասցեն։ Եթե ամբողջ շփումը սահմանափակվում է անանուն զրույցով, և դուք ստիպված եք տարօրինակ հեռախոսային գործողություններ կատարել, ավարտեք զրույցը։
- Մի վճարեք փրկագինը։ Վճարումը չի երաշխավորում ապաարգելափակումը։ Հակառակը, դուք զեղծարարներին վստահեցնում եք, որ պատրաստ եք վճարել, և սպառնալիքները կարող են շարունակվել։
- Պահեք կտրոնները։ Եթե ձեր սարքն արգելափակվել է, ապա Apple-ի կամ Google-ի պաշտոնական աջակցության միջոցով վերականգնումը հնարավոր է միայն կտրոնների առկայության դեպքում։ Սա միակ իրավական ապացույցն է, որ հեռախոսը ձերն է։
Հիշեք․ ցանկացած աշխատանք, որը սկսվում է ձեր հեռախոսի վերահսկողությունն անծանոթին հանձնելու խնդրանքով, ծուղակ է։ Ձեր ֆինանսական և թվային անվտանգությունը սկսվում է ձեր իսկ ուշադրությունից։
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Թուրքագետ․ Իրանի և ԱՄՆ հռչակագիրը քաղաքական-տնտեսական առումով ավելի շահավետ է Իրանի համար
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Քաղաքագետ․ Նոր իրավիճակում պաշտոնական Երևանը կարող է Բաքվին առաջարկել խաղաղության գործընթացը շարունակել առանց ՀՀ սահմանադրության շուրջ հանրաքվեի
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
