Արմինֆո. Հայաստանի ընդդիմադիր ուժերի կողմնակիցները հանրահավաք են անցկացնում Սահմանադրական դատարանի շենքի մոտ, որտեղ ընթանում է հունիսի 7-ի խորհրդարանական ընտրություններն անվավեր ճանաչելու վերաբերյալ նրանց դիմումի քննությունը: Այդ առնչությամբ դատարանի շենքի մոտ ոստիկանական զգալի ուժեր են բերվել։
Լրագրողների հետ զրույցում "Բարգավաճ Հայաստան" կուսակցությունից պատգամավորի թեկնածու Սուրեն Սուրենյանցը նշել է, որ ընտրությունների արդյունքների նման վիճարկումը Սահմանադրական դատարանում աննախադեպ է Հայաստանի պատմության մեջ, ուշադրություն հրավիրելով այն հանգամանքին, որ դիմում են ներկայացրել 7 ընդդիմադիր քաղաքական ուժեր: Սա, ըստ նրա, խոսում է Հայաստանում ընտրական ինստիտուտների նկատմամբ համատարած անվստահության մասին։ "Միայն մեկ անգամ Սահմանադրական դատարանը՝ 2003 թվականին, թեև մերժել էր ընդդիմության դիմումը, սակայն ընդունել էր, որ մեկ տարի անց իշխանությունը պետք է վստահության հանրաքվե անցկացնի։ Ես լավատեսորեն չեմ տրամադրված։ Բայց ընդդիմությունն, այնուամենայնիվ, պետք է օգտագործի իր ունեցած ողջ իրավական գործիքակազմը", - ընդգծել է Սուրենյանցը։
Քանի որ, ինչպես պարզաբանել է քաղաքական գործիչը, հետագայում ընդդիմությունը կարող է մարդու իրավունքների տեսանկյունից դիմել ՄԻԵԴ ։ "Այսօրվա նիստը նաև շանս է դատարանի անդամների համար՝ կամ գնալ օրինական ճանապարհով, կամ դառնալ ՀՀ վարչապետ Նիկոլ Փաշինյանի "գրպանի շնիկը": Ընդդիմությունն, իր հերթին, այժմ պետք է ստեղծի համապատասխան "համակարգեր" երկրում իշխանափոխության համար", - նշել է Սուրենյանցը։
"Ուժեղ Հայաստան" դաշինքի անդամ, իրավագետ Գոհար Մելոյանն, իր հերթին, հաղորդել է, որ այս պահին դատարանում ընդդիմությունն իր դիմումներն է ներկայացնում: Ընդ որում, նա արձանագրել է, որ այսօր Հայաստանում սահմանադրական մշակույթն անմխիթար վիճակում է։ "Բայց հուսով եմ, որ Գերագույն դատարանն, այնուամենայնիվ, կաշկանդված կլինի այն հանգամանքներով, որոնք այժմ ներկայացնում են քաղաքական ուժերը։ Նրանց հայտարարություններն ամբողջությամբ հիմնավորում են այն փաստը, որ "Քաղաքացիական պայմանագիր" կուսակցության ակտիվ գործունեությունը նախընտրական շրջանում եւ հենց քվեարկության օրը չէր կարող չազդել ընտրությունների արդյունքների վրա", - ուշադրություն է հրավիրել Մելոյանը։
Նշենք, որ ոչ հեռու ընթանում էր նաև "ՀայաՔվե" քաղաքացիական նախաձեռնության անդամների հանրահավաքը, ովքեր եկել էին պահանջելու ազատ արձակել "ՀայաՔվե" միավորման համակարգող Ավետիք Չալաբյանին և մյուս քաղբանտարկյալներին: Դատարանի շենքի մոտ նրանք եկել էին պաստառներով, որոնց վրա գրված էր․ "Հանուն իրավական պետության", "Ոչ ընտրովի արդարադատությանը"։ Չալաբյանի կինը լրագրողների հետ զրույցում հաղորդել է, որ ամուսինն առողջական խնդիրներ ունի, որոնք անտեսվել են: Նրա համոզմամբ՝ ամուսնու ձերբակալությունը վրեժխնդրության ակտ է՝ կապված ընտրակեղծիքների բացահայտմանը նրա մասնակցության հետ։ Նշենք, որ "ՀայաՔվե" նախաձեռնությանը Հայաստանի խորհրդարանական ընտրությունների ժամանակ աջակցել է Սամվել Կարապետյանի "Ուժեղ Հայաստան" դաշինքին:
Նշենք, որ այսօրվա նիստում Սահմանադրական դատարանը մերժել է դատավորներ Սեդա Սաֆարյանի և Դավիթ Խաչատուրյանի ՝ գործին մասնակցելու անհնարինության հարցը քննելու ընդդիմության պահանջը՝ հաշվի առնելով նրանց կողմնակալությունը: Իր հերթին՝ "Բարգավաճ Հայաստան" կուսակցությունը ներկայացնող փաստաբան Արամ Օրբելյանը միջնորդություն է ներկայացրել դատարանի կազմը ոչ լեգիտիմ ճանաչելու մասին, նկատի ունենալով, որ 9 դատավորներից նիստին ներկա են միայն 7-ը: Դատարանը մերժել է միջնորդությունը: Հատկանշական է, որ այդ միջնորդությանը դեմ է հանդես եկել "Ուժեղ Հայաստան" դաշինքի անդամ, փաստաբան Արամ Վարդևանյանը, նշելով, որ, հաշվի առնելով հեռացված դատավորների կողմնակալությունը, ամբողջ կազմով նիստն անհնար է: Նիստի ընթացքում դատավոր Արման Դիլանյանը հաղորդել է, որ հաջորդ նիստը տեղի կունենա հունիսի 27-ին: Ընդ որում, նա ուշադրություն է հրավիրել այն հանգամանքին, որ այն կարող է շարունակվել նաեւ հունիսի 28-ին, քանի որ որոշման ընդունման համար այնքան էլ շատ օր չի մնացել: Դիլանյանը հիշեցրել է, որ որոշման հրապարակման վերջնաժամկետը հուլիսի 4-ն է ։
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Թուրքագետ․ Իրանի և ԱՄՆ հռչակագիրը քաղաքական-տնտեսական առումով ավելի շահավետ է Իրանի համար
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Քաղաքագետ․ Նոր իրավիճակում պաշտոնական Երևանը կարող է Բաքվին առաջարկել խաղաղության գործընթացը շարունակել առանց ՀՀ սահմանադրության շուրջ հանրաքվեի
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
