Արմինֆո. Նիկոլ Փաշինյանի իշխող «Քաղաքացիական պայմանագիր» կուսակցությունը Հայաստանի խորհրդարանում ստացել է 64 մանդատ, իսկ երկու ընդդիմադիր ուժերը միասին՝ 41 մանդատ: Այս մասին հայտնի է դարձել Կենտրոնական ընտրական հանձնաժողովի նախագահ Վահագն Հովակիմյանի հայտարարությունից, ով ներկայացրել է հունիսի 7-ին երկրում անցկացված խորհրդարանական ընտրությունների քվեարկության վերջնական արդյունքները:
Հովակիմյանը հայտնել է, որ քվեարկության վերջնական արդյունքների համաձայն՝ ընտրություններին մասնակցությունը կազմել է 58,9% կամ 1 մլն 476 769 քաղաքացի: Հայաստանի խորհրդարան են անցնում «Քաղաքացիական պայմանագիր» կուսակցությունը՝ ընտրողների ձայների 49,7456%-ով, Սամվել Կարապետյանի «Ուժեղ Հայաստան» դաշինքը՝ 23,2710%-ով և երկրորդ նախագահ Ռոբերտ Քոչարյանի «Հայաստան» դաշինքը՝ 9,9231%-ով: Գագիկ Ծառուկյանի «Բարգավաճ Հայաստան» կուսակցությունը (ԲՀԿ) ձայների վերահաշվարկի արդյունքներով չի կարողացել հաղթահարել խորհրդարան անցնելու 4%-ի շեմը՝ ստանալով ընդամենը 3,9893%: Դա տեղի է ունեցել այն բանից հետո, երբ ՀՀ ԿԸՀ-ն անվավեր է ճանաչել քվեարկության արդյունքները երեք ընտրատեղամասերում, որտեղ Ծառուկյանի կուսակցությունը ստացել էր ավելի քան 200 ձայն: Ընդ որում, ԿԸՀ-ի այս քայլերի հետևանքով խորհրդարան անցնելու համար կուսակցությանը չի հերիքել մոտ 160 ձայն: Այնուամենայնիվ, Հովակիմյանը նիստի ընթացքում վստահեցրել է, որ այդ տեղամասերում քվեարկության արդյունքների չեղարկումը չի ազդել ընտրությունների ընդհանուր արդյունքների վրա, և հրաժարվել է կրկնակի քվեարկություն կազմակերպել նշված տեղամասերում:
Այսպիսով, ըստ Հովակիմյանի, մանդատները բաշխվել են հետևյալ կերպ. Փաշինյանի կուսակցություն՝ 64 մանդատ և խորհրդարանում 3/5-ի սահմանադրական մեծամասնության ստացում, Կարապետյանի դաշինք՝ 29 մանդատ, և Քոչարյանի դաշինք՝ 12 մանդատ:
ԿԸՀ հայտարարությունից հետո 6 ընդդիմադիր ուժեր հանդես են եկել համատեղ հայտարարությամբ՝ ընտրություններն անվանելով ոչ լեգիտիմ:
«Հայաստանի Հանրապետությունում խորհրդարանական ընտրություններն անցկացվել են այնպիսի պայմաններում, որոնք արմատապես կասկածի տակ են դնում ընտրական գործընթացի ազատ, արդար և մրցակցային բնույթը։ Մենք՝ ներքոստորագրյալ քաղաքական ուժերս, արձանագրում ենք, որ ողջ ընտրական գործընթացում, ներառյալ նախընտրական շրջանը և քվեարկության օրը, տեղի են ունեցել համակարգված ու կազմակերպված խախտումներ, որոնք էական ազդեցություն են ունեցել ընտրողների կամքի ազատ արտահայտման, հավասար քաղաքական մրցակցության ապահովման և ընտրական ինստիտուտների նկատմամբ բնակչության վստահության վրա, իսկ գործող վարչակազմը թույլ է տվել ընտրական իրավունքի սկզբունքների խախտումների բացահայտ դրսևորումներ», - ասված է հայտարարության մեջ։ Այս համատեքստում մատնանշվում է իշխանությունների կողմից վարչական ռեսուրսների և ճնշումների լայնածավալ կիրառումը, ընդդիմախոսների քաղաքական հետապնդումներն ու ձերբակալությունները, ընդդիմության շտաբների գործունեության նպատակաուղղված խոչընդոտումը, տեղեկատվական ու քարոզչական լրատվամիջոցների չարաշահումը։
«Ընտրությունների վերաբերյալ ներկայացված պաշտոնական տվյալները չեն արտացոլում ժողովրդի իրական կամքը և ընտրությունների ճշգրիտ արդյունքները։ Նման պայմաններում արձանագրված արդյունքները չեն կարող հիմք հանդիսանալ ժողովրդի մեծամասնության վստահությունը վայելող լեգիտիմ կառավարության ձևավորման համար։ Երկրում իրավիճակի հետագա սրման ողջ պատասխանատվությունը կրում են բացառապես Նիկոլ Փաշինյանն ու նրա վարչակազմը։ Մենք այսուհետ ևս գործելու ենք բացառապես Սահմանադրության, օրենքների և ժողովրդավարական սկզբունքների շրջանակներում՝ պաշտպանելով քաղաքացիների կարծիքի ազատ արտահայտման իրավունքը և Հայաստանի Հանրապետության պետականության ու ժողովրդավարության հիմնարար արժեքները։ Մեր հետագա որոշումներում և գործողություններում մենք ելնելու ենք բացառապես այս իրողություններից», - հայտարարել են քաղաքական ուժերը։
Հայտարարության տակ ստորագրել են «Ուժեղ Հայաստան» և «Հայաստան» դաշինքները, ինչպես նաև «Բարգավաճ Հայաստան», «Լուսավոր Հայաստան», «Հայ ազգային կոնգրես» և «Բևեռ» (Ազգային ժողովրդավարական բևեռ) կուսակցությունները:
ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ
Փորձագետ. Գագիկ Ծառուկյանը մարմնավորում է խոշոր բիզնեսի և կառավարության միջև հարաբերությունների հետխորհրդային մոդելը, և այս մոդելը կիրառվում է շատ այլ հետխորհրդային երկրներում
Փորձագետ. Ադրբեջանը պետական մակարդակով առաջ է մղում Հայաստանի դեմ ագրեսիվ ծրագրերը
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
