Անհետ կորածներին առնչվող հարցերը պետք է լուծվեն համագործակցության միջոցով․ Փաշինյան

Արմինֆո. Հայաստանն ու Ադրբեջանն անհետ կորածներին առնչվող խնդիրներ ունեն, և այդ հարցերը պետք է լուծվեն համագործակցության ճանապարհով։ Այդ մասին հունիսի 11-ին ճեպազրույցում հայտարարել է  ՀՀ վարչապետ Նիկոլ Փաշինյանը։ Ընդ որում, նա նշել է, որ նման համագործակցությունը ոչ միայն խաղաղության ինստիտուցիոնալացում է, այլև հակամարտության ծանր էջի փակում:

«Սա շատ կարևոր փուլ է: Դրա համար մենք էլ ենք շահագրգռված", - ասել է վարչապետը,  նկատելով, որ չեն մոռացվել ոչ անհետ կորածները, ոչ էլ անազատության մեջ գտնվող հայրենակիցները։ Փաշինյանի կարծիքով ՝ պետք է գնալ այն բանինն, որպեսզի լիարժեք համատեղ աշխատանքով լուծեն այդ բոլոր խնդիրները։ «Եվ վերադարձը պետք է տեղի ունենա: Ես էլ չեմ խոսում երկկողմ առևտրի մասին, որը զարգանում է, որը նաև խաղաղության շատ կարևոր հենարան է", - ասել է վարչապետը։

Նշենք, որ մինչ օրս հայտնի չէ ադրբեջանական բանտերում պահվող հայ ռազմագերիների և պատանդների ստույգ թիվը: Կարմիր խաչի միջազգային կոմիտեի վերջին տվյալների համաձայն, 2024 թվականի օգոստոսի դրությամբ հայկական կողմից անհետ կորած է համարվում շուրջ 1000 անձ, ընդ որում, շուրջ 300 մարդ այդպիսին է համարվում 2020 թվականի աշնանից մինչև 2023 թվականի աշուն ընկած ժամանակահատվածում Լեռնային Ղարաբաղի հակամարտության գոտում վերջին սրացումից հետո։ Բոլոր տվյալները ԿԽՄԿ-ն հավաքել է անհետ կորածների հարազատների դիմումների հիման վրա։ ԿԽՄԿ-ից նաև հաղորդել են, որ այդ 300 անձանց թվում կան մի քանի տասնյակ դիմումներ, որոնք վերաբերում են այն դեպքերին, երբ ընտանիքը չի համաձայնել պետության ներկայացրած ԴՆԹ տվյալների հետ: