Ռուսաստանի սենատոր․ Ընտրությունների ժամանակ իշխող կուսակցության կողմից խախտումների վերաբերյալ ընդդիմադիր ուժերի բողոքները մնացել են անպատասխան

Արմինֆո. Հայաստանում խորհրդարանական ընտրությունների ժամանակ իշխող "Քաղաքացիական պայմանագիր" կուսակցության կողմից թույլ տրված խախտումների վերաբերյալ ընդդիմադիր ուժերի բողոքները ոչ մի պատասխան չեն ստացել: Այդ մասին հունիսի 8-ին կայացած մամուլի ասուլիսում հայտարարել է Ռուսաստանի սենատոր Ալեքսանդր Սավինը։

Նա պատմել է, որ Ռուսաստանի 6 սենատորներից բաղկացած իրենց առաքելությունն այցելել է 30 ընտրատեղամաս․  10-ը՝ Երևանում, 20-ը՝ մայրաքաղաքից դուրս: Առաքելության շրջանակներում,  նրա հավաստմամբ, հանդիպումներ են եղել նաև տարբեր կուսակցությունների հետ, որոնց ընթացքում բոլորը համակարծիք են եղել: "Նրանք հաղորդել են, որ իշխանության կուսակցության կողմից թույլ տրված խախտումների վերաբերյալ իրենց բոլոր բողոքներին, որոնք ներկայացրել են Կենտրոնական ընտրական հանձնաժողով (ԿԸՀ) եւ այլ կառույցներ,  մինչ այս պահը ոչ մի պատասխան չի ստացվել", - ուշադրություն է հրավիրել Սավինը:

Խոսելով այլ խախտումների մասին՝ նա նշել է, որ առանձին կուսակցությունների համար քվեաթերթիկների ոչ բավարար քանակ է արձանագրվել: "Նման այլ խնդիրներ էլ կան, բայց դրանց վրա կանգ չեմ առնի, դրանք արձանագրված են և փոխանցվել են հայկական կողմին։ Լրջագույններից են ուժային կառույցների աննախադեպ ճնշումները, կուսակցությունների ակտիվիստների ձերբակալությունները։ Ձերբակալվել են անգամ տեղամասային հանձնաժողովների նախագահներ, ինչը նույնպես աննախադեպ է", - ընդգծել է Սավինը։

Բացի այդ, նա մատնանշել էՀայաստանի օրենսդրության թերությունը։ Ինչպես պարզաբանել է ռուս սենատորը, այն անհնար է դարձնում քվեարկությունը արտերկրում բնակվող և աշխատող Հայաստանի քաղաքացիների համար: "Իսկ դա շատ մեծ թվով քաղաքացիներ են", - նշել է Սավինը։

Հիշեցնենք, որ 2026 թվականի հունիսի 7-ին Հայաստանում տեղի ունեցան հերթական խորհրդարանական ընտրությունները ։ Հայաստանի Կենտրոնական ընտրական հանձնաժողովի նախնական տվյալների համաձայն, բոլոր 2005 ընտրատեղամասերի ձայների հաշվարկի արդյունքում խորհրդարան են անցնում Նիկոլ Փաշինյանի իշխող "Քաղաքացիական պայմանագիր" կուսակցությունը, Սամվել Կարապետյանի "Ուժեղ Հայաստան" դաշինքը, երկրորդ նախագահ Ռոբերտ Քոչարյանի "Հայաստան"դաշինքը: Մյուս թեկնածուների արդյունքները ցածր են կուսակցությունների համար անհրաժեշտ  4 տոկոս, դաշինքների համար՝ 8-10 տոկոս անցողիկ շեմից։ Ընտրություններին մասնակցությունը կազմել է 58,97 տոկոս։ Ամբողջ երկրում կայացած ընտրություններին քվեարկել է 1 476 597 քաղաքացի ՝ ընտրելու իրավունք ունեցող 2 միլիոն 505 հազար 228 քաղաքացիներից: Նշենք, որ ընտրությունների օրը վաղ առավոտից դիտորդներն ու լրագրողներն ահազանգում էին իշխող ուժի կողմից քվեարկության կազմակերպման բազմաթիվ խախտումների մասին: Այսպիսով, Փաշինյանի կուսակցությունը հնարավորություն ունի միանձնյա ձևավորել երկրի կառավարությունը ՝ ստանալով Հայաստանի խորհրդարանում մանդատների մեծամասնությունը: Այդ մասին նա հանդիսավոր հայտարարել էր ուշ գիշերին, երբ մշակվել էին ընտրատեղամասերի միայն մոտ 10% - ի տվյալները։