533 ընտրատեղամասերի ձայների հաշվարկով Փաշինյանի կուսակցությունը առաջատարն է 51,13%-ով

Արմինֆո.Հայաստանի Կենտրոնական ընտրական հանձնաժողովը ներկայացրել է 533 ընտրատեղամասերի հաշվարկների արդյունքները, որտեղ քվեարկել է 246 476 քաղաքացի, և համաձայն որոնց՝ Նիկոլ Փաշինյանի իշխող «Քաղաքացիական պայմանագիր» կուսակցությունը ստացել է 51,13 % կամ 124 471 ձայն։

ՀՀ ԿԸՀ առցանց ցուցատախտակի տվյալների համաձայն՝ Սամվել Կարապետյանի «Ուժեղ Հայաստան» դաշինքը ստացել է 23,34% կամ 56 823 ձայն, երկրորդ նախագահ Ռոբերտ Քոչարյանի «Հայաստան» դաշինքը՝ 9,76% կամ 23 763 ձայն, գործարար Գագիկ Ծառուկյանի «Բարգավաճ Հայաստան» կուսակցությունը՝ 4,09% կամ 9960 ձայն։

Մնացած թեկնածուների արդյունքներն առայժմ անհրաժեշտ շեմից ցածր են։ Ընտրություններին մասնակցությունը կազմել է 58,97%: Տեղական ժամանակով ժամը 20:00-ի դրությամբ հանրապետության ողջ տարածքում ընտրություններին քվեարկել է 1 476 597 քաղաքացի՝ ընտրության իրավունք ունեցող մոտ 2 միլիոն 505 հազար 228 քաղաքացուց։ Բացվել էր 2005 ընտրատեղամաս:

Հայաստանի խորհրդարանի նախորդ՝ արտահերթ ընտրություններին, որոնք կայացել էին 2021 թվականի հունիսի 20-ին, մասնակցությունը կազմել էր ընտրողների 49,41 %-ը կամ ընտրելու իրավունք ունեցող 2 593 572 քաղաքացուց 1 281 911 մարդ։

Րոպեներ առաջ Հայաստանի վարչապետը հանդես է եկել հայտարարությամբ և հայտարարել ընտրություններում իր հաղթանակի մաս՝ ընդգծելով, որ իր քաղաքական ուժը միանձնյա կձևավորի կառավարությունը։