ՀՀ նախագահ Սերժ արգսյանը փետրվարի 6-ին այցելել է Զանգեզուրի Պղնձամոլիբդենային կոմբինատ:
Կոմբինատում տեղի ունեցած խորհրդակցության ընթացքում նախագահը նշել է, որ հանրապետությունն ունի լեռնահումքային մեծ ներուժ: «Այսօր գործող լեռնահումքային ձեռնարկությունները պարտադիր պետք է աշխատեն, եթե անգամ ստիպված լինեն աշխատել ինքնարժեքով կամ դրանից ցածր: Նրանք պետք է հասկանան, որ դրանով լուծում են ոչ միայն սոցիալական պրոբլեմներ, այլ նաև պատրաստվում են իրենց շահույթները վերադարձնելուն` միջազգային շուկայի բարենպաստ պայմանների դեպքում»,-նշել է նա: Այս համատեքստում ՀՀ նախագահը հիշեցրել է, որ 2008-2012 թվականներին ընդունված ժամանակակից լուծումների շնորհիվ հաջողվեց հաղթահարել բոլոր դժվարությունները, արդյունքում, 2011-2012 թվականներն ամենաբարենպաստն էին լեռնահումքային արդյունաբերության համար: «Ես մասնագետ չեմ, բայց վստահ եմ, որ մի քանի տարուց մետաղների գները կնորմալանան»,-ասել է նա: Սարգսյանը, բարձր գնահատելով ԶՊՄԿ գործունեությունը, խոստացել է կոմբինատին աջակցել ունեցած հնարավորությունների սահմաններում:
Ինչպես լրագրողներին հաղորդել է արտադրության ղեկավար Ղազարոս Բեզիրղանյանը, 2016 թվականին կոմբինատը նախատեսում է արտադրությունն ավելացնել 10%: 2015 թվականին շահագործման է հանձնվել երկրորդ գնդավոր աղացը, որի ընդհանուր արժեքը կազմել է 11 մլրդ.դրամ: Առաջին գնդավոր աղացը շահագործվում է 2011 թվականից, ինչի արդյունքում արձանագրվեց արտադրության 27% աճ: «2016 թվականին նախատեսում ենք արտադրությունն ավելացնել 10%»,-նշել է Բեզիրղանյանը:
2015 թվականին կոմբինատում վերամշակվել է 18 մլն.237 հազ.տոննա հանքանյութ, իսկ այս տարի այդ ցուցանիշը նախատեսվում է հասցնել 20 մլն.103 հազ. 900 տոննայի: Արտադրության ղեկավարը խոստովանել է, որ մետաղների գների անկման հետևանքով լեռնահումքային արդյունաբերությունը հայտնվել է բարդ իրավիճակում, սակայն, նա ընդգծել է, որ ԶՊՄԿ-ում անձնակազմի կրճատումներ չեն եղել:
Հավելենք, որ Քաջարանում բացվել է մանկապարտեզ, որի կապիտալ վերանորոգումն իրականացվել է ԶՊՄԿ ֆինանսական ջակցությամբ: Վերականգնման և շինարարական աշխատանքներին ընդհանուր հաշվով ուղղվել է 190 մլն.դրամ:
Նշենք, որ «Զանգեզուրի պղնձամոլիբդենային կոմբինատ» ՓԲԸ հանդիսանում է Հայաստանի ամենախոշոր լեռնահանքային ձեռնարկությունը, որը շահագործում է ԱՊՀ տարածքում պղնձի ամենահարուստ` Քաջարանի հանքավայրը: ԶՊՄԿ մասնավորեցվել է 2004 թվականի դեկտեմբեր 14-ին, 132 մլն դոլարով, որից հետո ընկերության բաժնետոմսերի 60%-ը պատկանում է գերմանական Cronimet Мining ընկերությանը, մնացած 15% - ը` Երևանի «Մաքուր երկաթ» գործարանին, 12.5% -ը`Armenian Molybdenum Prodaction ընկերությանը, 12.5% -ը` «Զանգեզուր Մայնինգ» ընկերությանը (Մաքսիմ Հակոբյան): Ըստ Cronimet Holding գլխամասային գրասենյակի տվյալների, որը գտնվում է գերմանական Կառլսրուզ քաղաքում, վերջին մի քանի տարիներին, կոմբինատի զարգացմանն ուղղված ընդհանուր նրդրումները կազմել են ավելի քան 500 մլն.դոլար: Cronimet Мining Հայաստանում տիրապետում է նաև «Մաքուր երկաթ» գործարանի բաժնետոմսերի 51%-ին, ինչպես նաև կապարաթվային մեկնարկային մարտկոցներ արտադրող «ԷԼԲԱՏ» ՓԲԸ բաժնետոմսերի 51%-ին:
Նշենք, որ 2014 թվականի հունիսին ԶՊՄԿ-ում փոխվեց ղեկավարոթյունը և նոր գլխավոր տնօրեն դարձավ Նիլ Սթիվենսոնը: Բաժնետերերի խորհուրդը որոշեց ստեղծել կառավարող նոր մարմին – Տնօրենների խորհուրդ, որը գլխավորեց նախկին գլխավոր տնօրեն Մաքսիմ Հակուբյանը, որն այդ պաշտոնն զբաղեցնում էր վերջին 20 տարիներին:
2014 թվականի արդյունքներով կոմբինատը 4-րդ հորիզոնականն է զբաղեցրել Հայաստանի խոշորագույն հարկատունրի ցանկում, պետբյուջին վճարելով 19.9 մլրդ.դրամ: Ըստ ԱրմԻնֆո գործակալության` «Հայաստանի խոշորագույն արտադրական ձեռնարկությունների Ռենկինգի», ԶՊՄԿ-ն 2013 թվականը եզրափակել է 7.5 մլրդ.դրամ զուտ շահույթով, արձանագրելով 56% տարեկան անկում:
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Թուրքագետ․ Իրանի և ԱՄՆ հռչակագիրը քաղաքական-տնտեսական առումով ավելի շահավետ է Իրանի համար
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Քաղաքագետ․ Նոր իրավիճակում պաշտոնական Երևանը կարող է Բաքվին առաջարկել խաղաղության գործընթացը շարունակել առանց ՀՀ սահմանադրության շուրջ հանրաքվեի
Հայ փորձագետ․ Ժամանակակից աշխարհաքաղաքական մրցակցությունը տեղափոխվում է տարածքների վերահսկումից դեպի ենթակառուցվածքային հոսքերի վերահսկում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
Մոսկվան կսպասի Հայաստանի ընտրությունների պաշտոնական արդյունքներին . Պեսկով
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
