ԱԳՆ․ Ռուսաստանը չի պատրաստվում վճարել եվրաինտեգրման ուղղությամբ Հայաստանի քայլերի հետեւանքների համար

Արմինֆո.  Ռուսաստանը չի պատրաստվում վճարել եվրաինտեգրման ուղղությամբ Հայաստանի քայլերի հետևանքների համար։ Այդ մասին ՊՄՏՀ-ի շրջանակներում հայտարարել է Ռուսաստանի փոխարտգործնախարար Միխայիլ Գալուզինը։

"Այն հարցը, թե ուր է գնում Հայաստանը և ում հետ է հետագայում կառուցելու իր քաղաքական, պետական ապագան, օրինական հարց է։ Իհարկե, մենք մտադիր չենք այն անվիճելի բոնուսների, արտոնությունների հաշվին, որոնք Հայաստանն ունի Եվրասիական տնտեսական միությանն անդամակցությունից, վճարել դեպի Եվրոպական միություն Հայաստանի շարժման համար", - նշել է փոխնախարարը ։ Խոսելով Հայաստանից ՌԴ ագրոարտադրանքի մատակարարումների սահմանափակման մասին՝ նա նշել է, որ "դա պրոֆիլային մարմինների որոշումն է, որը պայմանավորված է Ռուսաստան որոշակի ապրանքատեսակների ներկրման հայտնի բուսասանիտարական կանոնների պահպանման անհրաժեշտությամբ, հենց այդպես էլ կա": "Անհրաժեշտ է արդյոք լրացնել այդ թափվող ծավալները, եւ ինչպես դրանք լրացնել, դա պրոֆիլային ռուսական կառավարական մարմինների գործն է", - հստակեցրել է դիվանագետը:

"Ընդհանուր առմամբ, մենք տեսնում ենք, որ, մի կողմից, Հայաստանը հայտարարում է Եվրասիական տնտեսական միության շրջանակներում համագործակցությանը հավատարիմ լինելու մասին, բայց, միեւնույն ժամանակ, օրենսդրական քայլեր է անում Եվրամիությանն անդամակցելու գործընթաց սկսելու ուղղությամբ, որը բոլոր առումներով բոլորովին տարբերվում է ԵԱՏՄ – ից, եւ որին անդամակցությունն անհամատեղելի է Եվրասիական տնտեսական միությունում գտնվելու հետ", - ասել է Գալուզինը, հաղորդում Է ՏԱՍՍ-ը:

Նրա խոսքով՝ ուստի, Մոսկվան, "իհարկե, Հայաստանին այդ կապակցությամբ լուրջ հարցեր ունի": "Նա օրենսդրորեն ամրագրել է Եվրամիությանն անդամակցելու մտադրությունը, և ոչ թե պարզապես մտադրությունը, այլ Եվրամիությանն անդամակցելու գործընթացի սկիզբը։ Նա իր մայրաքաղաքում ընդունել է ԵՄ մի շարք միջոցառումներ, որոնք բացահայտ թշնամական ուղղվածություն էին կրում Ռուսաստանի նկատմամբ, ինչը զարմանալի չէ, քանի որ Եվրամիությունն այսօր վարում է բացահայտ հակառուսական, ռուսատյաց, մեզ համար թշնամական քաղաքականություն, ըստ էության, պատրաստվելով մեզ հետ բացահայտ զինված դիմակայության ՝ աջակցելով Կիևում նացիստական ռեժիմին", - ընդգծել է ՌԴ ԱԳ փոխնախարարը։

"Մենք տեսնում ենք նաև, որ երևանյան ամբիոնը Կիեւի ռեժիմի պարագլխի կողմից օգտագործվել է բոլորովին զզվելի նարատիվներ հեռարձակելու համար, Ռուսաստանի դեմ սպառնալիքներ, Մոսկվային հարվածելու սպառնալիքներ՝ մեզ համար սրբազան մայիսի 9-ին։ Ընդունող երկրի պաշտոնական իշխանությունների ներկայացուցիչներից ոչ ոք այդ գործչին հետ չի պահել", - հիշեցրել է ռուս դիվանագետը։

2026 թվականի մայիսի 9-ին Ռուսաստանի նախագահ Վլադիմիր Պուտինը լրագրողների հետ զրույցում Հայաստանին առաջարկել է որքան հնարավոր է շուտ կողմնորոշվել ԵՄ-ին և ԵԱՏՄ-ին անդամակցության հարցում ՝ մատնանշելով հարկ եղած  դեպքում "քաղաքակիրթ ապահարզան սկսելու" պատրաստակամությունը։ Երևանում՝ ի պատասխան, նշել են, որ ԵԱՏՄ-ն կլքեն, երբ հարկ համարեն ։ Իսկ արդեն մայիսի 29-ին ԵԱՏՄ երկրների ղեկավարները համատեղ հայտարարություն են ընդունել, որում Հայաստանից պահանջել են հանրաքվե անցկացնել ԵԱՏՄ-ում գտնվելու մասով

Հիշեցնենք, որ ՀՀ կառավարությունը 2025 թվականի հունվարի 9-ին հավանություն է տվել "ԵվրակՔե" քաղաքացիական նախաձեռնության կողմից առաջարկված ՝ Եվրոպական Միությանն անդամակցելու գործընթաց սկսելու մասին օրենքի նախագծին: Նախագիծն ուղարկվել է Հայաստանի խորհրդարան ՝ հաստատման։ Մարտի 26-ին երկրի խորհրդարանը վերջնական ընթերցմամբ ընդունել է այն և ուղարկել նախագահի ստորագրմանը ։ Փաստաթուղթը ստորագրվել է նույն թվականի ապրիլի 4-ին։ Ռուսաստանը Հայաստանին տեղեկացրել է, որ Եվրասիական տնտեսական միությանը և Եվրամիությանը միաժամանակյա անդամակցությունն անհնար է: