Գարեգին Բ․ Հայ Առաքելական Եկեղեցին ոչ ոքի թույլ չի տա միջամտել Եկեղեցու ներքին գործերին

Արմինֆո.  Ամենայն հայոց Գարեգին Բ կաթողիկոսը հայտարարել է, որ Հայ Առաքելական Եկեղեցին (ՀԱԵ) ոչ ոքի թույլ չի տա միջամտել Եկեղեցու ներքին գործերին։

Այդ մասին Ամենայն հայոց Գարեգին Բ-ն կաթողիկոսը հայտարարել է մի շարք լրատվամիջոցների  խմբագիրների հետ հանդիպման ժամանակ: "Առաջիկա ընտրությունների արդյունքները մենք չգիտենք, բայց եկեղեցին միշտ պատրաստ է պաշտպանել իր իրավունքները, թույլ չտալ, որ որևէ կառույց կամ իշխանություն որևէ կերպ միջամտի Եկեղեցու ներքին կյանքին և ենթարկի իր կամքին: Այնպես որ, մեր դիրքորոշումն ամուր է և հստակ։ Ի շահ ժողովրդի և Հայրենիքի", - ընդգծել է կաթողիկոսը՝ մայիսի 2-ին հրավիրված մամուլի ասուլիսում:

Նա հիշեցրել է, որ Հայ Առաքելական Եկեղեցին դարերի ընթացքում կատարել է ժողովրդի հոգևոր արժեքների ձևավորման, ինքնության պահպանման և ժողովրդի կենսունակության երաշխիքների ապահովման կարևոր առաքելություն: Նրա խոսքով ՝ պատմական այդ առաքելությունը Եկեղեցին ցանկացած պայմաններում անշեղորեն կատարելու է ՝ ապավինելով Երկնային հորը և ժողովրդին:

Ճշտմանը, թե ինչպես կարձագանքի նա, եթե իշխանությունները գնան նրան ձերբակալելու, Գարեգին Բ-ն հիշեցրել է, որ հոգևորականների նկատմամբ այսօրվա դրությամբ մեկ տասնյակից ավելի քրեական գործեր են հարուցվել: Նա հավելել է, որ ջանքեր են գործադրվում Եկեղեցին իրենց կամքին ենթարկելու և կաթողիկոսին հեռացնելու համար: Գարեգին Բ-ն նաև հաղորդել է, որ իրենք ենթարկվելու են, եթե իշխանությունները որոշում կայացնեն կալանավորել Ամենայն հայոց կաթողիկոսին, ենթարկվելու են և բոլոր օրինական եղանակներով ձգտելու են հասնել արդարության՝ իրավական մեխանիզմներով, բայց չեն խուսափելու ՀԱԵ առաքելությունից: Նա նաև ընդգծել է, որ այնքան էլ հեշտ չէ Ամենայն հայոց կաթողիկոսին ստիպել հեռանալ պաշտոնից, քանի որ Հայ Առաքելական Եկեղեցին իր ներքին կանոններն ունի․ "մենք տեղի չենք տա ոչ ճնշման ոչ բռնության ", - ասել է նա:

Անդրադառնալով Եկեղեցու կողմից քաղաքականությանը միջամտելու մասին իշխանությունների մեղադրանքներին ՝ Գարեգին Բ-ն ընդգծել է, որ ՀԱԵ-ն քաղաքականությամբ չի զբաղվում, քաղաքականությամբ զբաղվում են կուսակցությունները: "Եկեղեցին համահայկական հոգևոր կառույց է, և նրա ներգրավումը որևէ կուսակցության գործունեության մեջ կամ կուսակցությանը հովանավորելը կնշանակի դադարել լինել ամենայն հայոց Եկեղեցի", - ասել է նա:

Կաթողիկոսն ընդգծել է, որ Եկեղեցին երբեք ներգրավված չի եղել քաղաքական գործունեության մեջ։ Սակայն, նրա ասելով, Եկեղեցին առաջնային պարտականություն ունի արտահայտել իր դիրքորոշումը մեր հասարակությանը և երկրին հուզող և հասարակական հնչեղություն ստացած հարցերի վերաբերյալ, որոնք կարող են լուրջ վտանգի առաջ կանգնեցնել մեր երկիրը:

Ի պատասխան Հայոց եկեղեցու նկատմամբ գործող իշխանությունների հարձակումներին միջազգային հանրության արձագանքին վերաբերմունք արտահայտելու խնդրանքին՝ նա խոստովանել է, որ միջազգային հանրությունը Եկեղեցու շուրջ տեղի ունեցող գործընթացները համարել է երկրի ներքին խնդիր և որևէ կերպ չի արձագանքել ՝ չնայած տարբեր կառույցների ուղարկված համապատասխան նամակներին:

"Ընդ որում, եկեղեցական կառույցները, այդ թվում ՝ Եկեղեցիների համաշխարհային խորհուրդը և Եվրոպական եկեղեցիների համաժողովը, հավուր պատշաճի արձագանքեցին և իրենց զորակցությունը հայտնեցին մեր Եկեղեցուն", - նշել է կաթողիկոսը ՝ բարձր գնահատելով Հայ Առաքելական Եկեղեցու բոլոր հոգևորականների դիրքորոշումը և շնորհակալություն հայտնելով նրանց, այդ թվում ՝ Մեծի Տանն Կիլիկիո Արամ Ա կաթողիկոսին, Երուսաղեմի պատրիարքարանի ատենապետ Նուրհան արքեպիսկոպոս Մանուկյանին և Պոլսո պատրիարքարանի ատենապետ Սահակ արքեպիսկոպոս Մաշալյանին՝ իրենց դիրքորոշման համար: "Մեր եկեղեցին միասնական է", - եզրափակել է Ամենայն հայոց կաթողիկոսը:

Ընդ որում, նա դժվարացել է ասել, թե ինչն է եղել Եկեղեցու վրա Հայաստանի իշխանությունների հարձակման պատճառը, նկատելով, որ բոլոր ժամանակներում, երբ իշխանությունը զգացել է Եկեղեցու դերի ուժեղացումը պետության ներսում, ճնշումներ են սկսվում եկեղեցու վրա: Կաթողիկոսը դժվարացել է ասել, թե հատկապես ինչն է Հայ Առաքելական Եկեղեցու նկատմամբ իշխանությունների ճնշման պատճառը․ Հայոց եկեղեցու կողմից արցախցիների շահերի պաշտպանությունն ու միջազգային տարբեր հարթակներում նրանց իրավունքների բարձրաձայնումը, թե Բաքվում հայ ռազմագերիների խնդիրների բարձրաձայնումը, թե օկուպացված Արցախում ոչնչացվող հայկական ժառանգության պաշտպանությունը:

Հիշեցնենք, որ Հայաստանի իշխանությունները 2025 թվականի մայիսից ակտիվ հակաեկեղեցական քաղաքականություն են ծավալել և ձգտում են հասնել Ամենայն հայոց կաթողիկոս Գարեգին Բ-ի հեռացմանը, ով այդ պաշտոնում ընտրվում է ցմահ: Այդ արշավի շրջանակներում հալածանքների են ենթարկվում ինչպես հոգևորականները, այնպես էլ եկեղեցու օգտին հանդես եկող քաղաքացիները։ Այսօրվա դրությամբ մտացածին մեղադրանքներով 4 բարձրաստիճան հոգևորականներ այդ հակաեկեղեցական արշավի շրջանակներում գտնվում են բանտերում: Ավելին, Հայաստանի վարչապետը 10 հերձվածող եպիսկոպոսների հետ շրջանակային փաստաթուղթ է ստորագրել Հայոց Եկեղեցու, այսպես կոչված, բարենորոգման վերաբերյալ։

Նկատենք, որ ըստ ՀՀ սահմանադրության ՝ Հայաստանն աշխարհիկ պետություն է, որտեղ Եկեղեցին անջատ է պետությունից։ Միաժամանակ ճանաչվում է Հայ Առաքելական Եկեղեցու (ՀԱԵ) "բացառիկ առաքելությունը" ազգային ինքնության պահպանման գործում։