Արմինֆո.«Ուժեղ Հայաստան» կուսակցությունը մտադիր է ընդունել «Հակասաֆարովյան օրենք», որն արգելում է ադրբեջանցիներին Հանրապետությունում հող կամ բնակարան գնել, որպես նվիրատվություն որևէ բան ստանալ և երկրի տարածքում մնալ 10 օրից ավելի։ Այս մասին հայկական «Կենտրոն» հեռուստաընկերությանը տված հարցազրույցում հայտարարել է «Ուժեղ Հայաստան» կուսակցության խորհրդի անդամ Նարեկ Կարապետյանը։
Հիշեցնենք, որ Ռամիլ Սաֆարովը հայ սպա Գուրգեն Մարգարյանի սպանողն է։ 2004 թվականին Բուդապեշտում ՆԱՏՕ-ի ուսումնական ճամբարում Սաֆարովը կացնահարել է քնած Մարգարյանին։ Հունգարական դատարանը նրան դատապարտել էր ցմահ ազատազրկման, սակայն հայրենիք արտահանձնվելուց հետո նա հայ սպանելու համար Ադրբեջանում բարձրացվեց ազգային հերոսի մակարդակի։
Սկզբում կուսակցության քաղաքական խորհրդի անդամը հստակեցրել է, թե հատկապես ինչով են հիմնավորում իրենց այն հայտարարությունները, որ «ՀՀ վարչապետ Նիկոլ Փաշինյանի իշխանության վերարտադրման դեպքում 300 000 ադրբեջանցի կգա Հայաստան»։ Կարապետյանի խոսքով՝ առաջին հերթին այն բանի ապացույցը, որ դա նույնպես կարող է տեղի ունենալ, հանդիսանում է այն փաստը, որ մինչ օրս Ադրբեջանի նախագահ Իլհամ Ալիևն ստացել է այն ամենը, ինչ ցանկացել է։ «Դեռ 2018 թվականին՝ Փաշինյանի իշխանության գալու ժամանակ, նա ուզեց Արցախի 5 շրջանները և ստացավ դրանք։ Դրանից հետո Ալիևն ուզեց Բերձորն ու Քարվաճառը, հետո ուզեց ամբողջ Արցախը՝ և դրանք նույնպես ստացավ։ Ավելի ուշ Ալիևն արդեն ուզեց Սյունիքով ճանապարհ և հայտարարեց, որ Հայաստանը պետք է փոխի իր Սահմանադրությունը։ Հայաստանի վարչապետն սկզբում մերժեց դա, բայց հետո, միևնույն է, համաձայնեց նաև այդ պայմաններին։ Փաշինյանը տվեց այն ամենը, ինչ ուզում էր Ալիևը», - հայտարարել է Կարապետյանը։
Այսօր արդեն, նրա խոսքով, ադրբեջանական կողմը նոր պահանջներ է ներկայացնում Հայաստանի գործող իշխանություններին։ Ինչպես այս կապակցությամբ հիշեցրել է Կարապետյանը, երեք ամիս առաջ Ադրբեջանում հերթական անգամ հայտարարեցին, թե իբր իրենք պետք է «վերադառնան» իրենց «պատմական հողեր»։ «Ալիևը հայտարարեց այն մասին, որ ադրբեջանցիները իբր պետք է վերադառնան իրենց տարածքներ (ի նկատի ունի Հայաստանի ինքնիշխան տարածքները — խմբ․) «ոչ թե տանկերով, այլ մեքենաներով»։ Դրանից հետո Կովկասի մահմեդականների վարչության (ԿՄՎ) նախագահ շեյխ ուլ-իսլամ Ալլահշուքյուր Փաշազադեն հայտարարեց, որ Հայաստանի տարածքում կա 300-400 ադրբեջանական մզկիթ, որոնք պետք է վերակառուցվեն։ Մի քանի օր առաջ Նախիջևանում՝ Օրդուբադի համայնքում, այսինքն՝ Մեղրիին ամենամոտ գտնվող տարածքում, հայտարարվեց, որ տեղի կունենա մեծ համաժողով՝ այսպես կոչված «Արևմտյան Ադրբեջան» վերադարձի թեմայով, որտեղ քննարկվելու են ադրբեջանական կառավարության կողմից ֆինանսավորվող ծրագրերը», - ուշադրություն է հրավիրել կուսակցության քաղաքական խորհրդի անդամը։
Բացի այդ, ինչպես նշել է Կարապետյանը, Ադրբեջանի տնտեսագիտական համալսարանը Հայոց ցեղասպանության օրը հայտարարել է, որ բացում է այսպես կոչված «Արևմտյան Ադրբեջանի» տնտեսագիտական ամբիոն, որտեղ ուսումնասիրվելու են տվյալ տարածքի (այսինքն՝ Հայաստանի տարածքի — խմբ․) հանքավայրերը։ «Այս մասին ոչ մի անգամ չի խոսվել Հայաստանի Հանրային հեռուստաընկերությամբ (ՀՀՀ), և ոչ մի փորձագետ չի պատմում այդ մասին մեր հանրությանը։ Բայց մենք պետք է խոսենք այդ մասին, որպեսզի մարդիկ իմանան, թե ինչ է իրենց սպասվում (գործող իշխանության օրոք — խմբ․)։ Ի տարբերություն մեզ՝ հայերիս, նրանք աշխատում են երկարաժամկետ հեռանկարի համար։ Արդեն իսկ այսօր նրանք հիմքեր են դնում այդ ծրագրերի իրականացման համար», - համոզված է Կարապետյանը։
Միևնույն ժամանակ, «Ուժեղ Հայաստան» կուսակցության խորհրդի անդամի խոսքով, իրենք ունեն ծրագիր, որը պետք է կանխի ադրբեջանական պլանների իրականացումը։ Ինչպես պարզաբանել է Կարապետյանը, իշխանության գալով իրենք մտադիր են ընդունել օրենք, որը կոչվելու է «Հակասաֆարովյան»։ «Այս օրենքն արգելելու է որևէ ադրբեջանցու ինչ-որ ընկերությունների միջոցով Հայաստանում հող գնել, բնակարան ձեռք բերել կամ նույնիսկ որպես նվիրատվություն որևէ բան ստանալ։ Բացի այդ, այն արգելելու է ադրբեջանցիներին Հայաստանում գտնվել 10 օրից ավելի», - եզրափակել է Կարապետյանը։
Հիշեցնենք, որ ավելի վաղ Նարեկ Կարապետյանը նաև հայտնել էր, որ Ադրբեջանը ՄԱԿ-ին և ԵՄ-ին է ներկայացրել Հայաստանն ադրբեջանցիներով բնակեցնելու հայեցակարգ։ Նրա խոսքով՝ այդ մասին ամբողջ տեղեկատվությունը հասանելի է ադրբեջանական պաշտոնական կայքերում և պորտալներում։ Նա հիշեցրել է, որ այս հայեցակարգի առաջմղումն սկսվել է 2023 թվականին Արցախի բռնի օկուպացիայից հետո։ Նրա խոսքով՝ վերջին 4 ամիսների ընթացքում ադրբեջանական իշխանություններն ակտիվ ջանքեր են գործադրում այս ուղղությամբ։
Կարծիք. Բաքուն Բեռլինում բանակցությունների արդյունքներով ստանում է ընդլայնված ազդեցության ալիք ԵՄ ներսում և ամրապնդում է համագործակցային կապերը գլխավոր եվրո-շարժիչի հետ
Հայ վերլուծաբան․ Հավաքական ընդդիմության առաջնային խնդիրներից մեկը գործող վարչակարգի նկատմամբ արդյունավետ զսպող մեխանիզմների ձևավորումն է
Հայ փորձագետ. Կարո՞ղ է արդյոք ժամանակակից Ադրբեջանը գոյություն ունենալ առանց ռուսական և խորհրդային արդիականացման
ՀՀ պաշտպանության նախկին փոխնախարար. Հարավային Կովկասը մտնում է անկայունության նոր փուլ
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
