Արմինֆո. ԱՄՆ նախագահ Դոնալդ Թրամփը բացահայտ աջակցություն է հայտնել Հայաստանի գործող վարչապետ Նիկոլ Փաշինյանին՝ հանրապետությունում հունիսի 7-ին կայանալիք խորհրդարանական ընտրություններում:
«Հայաստանի վարչապետ Նիկոլ Փաշինյանը՝ իմ մեծ ընկերն ու առաջնորդը, իր երկիրը դարձնում է ուժեղ, հարուստ և շատ անվտանգ: Նիկոլը լիովին կիսում է Հայաստանի և ողջ Հարավային Կովկասի տարածաշրջանի խաղաղության ու բարգավաճման վերաբերյալ իմ տեսլականը: Մեր պետքարտուղար Մարկո Ռուբիոն վերջերս այցելել է Հայաստան, որտեղ առաջ է մղել երկու երկրների համար մի քանի կարևոր համաձայնագրեր», - հայտարարել է Թրամփը:
ԱՄՆ նախագահի խոսքով՝ շուտով Միացյալ Նահանգներն ու Հայաստանը միասին կսկսեն «Միջազգային խաղաղության և բարգավաճման Թրամփի երթուղու» շինարարությունը, որը կվերափոխի Հարավային Կովկասը և կօգնի մեր հրաշալի ամերիկյան էներգետիկ ընկերություններին հասանելիություն ստանալ Կենտրոնական Ասիայից մինչև Միացյալ Նահանգներ:
«Այս պատճառներով Նիկոլը ստանում է իմ ԼԻԱԿԱՏԱՐ և ԱՆՎԵՐԱՊԱՀ աջակցությունը 2026 թվականի հունիսի 7-ի վերընտրվելու հարցում։ Նիկոլի օգնությամբ մենք Միացյալ Նահանգները, Հայաստանը, Հարավային Կովկասն ու Կենտրոնական Ասիան կբարձրացնենք ավելի բարձր մակարդակի, քան երբևէ նախկինում։ Ամերիկան... կներեք, Հայաստանը նորից մեծ դարձնենք՝ MAGA», - Truth Social սոցիալական ցանցում գրել է Թրամփը:
Իրավիճակն արդեն մեկնաբանել է ամերիկագետ Սուրեն Սարգսյանը՝ փաստելով, որ ԱՄՆ-ը նախկինում երբեք այսքան բացահայտ աջակցություն չի հայտնել որևէ թեկնածուի ընտրական գործընթացի ժամանակ:
Նա ուշադրություն է հրավիրել այն փաստի վրա, որ Թրամփն այս հաղորդագրությունը հրապարակել է սոցիալական ցանցերի իր էջում հայաստանյան ընտրությունների նախաշեմին: «Մինչ Թրամփի իշխանության գալը, սա հազվադեպ երևույթ էր ամերիկյան քաղաքականության մեջ։ Սովորաբար ԱՄՆ նախագահները զգուշություն են ցուցաբերում այլ երկրների ընտրություններին միջամտելու կամ այս կամ այն թեկնածուին աջակցելու հարցում, և նույնիսկ եթե անում են դա, ապա անում են նրբորեն ու անուղղակիորեն (օրինակ՝ Օբաման կամ Բուշ կրտսերը): Ի տարբերություն նախորդ նախագահների, Թրամփն ուղղակիորեն աջակցեց Փաշինյանին այնպես, ինչպես կաջակցեր ԱՄՆ ցանկացած սենատորի կամ նահանգապետի։ Ի դեպ, Թրամփը բացահայտ ասում է այն նույն բանը, ինչ ես էի ասում երեկ։ Այս ամենի նպատակը, նրա խոսքով, Կենտրոնական Ասիայի ռեսուրսների արտահանումն է TRIPP-ի միջոցով, ինչը Հարավային Կովկասում Թրամփի վարչակազմի առաջնահերթություններից է», - իր ֆեյսբուքյան էջում գրել է փորձագետը:
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
Քոչարյան․ ԵՄ և ԵԱՏՄ միջև ընտրությունը՝ դա ընտրություն է անիրականանալի երազանքի և որոշակիության միջև
Հայաստանի իշխանությունը, որպես ռուսական ուղղության այլընտրանք, ուղղակի կամ անուղղակի ակնարկում է Թուրքիայի և Ադրբեջանի ուղղությունները․ պատգամավոր
Լուկաշենկո. "Մենք չենք ցանկանում, որ Հայաստանը դուրս գա ԵԱՏՄ-ից, բայց չենք կարող դեմ գնալ հայ ժողովրդի կամքին"
Պեսկովը հասկանալի և թափանցիկ է համարել Հայաստանի շարժումը դեպի ԵՄ
Արցախից և բանակից հետո Սյունիքը կդառնա իշխանությունների թիրախը. Ռոբերտ Քոչարյան
Միրզոյանը հավաստիացնում է․ գերիների և Բաքվում պահվող անձանց հարցը մշտապես Հայաստանի իշխանությունների քննարկումների մաս է
Վոլոդին․ Մենք չենք կարող այլևս լռության մատնել այն գործընթացները, որոնք տեղի են ունենում Հայաստանում
Բունդեսթագի պատգամավորները նախատեսում են այցելել Հայաստան
Զախարովան ցինիզմ է որակել Հայաստանի վարչապետի դեմ ՌԴ քարոզարշավի մասին Արևմուտքի մեղադրանքները
