Քոչարյանը թերահավատ գնահատական է տվել Կարս-Ախալքալաք երկաթուղու հնարավորություններն օգտագործելու գաղափարին

Արմինֆո.  Հայաստանի երկրորդ նախագահ, "Հայաստան" դաշինքի վարչապետի թեկնածու Ռոբերտ Քոչարյանը կասկածի տակ է դրել Կարս-Ախալքալաք երկաթուղային հաղորդակցության հասանելիության առնչությամբ Հայաստանի համար բացվող հնարավորությունները, ինչի մասին հայտարարել են երկրի իշխանությունները:

Նշելով, որ գյուղատնտեսական արտադրանքի, գինու և այլ ալկոհոլային խմիչքների ավելի քան 90%-ը Հայաստանն արտահանում է Ռուսաստան, նա հարց է տվել, թե ինչ կարող է առաջարկել մեր երկիրը Եվրոպային՝ օգտագործելով այդ հաղորդակցությունը։ Ընդ որում, Քոչարյանը նշել է, որ դժվար է Հայաստանի համար ձեռքբերում համարել տվյալ երկաթուղային հաղորդակցության բացումը, հաշվի առնելով, որ Հայաստանից դեպի Կարս ուղիղ ճանապարհը կազմում է մոտ 150 կմ, իսկ դրան Ախալքալաքով անցնող ճանապարհը կավելացնի եւս 600-700 կմ ճանապարհ:

"Լավ է, իհարկե, որ նման հնարավորություն բացվել է, բայց ավելի լավ կլիներ, եթե մենք Թուրքիայի հետ ուղիղ հաղորդակցություն սկսեինք, ինչի մասին երկար տարիներ խոսում են իշխանությունները, բայց չեն անում ", - ասել է քաղաքական գործիչը:

Միաժամանակ, Քոչարյանի խոսքով, նույնիսկ, Թուրքիայի հետ ուղիղ երկաթուղային երթուղու գործարկման դեպքում տեղական գյուղարտադրողներին պաշտպանելու անհրաժեշտություն կա, հակառակ դեպքում երկրի գյուղատնտեսությունը լուրջ խնդիրների կբախվի: Հաշվի առնելով, որ Հայաստանն ու Թուրքիան մրցակիցներ են գյուղատնտեսության ոլորտում, Քոչարյանը հարց է տվել, թե ինչ կարող ենք մատակարարել այդ ուղղությամբ։

Նշենք, որ Կարս (Թուրքիա) - Ախալքալաք (Վրաստան) երկաթուղային գիծը Բաքու-Թբիլիսի-Կարս ռազմավարական միջանցքի մի մասն է: Այն բաց է բեռնափոխադրումների համար։ Ուղեւորափոխադրումների համար ճանապարհը դեռ չի գործարկվել։

Հիշեցնենք, որ մայիսի 24-ին Նիկոլ Փաշինյանն իր սոցիալական ցանցերում հաղորդել էր Ախալքալաք-Կարս երկաթգծի բացման մասին՝ Հայաստանից արտահանման և Հայաստան ներմուծման համար: "Ուրախ եմ հայտարարել, որ Ախալքալաք-Կարս երկաթուղին, ինչպես և Ադրբեջանի երկաթուղին, արդեն բաց է Հայաստանից արտահանման և Հայաստան ներմուծման համար", - հայտարարել էր նա: Նրա խոսքով ՝ դա մեծ իրադարձություն է երկրի տնտեսական կյանքում ։ "Շնորհակալություն եմ հայտնում Թուրքիայի և Վրաստանի գործընկերներին։ Այսօր Հայաստանը երկաթուղային կապ ունի Ռուսաստանի հետ Վրաստանի և Ադրբեջանի տարածքով, ինչպես նաև՝ Չինաստանի հետ ՝ Ռուսաստանի և Ղազախստանի տարածքով։ Այժմ նաեւ Վրաստանի եւ Թուրքիայի տարածքով է երկաթուղային հաղորդակցությունը Եվրամիության հետ", - նշել էր նա, հավելելով, որ ապագայում սպասվում է Հայաստան-Թուրքիա, Հայաստան-Ադրբեջան, ապա Հայաստան-Իրան երկաթգծերի բացումը՝ Նախիջեւանով ։