Արմինֆո.ԵԱՏՄ և ԵՄ միջև Հայաստանի ընտրության հարցը "շատ բարդ է", ՏԱՍՍ-ին հայտարարել է ՌԴ փոխվարչապետ Ալեքսեյ Օվերչուկը:
"Այստեղ շատ սերտորեն միահյուսված են և տնտեսական, և քաղաքական հարցերը։ Այս ամենը դրված է նախընտրական քարոզարշավի վրա, որն այսօր ընթանում է Հայաստանում։ Այնտեղ կան ուժեր, որոնք կողմ են Եվրասիական տնտեսական միության հետ կապերի պահպանմանը։ Կան ուժեր, որոնք ձգտում են երկիրը բերել Եվրամիություն։ Մեր հերթին, իհարկե, մենք ցանկանում ենք Հայաստանը տեսնել Եվրասիական տնտեսական միությունում", - ընդգծել է նա։
"Միաժամանակ, մենք հանդես ենք գալիս Հարավային Կովկասում խաղաղության օգտին։ Եվ, փաստորեն, Ռուսաստանի ջանքերն ի սկզբանե հանգեցրին այն բանին, որ այսօր Հայաստանի և Ադրբեջանի միջև նորմալ հարաբերություններ են կառուցվում։ Մենք գիտենք, որ արդեն ընթանում է պատվիրակությունների փոխանակում, սկսվել է առեւտուր երկու երկրների միջեւ։ Սա միանգամայն նորմալ գործընթաց է, և այն մեզ չի կարող չուրախացնել։ Տեղի է ունեցել Հայաստանի մասնակի տրանսպորտային ապաշրջափակում։ Այսօր ռուսական հացահատիկը, ռուսական պարարտանյութերը երկաթուղով Ադրբեջանի տարածքով, Վրաստանի տարածքով հասնում են Հայաստան։ Ռուսաստանը նույնպես մասնակցում է ապաշրջափակման գործընթացին։ Այդ ամենն ամրապնդում է Հայաստանը։ Բայց դրա հետ միաժամանակ մենք տեսնում ենք, որ Հայաստանում կան ուժեր, որոնք հանդես են գալիս Եվրամիության հետ մերձեցման օգտին։ Այնտեղ օրենք է ընդունվել անցյալ տարվա ապրիլին։ Այդ օրենքը միանգամայն միանշանակ մատնանշում է Եվրամիությանը միանալու ձգտումը", - շարունակել է Ռուսաստանի փոխվարչապետը։
"Ներկայիս աշխարհաքաղաքական իրավիճակում, երբ Եվրոպական միությունը տնտեսական ինտեգրացիոն միավորումից վերածվում է ռազմաքաղաքական միության, երբ ԵՄ-ը ռազմականացվում է, ընդ որում, ռազմականացվում է Ռուսաստանի դեմ և չի թաքցնում դա, հայերը պետք է հասկանան նման ընտրության հետևանքները", - նշել է նա:
Օվերչուկի խոսքով՝ Ռուսաստանը չի ցանկանում, որ Հայաստանը կորցնի այն տնտեսական առավելությունները, որոնք այժմ ունի։ "Հայերը մեզ մոտ ժողովուրդ է, եւ մեզ համար միեւնույն չէ, թե ինչպես է նա ապրում, և ինչպիսին է լինելու Հայաստանի տնտեսության վիճակը։ Մենք, հակառակը, ամեն կերպ նպաստում ենք, որպեսզի տնտեսությունն այնտեղ ծաղկի։ Բայց, եթե ընտրությունն արվում է հօգուտ ԵՄ-ի, ապա մենք, իհարկե, հարց ունենք։ Իսկ ինչո՞ւ մենք պետք է դրան աջակցենք մեր բյուջեի հաշվին։ Եթե Հայաստանը միանում է Ռուսաստանի նկատմամբ ոչ բարեկամ երկրներին, ապա ինչո՞ւ պետք է մենք դրան աջակցենք: Համաձայնեք, որ մի բան է, եթե Հայաստանը մեր միության մեջ է, և բոլորովին այլ բան է, եթե Հայաստանը գնում է մերձեցման ոչ բարեկամ երկրների միության հետ։ Մենք հայկական կողմից լսում ենք, որ նրանք ձգտում են դեպի ԵՄ և անցնում են նրանց ստանդարտներին, բայց, միևնույն ժամանակ, ցանկանում են առայժմ մնալ ԵԱՏՄ-ում և օգտվել բոլոր տնտեսական առավելություններից, որոնք ապահովում է ԵԱՏՄ մասնակցությունը։ Ավելի լավ կլինի, եթե Հայաստանում արագ կողմնորոշվեն, այդպես ավելի ազնիվ կլինի թե ԵԱՏՄ-ում Հայաստանի դաշնակիցների, թե հենց Հայաստանի նկատմամբ։ Բացի այդ, այս անորոշությունը ստիպում է տնտեսական օպերատորներին սպասողական դիրք զբաղեցնել և խանգարում է երկարաժամկետ տնտեսական հարաբերությունների կառուցմանը։ Բայց, ընդգծում եմ, մենք ուզում ենք, որ Հայաստանը մնա ԵԱՏՄ-ում, իսկ ընտրությունը Հայաստանի ժողովրդինն է",-շարունակել է ՌԴ փոխվարչապետը։
Այդ առնչությամբ Օվերչուկը նշել է, որ ստեղծված իրավիճակը պետությունների ղեկավարները կքննարկեն մայիսի 29-ին Աստանայում կայանալիք Եվրասիական տնտեսական բարձրագույն խորհրդի նիստում: "Այնտեղ կլինի քննարկում Եվրասիական տնտեսական միությունում Հայաստանի կարգավիճակի թեմայով։ Հարցը շատ բարդ է։ Եվս մեկ անգամ կրկնեմ․ մենք չենք ուզում, որ Հայաստանը դուրս գա ԵԱՏՄ-ից, մենք ուզում ենք, որ Հայաստանը շարունակի բարգավաճել, բայց մենք տեսնում ենք այն խնդիրները, որոնք կլինեն ԵՄ-ին միանալու կամ մերձենալու դեպքում։ Սկզբունքորեն, դրանք արդեն առաջանում են", - նշել է նա։
Օվերչուկն ուշադրություն է հրավիրել այն հանգամանքի վրա, որ ԵԱՏՄ-ին Հայաստանի մասնակցության 11 տարիների ընթացքում այդ երկիրը բառացիորեն ծաղկել է, այնտեղ աճել է կենսամակարդակը եւ ՀՆԱ-ն։ "Այդ ամենը տեղի է ունենում, հիմնականում, այն տնտեսական արտոնությունների շնորհիվ, որոնք տալիս է ԵԱՏՄ-ին մասնակցությունը։ Դա Հայաստանի համար ոչ ոք չի կարող փոխարինել", - ասել է նա։
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
Ընդդիմադիրը հաղորդել է, թե Վայոց ձորի որ նորակառույց դպրոցներն են հանձնվելու ադրբեջանցիներին
Փորձագետ․ Հայաստանն ու Ադրբեջանը մասնակցում են Իրանի շրջապատման ԱՄՆ-ի աշխարհաքաղաքական խաղին
Քոչարյան․ ԵՄ և ԵԱՏՄ միջև ընտրությունը՝ դա ընտրություն է անիրականանալի երազանքի և որոշակիության միջև
Հայաստանի իշխանությունը, որպես ռուսական ուղղության այլընտրանք, ուղղակի կամ անուղղակի ակնարկում է Թուրքիայի և Ադրբեջանի ուղղությունները․ պատգամավոր
Լուկաշենկո. "Մենք չենք ցանկանում, որ Հայաստանը դուրս գա ԵԱՏՄ-ից, բայց չենք կարող դեմ գնալ հայ ժողովրդի կամքին"
Պեսկովը հասկանալի և թափանցիկ է համարել Հայաստանի շարժումը դեպի ԵՄ
Արցախից և բանակից հետո Սյունիքը կդառնա իշխանությունների թիրախը. Ռոբերտ Քոչարյան
Միրզոյանը հավաստիացնում է․ գերիների և Բաքվում պահվող անձանց հարցը մշտապես Հայաստանի իշխանությունների քննարկումների մաս է
Վոլոդին․ Մենք չենք կարող այլևս լռության մատնել այն գործընթացները, որոնք տեղի են ունենում Հայաստանում
Բունդեսթագի պատգամավորները նախատեսում են այցելել Հայաստան
