Արմինֆո. Վարորդական իրավունքի վկայականներն առանց քննութուն հանձնելու եւ որոշակի տուգանք վճարելու դեպքում զրկված քաղաքացիներին վերադարձնելը՝ նախընտրական էժանագին ընտրակաշառք է։ Այդ մասին հայտարարել է փաստաբան Վահե Եփրիկյանը։
«Նախ նշեմ՝ ինքս կողմ եմ ճանապարհատրանսպորտային բնույթի հանցակազմերի մասով ոչ միայն համաներման հայտարարմանը, այլեւ առհասարակ դրանց ապաքրեականացմանը, բայց ոչ այն դեպքերում, երբ առկա է մահվան ելք կամ պատճառված վնասը հատուցված չէ։
Իսկ ի՞նչ է անում իշխանությունը, ասում է՝ որոշակի տուգանքի վճարման դեպքում զրկված վարորդներին առանց նոր քննություն հանձնելու վարորդական իրավունքի վկայականները կվերադարձվեն, այսինքն՝ սիրելի մեղադրյալներ, իշխանությունը ձեր իսկ փողերով ձեզ ընտրակաշառք է տալիս, նայեք՝ համաներում չի է հայտարարում, որպիսի պարագայում ձեր նկատմամբ հարուցված քրեական վարույթները կկարճվեին կամ կազատվեիք նշանակված պատիժը կրելուց կամ դատվածություններդ կմարվեր, չհաշված, որ այդ դեպքում նաեւ էականորեն կթոթափվեր քննչական մարմինների, դատախազության, դատարանների, պրոբացիայի ու քրեակատարողական ծառայությունների գերծանրաբեռնվածությունը, այլ ասում է՝ թքած՝ զրկված ես, մուծվի, քշի, միայն թե ՔՊ ընտրի։
Սա իրականում աննախադեպ բան է՝ պետության մարդասիրական ակտի փոխարեն՝ քաղաքացու փողով՝ ընտրակաշառք քաղաքացուն։
Իսկ բոլոր այն մեղադրյալները, ովքեր վարորդական իրավունքի վկայական չեն էլ ունեցե՞լ. ասենք՝ մեկը խմած վթար է արել, փախել է դեպքի վայրից, զրկվել է, նրան վերստին թույլատրվում է վարել, մեկն էլ էլի ոչ սթափ վարել է՝ չունենալով վարելու իրավունք, բայց որեւ խախտում չի արել, որեւէ մեկին վնաս չի պատճառել, այս մեկը պետք է դատվի, մինչդեռ առաջինի դեպքում անհամեմատ բարձր է հանրային վտանգավորությունը։
Կամ եթե անձը ստացել է վարորդական իրավունքի վկայական, ինչպե՞ս չի կարողանում նոր քննություն տալ, ուրեմն կոռուպցիայի արդյունքում է ստացել, բա փոխարենը այդ մարդկանց վարորդական իրավունքի վկայականի ստացման օրինականությունը պարզեք, քննությունն եք փաստորեն դարձնու՞մ ձեւականություն։
Եվ ոչ միայն ճանապարհատրանսպորտային, բազմաթիվ այլ ոչ մեծ ու միջին ծանրության հանցակազմերով հազարավոր մեղադրյալներ ու դատապարտյալներ կան, որոնց վրա հսկայական պետական ռեսուրսներ է վատնվում, իսկ համաներումը ոչ միայն կշտկեր ստեղծված իրադրությունը, այլեւ իրավամբ կլիներ հումանիստական քայլ», - գրել է փաստաբանը՝ «Ֆեյսբուքի» իր էջում։
Ավելի վաղ Հայաստանի վարչապետը հայտարարել էր, որ 5000 վարորդներ, որոնք նախկինում զրկվել են վարորդական իրավունքից՝ երթևեկության կանոնների խախտման, այդ թվում ՝ հարբած վիճակում երթևեկելու համար, կկարողանան հետ ստանալ իրենց իրավունքները ՝ առանց երթևեկության կանոնների քննություն հանձնելու:
Իրավաբան. Նախնական արդյունքների համաձայն՝ Փաշինյանի կուսակցությունը չունի երկրի Սահմանադրությունը փոփոխելու համար անհրաժեշտ 2/3 մեծամասնությունը
Քաղաքական գործիչ․ Ընտրողների բարձր մասնակցության դեպքում ներկայիս իշխանությունը, գործնականում, վերարտադրվելու հնարավորություն չի ունենա
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
Իսրայելի ԱԳ նախարարը շնորհավորել է Փաշինյանին
Թուրքիայի ԱԳՆ-ը մեկնաբանել է Հայաստանի ընտրությունների արդյունքները
Զախարովա․ Միջազգային դիտորդները չեն կարողանա լռություն պահպանել՝ Հայաստանում ընտրությունների ընթացքում ողջ ժողովրդի շահերի աղաղակող ոտնահարման ֆոնին
"Ուժեղ Հայաստանը" հանդես կգա հայտարարությամբ՝ իրական հաշվարկների ավարտից հետո․ Նարեկ Կարապետյան
Ռուսաստանի սենատոր․ Ընտրությունների ժամանակ իշխող կուսակցության կողմից խախտումների վերաբերյալ ընդդիմադիր ուժերի բողոքները մնացել են անպատասխան
Հայաստանի վարչապետը շարունակում է շնորհավորանքներ ստանալ խորհրդարանական ընտրություններում տարած հաղթանակի կապակցությամբ
ԱՊՀ ՄԽՎ խորհրդի քարտուղարության ղեկավար. Հայաստանում խորհրդարանական ընտրությունների քարոզարշավի չափազանց դժվար մթնոլորտը ուղեկցվեց զանգվածային ձերբակալություններով
533 ընտրատեղամասերի ձայների հաշվարկով Փաշինյանի կուսակցությունը առաջատարն է 51,13%-ով
Հայաստանում ավարտվեց երկրի հերթական խորհրդարանական ընտրությունների քվեարկությունը
«Ուժեղ Հայաստան». Վարչական դատարանը դատական ակտեր չի տրամադրում խորհրդարանական ընտրություններում քվեարկել ցանկացող քաղաքացիներին
