Հայաստան է ներթափանցել հերթական ցիկլոնը, որն իր հետ բերել է օդի ջերմաստիճանի կտրուկ նվազում և առատ տեղումներ

Արմինֆո. Հյուսիսից հերթական ցիկլոնն է ներթափանցել Հայաստան, որն իր հետ բերել է օդի ջերմաստիճանի կտրուկ անկում և առատ տեղումներ:

Հիդրոօդերևութաբանության և մոնիթորինգի կենտրոնի հաղորդագրության համաձայն, հանրապետությունում օդի ջերմաստիճանը մայիսի 15-16-ն աստիճանաբար կնվազի 5-8 աստիճանով: Ճիշտ է, մայիսի 17-18-ին այն կրկին նույնքան կբարձրանա։ Մայիսի 15-19-ը կանխատեսվում են կարճատև անձրևներ, հնարավոր է ամպրոպ: Քամին ՝ հարավ - արևմտյան՝ 2-5 մ/վ, ամպրոպների ժամանակ քամու ուժգնացում՝ մինչեւ 18-22 մ/վ: Շիրակի մարզում մայիսի 15 - ի ցերեկը օդի ջերմաստիճանը կլինի +13-ից մինչեւ +17, Կոտայքի մարզում ՝ +13-ից մինչեւ +19: Գեղարքունիքում ցերեկը սպասվում է +13-ից մինչեւ +17, Լոռու մարզում ցերեկային ժամերին ջերմաստիճանը կտատանվի +16-ից մինչեւ +19։ Տավուշի մարզում ցերեկը օդի ջերմաստիճանը կանխատեսվում է +17-ից մինչեւ +22-ի սահմաններում: Արագածոտնի մարզում ցերեկը սպասվում է +13-ից մինչեւ +20 աստիճան տաքություն: Արարատի մարզում ցերեկը օդի ջերմաստիճանը կլինի +18-ից մինչեւ +23: Արմավիրում ցերեկը սպասվում է +20-ից մինչեւ +23 աստիճան տաքություն։ Վայոց ձորի մարզում ցերեկը օդի ջերմաստիճանը կլինի +13 - ից մինչեւ +23, Սյունիքի մարզում ՝ +12-ից մինչեւ +29: Երևանում մայիսի 15-19-ը սպասվում է կարճատև անձրև և ամպրոպ, ամպրոպի ժամանակ քամու ուժգնացում' մինչեւ 17-20 մ/վ արագությամբ: Մայրաքաղաքում օդի ջերմաստիճանը մայիսի 15-ի ցերեկը կլինի +19- +21 աստիճան, երեկոյան՝ +16 - +18, մայիսի 15-ի՝ լույս 16-ի գիշերը՝ +11 - +13 աստիճան։