Արմինֆո.Ազգային ժողովի նախագահ Ալեն Սիմոնյանը ներկայացրել է օրենսդրական նախաձեռնություն, որով խստացվելու է ընտրակաշառք տալու կամ ստանալու համար նախկինում նախատեսված պատիժը:
Ինչպես հաղորդել է Սիմոնյանը Facebook-ի էջում հրապարակված տեսանյութում, այդ նախաձեռնությունը իր կողմից շրջանառության մեջ է դրվում ՔՊ պատգամավորներ Արուսյակ Ջուլհակյանի, Ալխաս Ղազարյանի և Վահագն Ալեքսանյանի հետ համատեղ: ԱԺ նախագահի ասելով՝ ընտրակաշառք տալու համար նախկինում նախատեսված մինչև 8 տարի ազատազրկումը կփոխարինվի մինչև 10 տարի ազատազրկմամբ, իսկ ընտրակաշառք ստանալու համար նախատեսված մինչև 7 տարի ազատազրկումը կփոխարինվի մինչև 9 տարի ազատազրկմամբ:
"Հիմա մտածեք․ արդյո՞ք արժե 200 հազար դրամի, հեռուստացույցի, տաբատի կամ քյաբաբի պատճառով դատվածություն ունենալ, մտնել այդ ամենի մեջ և հարվածի տակ դնել մեր պետականությունը, անկախությունն ու ինքնուրույն որոշումներ կայացնելու փաստը։ Անկեղծ ասած՝ չեմ նախանձում այն մարդկանց, ովքեր մինչև այս պահը ներգրավված են եղել նման գործընթացներում", - եզրափակել է Սիմոնյանը։
Նշենք, որ մայիսի 13-ին Հակակոռուպցիոն կոմիտե բերման են ենթարկվել "Ուժեղ Հայաստան" կուսակցության մի շարք համակիրներ և քաղաքական ուժի գրասենյակի աշխատակիցներ: Սա առաջին դեպքը չէ, երբ կուսակցության կողմնակիցներին բերման են ենթարկում ընտրակաշառք տալու և ստանալու մեղադրանքով: Կուսակցությունում հայտարարեկ են, որ այս կերպ իրականացվում է հերթական միջամտության փորձը ՝ կուսակցության անդամներին ահաբեկելու և նրանց գործունեությունը խոչընդոտելու միջոցով քաղաքական ուժի համար անհավասար պայմաններ ստեղծելու նպատակով: Իսկ մայիսի 14-ին ՀՀ երկրորդ նախագահ Ռոբերտ Քոչարյանի "Հայաստան" դաշինքը հաստատել է տեղեկությունը, որ Հայաստանի Հակակոռուպցիոն կոմիտեն խուզարկություններ է իրականացնում քաղաքական ուժի Սպիտակի գրասենյակում: Դաշինքում նշել են, որ խուզարկություններն անակնկալ չեն, և համոզմունք են հայտնել, որ այս կերպ փորձ է արվում ահաբեկել իրենց քաղաքական ուժին 2026 թվականի հունիսի 7-ի խորհրդարանական ընտրություններին ընդառաջ: Բացի այդ, դաշինքում ընդգծել են, որ տեղի ունեցողը ոչ թե օրինական գործընթաց է, այլ քաղաքական ուժի կառույցների բնականոն աշխատանքը խոչընդոտելու հերթական էժանագին փորձ:
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
Քոչարյան․ ԵՄ և ԵԱՏՄ միջև ընտրությունը՝ դա ընտրություն է անիրականանալի երազանքի և որոշակիության միջև
Հայաստանի իշխանությունը, որպես ռուսական ուղղության այլընտրանք, ուղղակի կամ անուղղակի ակնարկում է Թուրքիայի և Ադրբեջանի ուղղությունները․ պատգամավոր
Լուկաշենկո. "Մենք չենք ցանկանում, որ Հայաստանը դուրս գա ԵԱՏՄ-ից, բայց չենք կարող դեմ գնալ հայ ժողովրդի կամքին"
Պեսկովը հասկանալի և թափանցիկ է համարել Հայաստանի շարժումը դեպի ԵՄ
Արցախից և բանակից հետո Սյունիքը կդառնա իշխանությունների թիրախը. Ռոբերտ Քոչարյան
Միրզոյանը հավաստիացնում է․ գերիների և Բաքվում պահվող անձանց հարցը մշտապես Հայաստանի իշխանությունների քննարկումների մաս է
Վոլոդին․ Մենք չենք կարող այլևս լռության մատնել այն գործընթացները, որոնք տեղի են ունենում Հայաստանում
Բունդեսթագի պատգամավորները նախատեսում են այցելել Հայաստան
Զախարովան ցինիզմ է որակել Հայաստանի վարչապետի դեմ ՌԴ քարոզարշավի մասին Արևմուտքի մեղադրանքները
