Արմինֆո.Ուղիղ 34 տարի առաջ այս օրը՝ 1992 թվականի մայիսի 8-ին, հայկական կողմը հաջողությամբ իրականացրեց Շուշի քաղաքի ազատագրման "Հարսանիք լեռներում" գործողությունը:
Շուշիի ազատագրումը շրջադարձային էր Արցախյան պատերազմում։ Թվով և սպառազինությամբ գերազանցող թշնամական կողմը կորցրեց գլխավոր ռազմական հենակետը, որից գնդակոծվում էր Լեռնային Ղարաբաղի Հանրապետության մայրաքաղաք Ստեփանակերտը և նրան հարակից գյուղերը: Սակայն այսօր հայ ժողովրդի վճռորոշ հաղթանակներից մեկը փորձում են մոռացության մատնել Հայաստանի իշխանությունները, ինչպես և՝ Արցախյան շարժումը, որը Շուշիի ազատագրումից հետո թևակոխեց որակապես նոր փուլ:
Նշենք, որ Շուշիի ազատագրման ռազմական գործողություններն իրականացվել են չորս ուղղություններով։ "Հարսանիք լեռներում" գործողությունը ղեկավարել է Արկադի Տեր - Թադևոսյանը։ Շուշիի ազատագրման ռազմական գործողությունները մշակման և իրականացման տեսանկյունից գրեթե անթերի, եզակի ռազմական գործողություն էին, որը տևել է 26 ժամ, և մայիսի 9-ին Շուշին արդեն ազատագրված էր: Շուշիի ազատագրման համար մղված մարտերում հայկական բանակը ունեցել է 57 զոհ, իսկ ադրբեջանցիները՝ 250-300 սպանված և 600-700 վիրավոր։ Եվս 13 մարդ գերի է ընկել։
Շուշիի ազատագրման շնորհիվ զինաթափվեցին թշնամու բոլոր կրակակետերը, ինչպես նաև Ստեփանակերտի և հարակից շրջանների ռազմակայանները: Հակառակորդի կենդանի ուժը և տեխնիկան կրեցին մեծ կորուստներ։ Շուշիի ազատագրմանը հաջորդեց Լաչինի միջանցքի բացման ռազմական գործողությունը, որով ճեղքվեց ԼՂՀ շրջափակման օղակը, և ժողովրդի արհեստականորեն անջատված երկու հատվածները կրկին վերամիավորվեցին, բացվեց ԼՂՀ-ն և ՀՀ-ն կապող կյանքի ճանապարհը։ Շուշիի ազատագրմամբ վերջնականապես ամրապնդվեց սեփական միջոցներով և ուժերով թշնամու նկատմամբ հաղթանակի հավատը: Ելնելով Շուշիի ազատագրման պատմական կարևորությունից և Ղարաբաղյան պատերազմի ընթացքում նրա շրջադարձային նշանակությունից' ԼՂՀ Ազգային ժողովը 1994 թվականին սահմանեց "Շուշիի ազատագրման համար" մեդալ: Մայիսի 9-ը ԼՂՀ-ում և ՀՀ-ում պաշտոնապես հայտարարվեց Շուշիի ազատագրման և հաղթանակի օր:
2020 թվականի նոյեմբերի 9-ին ՀՀ վարչապետ Նիկոլ Փաշինյանի կողմից Լեռնային Ղարաբաղի հակամարտության գոտում ռազմական գործողությունների դադարեցման մասին եռակողմ հայտարարության ստորագրման արդյունքում Շուշին հանձնվեց Ադրբեջանին։
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
Քոչարյան. «Մենք ընտրություններին գնում ենք ոչ միայն մեր ձեռքբերումների փորձով, այլև թույլ տրված սխալների գիտակցմամբ»
Եվրոպան համերաշխություն է հայտնում Հայաստանին Ռուսաստանի կողմից սահմանված տնտեսական պատժամիջոցների կապակցությամբ. եվրահանձնակատար
Ուրսուլա ֆոն դեր Լայեն. ԵՄ-ն պատրաստում է աջակցության փաթեթ Հայաստանի համար, որը ներառում է ավելի քան 50 միլիոն եվրոյի անհապաղ ֆինանսական օգնություն
ՀԱՊԿ գլխավոր քարտուղար․ Շատ դժվար է լինել ԵՄ անդամ և միաժամանակ անդամակցել ԵԱՏՄ-ին
Զախարովան Հայաստանին համեմատել է մի ուղևորի հետ, ով ցանկանում է «Ա» կետից հասնել «Գ» կետ
ԵՄ-ն աջակցություն է պատրաստում Հայաստանի համար՝ Ռուսաստանի կողմից սահմանված տնտեսական սահմանափակումների պայմաններում. ԶԼՄ-ներ
Մենք պարտավոր ենք գործադրել բոլոր հնարավոր ջանքերը, որպեսզի արցախահայության նկատմամբ արդարությունը հաղթանակի
