Արմինֆո. "Ուժեղ Հայաստան" կուսակցության իշխանության գալուց հետո 6 ամսվա ընթացքում Հայաստանում չպետք է մնա ծայրահեղ աղքատության մեջ ապրող ոչ մի մարդ։ Այդ մասին հայտարարել է կուսակցության խորհրդի անդամ Նարեկ Կարապետյանը՝ Շիրակի մարզ կատարած աշխատանքային այցի շրջանակում։ Սամվել Կարապետյանի ստեղծած քաղաքական ուժի ներկայացուցիչներն այցելել են Գյումրի և Արթիկ քաղաքներ:
Խոսելով Արթիկ համայնքի մասին՝ Կարապետյանը նշել է, որ մոտ 50 հազար բնակչություն ունեցող այս համայնքը ժամանակին եղել է արդյունաբերական կենտրոն, և երբ Հայաստանում բոլորը խոսում են Արթիկի մասին, պատկերացնում են Հայաստանի շինանյութերի և հումքի կենտրոնը:
"Այսօր, եթե անցնենք յուրաքանչյուր համայնքով, կտեսնենք, որ տղամարդկանց զգալի մասը լքել է Հայաստանը։ Այստեղ իրավիճակը նույնն է, նույնն է Շիրակի հյուսիսում, նույնն է Գեղարքունիքում, նույնն է իմ հարազատ համայնքում։ Դուք լքում եք համայնքը եւ հեռանում եք, որովհետեւ այստեղ աշխատանք չկա", - նկատել է կուսակցության ներկայացուցիչը, հավելելով, որ պատճառն աշխատատեղերի բացակայությունն է։
"Ո՞վ է այն մարդը, ով այսօր պետք է ղեկավարի Հայաստանը։ Դա այն մարդն է, ով նման է մեզ, ձեզ, ով ժամանակին մեկնել է արտերկիր աշխատելու, հաջողության է հասել, բայց նրա հիշողությունը մնացել է, նա հիշել է իր հայրենիքը և, հաջողության հասնելով, միշտ աջակցել է իր հայրենիքին", - նշել է Նարեկ Կարապետյանն ու անդրադարձել Սամվել Կարապետյանի ծրագրերին, որոնք երկրում փոփոխություններ կբերեն:
Գյումրիում աջակիցների հետ հանդիպման ժամանակ իր ելույթում Կարապետյանն անդրադարձել է Շիրակի մարզում և Գյումրի քաղաքում առկա խնդիրներին: Նա արձանագրել է, որ Շիրակը ոչ միայն Հայաստանի ամենաաղքատ մարզերից է, այլ՝ նաև, որ 2018 թվի իշխանափոխությունից հետո մարզում աղքատության մակարդակն աճել է, և այնտեղ յուրաքանչյուր երկրորդ երեխան ապրում է աղքատության մեջ:
"Վերջին մի քանի տարիների ընթացքում Հայաստանի Հանրապետությունը 8 միլիարդ դոլարի վարկ է վերցրել ։ Այս կառավարությունը յուրաքանչյուր ընտանիքի վրա 10 հազար դոլար պարտք է դրել։ Եթե այդ գումարի գոնե մեկ տոկոսը ծախսվեր Գյումրիի վրա, այսօր Գյումրիում ոչ մի անօթևան չէր լինի", - նշել է քաղաքական ուժի ներկայացուցիչը։
Այնուհետև Նարեկ Կարապետյանը ներկայացրել է "Ուժեղ Հայաստան" կուսակցության նախագահ Սամվել Կարապետյանի առաջարկած ծրագրերը: Մասնավորապես, խոսելով ծայրահեղ աղքատության հաղթահարման ծրագրի մասին, նա նշել է, որ իրենց քաղաքական ուժն ստեղծում է ծայրահեղ աղքատության հաղթահարման պետական հիմնադրամ: Նա հիշեցրել է, որ այդ հիմնադրամի ստեղծման մասին իրենք հայտարարել են երեք օր առաջ ՝ Սամվել Կարապետյանի ներկայությամբ։ "Այդ հիմնադրամի միջոցների մի մասը գալիս է պետությունից, իսկ մնացածը ներդնում են աշխարհի ազդեցիկ հայերը։ Ծայրահեղ աղքատության մեջ ապրող ընտանիքները, որոնց զգալի մասն ապրում է Գյումրիում ՝ 5 հոգանոց ընտանիքը, կսկսեն ստանալ ամսական 150 հազար դրամ, որպեսզի աշխատանքին զուգահեռ կարողանան գոնե ինչ-որ կերպ կրթություն ապահովել իրենց երեխաների համար և լուծել առողջական խնդիրները: Սա առաջին մեծ փոփոխությունն է, որը մենք ցանկանում ենք իրականացնել: 6 ամսվա ընթացքում Հայաստանում չպետք է մնա ծայրահեղ աղքատության մեջ ապրող ոչ մի մարդ", - պատմել է Նարեկ Կարապետյանը։
Անդրադառնալով Գյումրի քաղաքի զարգացման տեսլականին և ուղղություններին՝ Նարեկ Կարապետյանը նշել է, որ, հաշվի առնելով քաղաքի պատմամշակութային ժառանգությունը, Գյումրին կարող է դառնալ ամենապահանջված զբոսաշրջային ուղղություններից մեկը։ Նա նաև անդրադարձել է սպորտում գյումրեցիների հաջողություններին:
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
Քոչարյան․ ԵՄ և ԵԱՏՄ միջև ընտրությունը՝ դա ընտրություն է անիրականանալի երազանքի և որոշակիության միջև
Հայաստանի իշխանությունը, որպես ռուսական ուղղության այլընտրանք, ուղղակի կամ անուղղակի ակնարկում է Թուրքիայի և Ադրբեջանի ուղղությունները․ պատգամավոր
Լուկաշենկո. "Մենք չենք ցանկանում, որ Հայաստանը դուրս գա ԵԱՏՄ-ից, բայց չենք կարող դեմ գնալ հայ ժողովրդի կամքին"
Պեսկովը հասկանալի և թափանցիկ է համարել Հայաստանի շարժումը դեպի ԵՄ
Արցախից և բանակից հետո Սյունիքը կդառնա իշխանությունների թիրախը. Ռոբերտ Քոչարյան
Միրզոյանը հավաստիացնում է․ գերիների և Բաքվում պահվող անձանց հարցը մշտապես Հայաստանի իշխանությունների քննարկումների մաս է
Վոլոդին․ Մենք չենք կարող այլևս լռության մատնել այն գործընթացները, որոնք տեղի են ունենում Հայաստանում
Բունդեսթագի պատգամավորները նախատեսում են այցելել Հայաստան
Զախարովան ցինիզմ է որակել Հայաստանի վարչապետի դեմ ՌԴ քարոզարշավի մասին Արևմուտքի մեղադրանքները
