Ընդդիմությունը բողոքի ակցիա է անցկացրել՝ Եվրոպական քաղաքական համայնքի 8-րդ գագաթնաժողովին զուգընթաց

Արմինֆո.Ընդդիմադիր ուժերի ներկայացուցիչները բողոքի ակցիա են անցկացրել եԵրոպական քաղաքական հանրության 8-րդ գագաթաժողովին զուգընթաց:

Հավաքվելով Մերգելյանի այգում ՝ նրանք Հայաստանի և Արցախի դրոշներով, պաստառներով երթով շարժվել են դեպի Կ.Դեմիրճյանի անվան մարզահամերգային համալիրի շենք, որտեղ  տեղի է ունենում գագաթնաժողովի բացումը:

Ինչպես նշել է "Հայաստան" խմբակցության պատգամավոր Արթուր Խաչթարյանը, ակցիայի նպատակն է կոչ անել եվրոպացի բարձրաստիճան պաշտոնյաներին աչք չփակել Հայաստանում ժողովրդավարության հետընթացի, արդեն անթաքույց բռնապետության հաստատման, տասնյակ քաղբանտարկյալների, անտրամաբանական մեղադրանքների հետ կապված քրեական գործերի վրա: Բացի այդ, ակցիայի մասնակիցները մտադիր են բարձրացնել արցախցիների հավաքական և անվտանգ հայրենիք վերադառնալու իրավունքի հարցը:

"Եվ եթե Եվրոպան ցանկանում է իսկապես Հայաստանի բարեկամը լինել, ապա նա չի կարող աչք փակել այդ հանցագործությունների վրա։ Արցախի ժողովուրդն Ադրբեջանի կողմից ենթարկվել է էթնիկ զտման և ցեղասպանության։ Բաքվում մենք բանտարկյալներ ունենք և պետք է ջանքեր գործադրենք նրանց շուտափույթ վերադարձի համար", - ասել է պատգամավորը։

Մեկնաբանելով գագաթնաժողովի բացմանն Ադրբեջանի նախագահի առցանց հայտարարությունը ՝ Խաչատրյանը նշել է, որ այդ պետությունը հերթական անգամ ցուցադրեց է իր հակահայկական թշնամական դիրքորոշումը, իսկ Ալիևն այդ ամբիոնն օգտագործեց պատմական իրականությունը խեղաթյուրելու համար:

Ցուցարարների վերջնական կետը Մարզահամերգային համալիրի դիմացի հարթակն էր։ Վերջիններս վանկարկում էին " Ոչ Նիկոլի տեռորին", "Նիկոլ դավաճան", "Ազատություն Եկեղեցուն", "Ազատություն քաղբանտարկյալներին", "Արցախը Հայաստան է", "Ազատություն հայ բանտարկյալներին"։

Նշենք, որ Իլհամ Ալիևը Երևանում Եվրոպական քաղաքական համայնքի 8-րդ գագաթնաժողովում իր տեսաուղերձում Եվրախորհրդարանին մեղադրել է կողմնակալության համար և պարծեցել Արցախի հայաթափմամբ: Մասնավորապես, նա քննադատել է ապրիլի 30-ին Եվրախորհրդարանի կողմից բանաձևի ընդունումը, որում, ի թիվս այլ բաների, պահանջվում է անհապաղ ազատ արձակել Բաքվում պահվող բոլոր հայ գերիներին: Ալիևն այդ առնչությամբ նշել է, որ ապրիլի 1-ին իր երկիրը որոշում է կայացրել դադարեցնել համագործակցությունը Եվրոպական խորհրդարանի հետ, Եվրամիություն-Ադրբեջան խորհրդարանական համագործակցության կոմիտեի գործունեությունը, ինչպես նաև՝ աշխատանքը Եվրանեսթ-ում: Վերջում նա կրկին իր աջակցությունն է հայտնել Հայաստանի հետ խաղաղության գործընթացին