Սամվել Կարապետյան. Մենք Հայաստանն Ադրբեջանի գործիքից վերածելու ենք տարածաշրջանային գործոնի

Արմինֆո. "Մենք Հայաստանն Ադրբեջանի գործիքից վերածելու ենք տարածաշրջանային գործոնի", - հայտարարել է "Ուժեղ Հայաստան" կուսակցության առաջնորդ, վարչապետի թեկնածու Սամվել Կարապետյանը՝ հերթական փոդքասթում։

"Մենք 300 հազար աշխատատեղ կստեղծենք հայերի համար ։ Ադրբեջանը կարող է լինել, առավելագույնը, ոչ մեծ խմբի երաշխավորը Հայաստանում։ Այժմ Հայաստանի վերաբերյալ բոլոր որոշումները կայացվում են Ադրբեջանում, քանի որ Փաշինյանն ամեն ինչ արել է մեր գլխավոր դաշնակիցների հետ հարաբերությունները փչացնելու համար, որոնք մենք պետք է շատ արագ վերականգնենք։ Մեզ հարկավոր են շատ բարեկամական հարաբերություններ  ԱՄՆ-ի, Անգլիայի, Ֆրանսիայի, Չինաստանի, ինչպես նաև մեր բարեկամ Ռուսաստանի հետ։ Միայն այդպես մենք կարող ենք լուրջ երաշխիքներ ապահովել գերտերություններից", - ընդգծել է Սամվել Կարապետյանը։

Հիշեցնենք, որ գործարար և բարերար Սամվել Կարապետյանը կալանավորվել էր 2025 թվականի հունիսին՝ այն բանից հետո, երբ հրապարակավ աջակցել էր Հայ Առաքելական Եկեղեցուն՝ հոգևորականության և իշխանությունների միջև դիմակայության ֆոնին: Ինքը ՝ Կարապետյանը, մեղքը չի ընդունել՝ կառավարության գործողություններն անվանելով քաղաքական ճնշում։ Եկեղեցուն սատարելու նրա հայտարարությունից հետո ՀՀ վարչապետ Նիկոլ Փաշինյանը սոցիալական ցանցերում մի շարք վիրավորական մեկնաբանություններ էր հրապարակել հոգևորականների և բարերարների հասցեին, ինչը հասարակական լայն արձագանք էր հարուցել: Ավելի ուշ գործարարի նկատմամբ են առաջադրվել են նոր մեղադրանք՝ առանձնապես խոշոր չափի փողերի լվացման համար: 2025 թվականի դեկտեմբերին  նա տեղափոխվել է տնային կալանքի տակ։