Արմինֆո. Մեծ Բրիտանիայի Հայ դատի հանձնախումբը հաղորդում է, որ ապրիլի 27-ին շարունակվել է Արցախում (Լեռնային Ղարաբաղում) տեղի ունեցող իրադարձությունները հետաքննող բրիտանական խորհրդարանական հանձնաժողովի նիստը:
Հաղորդագգգրության համաձայն, հանձնաժողովը լսել է վկաների՝ Միջազգային քրեական դատարանի նախկին դատախազ Լուիս Մորենո Օկամպոյի և միջազգայնագետ իրավաբան Քարնիգ Քըրքոնյանի կարևոր ցուցմունքները:
"Նրանց ցուցմունքները հայկական մշակութային ժառանգության ոչնչացման, իրավական պատասխանատվության և Արցախում տեղի ունեցած իրադարձությունների ավելի լայն հետևանքների շարունակական հետաքննության մաս են կազմում: Հանձնաժողովը շարունակում է ապացույցների հավաքագրումը՝ իր եզրափակիչ զեկույցին և հանձնարարականներին մոտենալուն զուգահեռ", - ասվում է հաղորդագրության մեջ:
Ինչպես ավելի վաղ հաղորդել էր ԱրմԻնֆո-ն, բրիտանացի խորհրդարանականների խումբը Իրավաբանների միջազգային ասոցիացիայի (IBAHRI) Մարդու իրավունքների ինստիտուտի և արտաքին փորձագետների աջակցությամբ սկսել է Ադրբեջանի կողմից Արցախում կատարվող հանցագործությունների հետաքննությունը: 2026 թվականի փետրվարի 23-ին տեղի է ունեցել այդ կառույցի առաջին նիստը։
Լեռնային Ղարաբաղի վերաբերյալ հետաքննությունը նվիրված է տարածաշրջանում մշակութային ժառանգության ավերածությունների ուսումնասիրությանը: Մշակութային ժառանգության կանխամտածված ոչնչացման գործողությունները գնալով ավելի տարածված են դառնում զինված բախումների ընթացքում կամ դրանցից հետո: Մշակութային ժառանգությունը ժողովուրդների մշակույթի և ինքնության եզակի և կարևոր վկայությունն է: Մշակութային ժառանգության դեգրադացումն ու ոչնչացումը՝ ինչպես նյութական, այնպես էլ ոչ նյութական, կորուստ են տուժած համայնքների, ինչպես նաև, ընդհանրապես, միջազգային հանրության համար: Նշվում է, որ հետաքննության նպատակն է դիտարկել 2023 թվականին հակամարտության սրումից ի վեր Լեռնային Ղարաբաղում մշակութային ժառանգության ոչնչացման մասշտաբներն ու բնույթը, ինչպես նաև Լեռնային Ղարաբաղում հայերի ներկայության հետքերը ջնջելու փորձը՝ ուշադրությունը կենտրոնացնելով վերջին իրադարձությունների վրա և բացահայտելով զարգացող միտումները:
Միջկուսակցական հանձնաժողովը գլխավորում է պատգամավոր Բրենդան Օ ' Հարան: Հանձնաժողովի կազմում են բարոնուհի Հելենա Քենեդին, պատգամավոր Ջոն Ուիթինգդեյլը, պատգամավոր Ջեսիկա Մորդենը, լորդ Մաքինեսը, լորդ Ալթոնը և բարոնուհի Հուպերը։ Համակարգող աջակցություն է ցուցաբերում IBAHRI-ի ծրագրային համակարգող Էյն Մակդոնալդը:
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
Մենք պարտավոր ենք գործադրել բոլոր հնարավոր ջանքերը, որպեսզի արցախահայության նկատմամբ արդարությունը հաղթանակի
Ընդդիմադիրը հաղորդել է, թե Վայոց ձորի որ նորակառույց դպրոցներն են հանձնվելու ադրբեջանցիներին
Փորձագետ․ Հայաստանն ու Ադրբեջանը մասնակցում են Իրանի շրջապատման ԱՄՆ-ի աշխարհաքաղաքական խաղին
Քոչարյան․ ԵՄ և ԵԱՏՄ միջև ընտրությունը՝ դա ընտրություն է անիրականանալի երազանքի և որոշակիության միջև
Հայաստանի իշխանությունը, որպես ռուսական ուղղության այլընտրանք, ուղղակի կամ անուղղակի ակնարկում է Թուրքիայի և Ադրբեջանի ուղղությունները․ պատգամավոր
Լուկաշենկո. "Մենք չենք ցանկանում, որ Հայաստանը դուրս գա ԵԱՏՄ-ից, բայց չենք կարող դեմ գնալ հայ ժողովրդի կամքին"
Պեսկովը հասկանալի և թափանցիկ է համարել Հայաստանի շարժումը դեպի ԵՄ
Արցախից և բանակից հետո Սյունիքը կդառնա իշխանությունների թիրախը. Ռոբերտ Քոչարյան
Միրզոյանը հավաստիացնում է․ գերիների և Բաքվում պահվող անձանց հարցը մշտապես Հայաստանի իշխանությունների քննարկումների մաս է
Վոլոդին․ Մենք չենք կարող այլևս լռության մատնել այն գործընթացները, որոնք տեղի են ունենում Հայաստանում
Բունդեսթագի պատգամավորները նախատեսում են այցելել Հայաստան
