այաստանում ջերմաստիճանը աստիճանաբար կբարձրանա 4-6 աստիճանով, կանխատեսում են օդերևութաբանները

Արմինֆո. ՀՀ շրջակա միջավայրի նախարարության հիդրոօդերևութաբանության և մոնիթորինգի կենտրոնի տվյալներով՝ ապրիլի 22-ին և 23-ին ցերեկային ժամերին Հայաստանում ջերմաստիճանը աստիճանաբար կբարձրանա 4-6 աստիճանով, իսկ ապրիլի 23-ին և 24-ին գիշերը՝ լրացուցիչ 2-4 աստիճանով։

Աղբյուրի համաձայն՝ ջերմաստիճանի բարձրացումը կուղեկցվի անձրևով և ամպրոպով։ Ապրիլի 22-ի ցերեկը և ապրիլի 23-ի երեկոյան երկրի որոշ շրջաններում կանխատեսվում է կարճատև անձրև և ամպրոպ։ Ապրիլի 24-ին Հայաստանի շրջանների մեծ մասում անձրև կտեղա։ Ապրիլի 25-ին և 26-ին տեղումները կդադարեն։ Հարավարևմտյան քամիները կհասնեն մինչև 2-5 մ/վրկ, իսկ ամպրոպների ժամանակ՝ մինչև 16-20 մ/վրկ։

Ապրիլի 22-ին Շիրակի մարզում ցերեկային ջերմաստիճանը կտատանվի +10-ից +15 °C-ի սահմաններում, իսկ Կոտայքի մարզում՝ +10-ից +16 °C-ի սահմաններում։ Գեղարքունիքում ցերեկային ջերմաստիճանը կանխատեսվում է +8-ից +13°C, իսկ Լոռու մարզում՝ +14-ից +17°C սահմաններում: Տավուշի մարզում՝ ցերեկային ջերմաստիճանը կանխատեսվում է +15-ից +20°C: Արագածոտնի մարզում՝ ցերեկային ջերմաստիճանը կանխատեսվում է +8-ից +17°C: ԱՐԱՐԱՏԻ մարզում՝ ցերեկային ջերմաստիճանը կանխատեսվում է +16-ից +20°C: Արմավիրում ցերեկային ջերմաստիճանը կանխատեսվում է +17-ից +20°C: Վայոց ձորի մարզում՝ ցերեկային ջերմաստիճանը կանխատեսվում է +7-ից +20°C, իսկ Սյունիքի մարզում՝ +7-ից +23°C:

Երևանում ապրիլի 23-ից 25-ը ցերեկային ժամերին, ապրիլի 26-ի երեկոյան և ապրիլի 27-ի կեսօրին սպասվում է անձրև և ամպրոպ: Ամպրոպների ժամանակ քամու պոռթկումները կհասնեն 16-19 մ/վրկ-ի: Ապրիլի 22-ին մայրաքաղաքում օդի ջերմաստիճանը ցերեկը կլինի +16-+18, երեկոյան՝ +12-+14, իսկ ապրիլի 22-ի լույս 23-ի գիշերը՝ +5-+7 աստիճան։