Արմինֆո. ԵՄ-ն ամրապնդում է փոխադարձ կապերը Կենտրոնական Ասիայի հետ՝ Հարավային Կովկասի միջոցով։ Ըստ ԶԼՄ-ների՝ այդ մասին հայտարարել է եվրահանձնակատար Մարթա Կոսը՝ Լյուքսեմբուրգում ԵՄ արտաքին գործերի նախարարների խորհրդի նիստից առաջ։
Նրա խոսքով՝ Եվրամիությունը մտադիր է ակտիվացնել փոխգործակցությունն Ադրբեջանի, Հայաստանի եւ Թուրքիայի հետ՝ Սեւ ծովի եւ տրանսպորտային-էներգետիկ կապերի զարգացման նոր ռազմավարության շրջանակներում: Այդ համատեքստում նա արձանագրել է, որ նոր ռազմավարության առանցքային տարրերից է փոխկապակցվածության օրակարգը, որն ուղղված է Եվրոպայի և Կենտրոնական Ասիայի միջև կապերի ամրապնդմանը:
"Այսօր մենք տեսնում ենք, թե որքան կարևոր և ճիշտ որոշում էր Սև ծովի վերաբերյալ Եվրոպական հանձնաժողովի նոր ռազմավարության ընդունումը, որի բաղադրիչներից մեկը փոխկապակցվածության օրակարգն է։ Դրա միջոցով մենք զարգացնում ենք համագործակցությունը Հայաստանի, Ադրբեջանի եւ Թուրքիայի հետ, որպեսզի Եվրոպան ավելի լավ կապենք Կենտրոնական Ասիայի հետ", - նշել է Կոսը։
Պաշտոնյան հավելել է, որ ԵՄ-ում տեսնում են, թե որքան խոցելի են այսօր, երբ հյուսիսում առևտրային երթուղիները խափանվել են Ռուսաստանի, իսկ հարավում ՝ Իրանի պատերազմի պատճառով:
Կոսը հավելել է, որ նիստի ընթացքում նախարարները կքննարկեն Հարավային Կովկասի տարածաշրջանի պետությունների հետ փոխգործակցության խորացման հետագա քայլերը: "Այսօր մենք կքննարկենք, թե ինչպես ավելի լավ փոխգործակցել Հարավային Կովկասի երկրների ՝ Հայաստանի, Ադրբեջանի և Թուրքիայի հետ, որտեղ մենք արդեն ունենք կոնկրետ նախագծեր, որոնք կարելի է սկսել իրագործել", - ընդգծել է նա:
Հավելենք, որ, ըստ ԶԼՄ-ների, այսօր ԵՄ արտաքին գործերի նախարարների խորհուրդը հավանություն է տվել, այսպես կոչված, կիբեռսպառնալիքների դեմ պայքարի նպատակով Եվրամիության նոր քաղաքացիական առաքելության ուղարկմանը Հայաստան: Առաքելությունն իր աշխատանքը կսկսի առաջիկա ամիսներին, կունենա երկամյա մանդատ և կկոչվի "Հայաստանի Հանրապետությունում Եվրոպական միության գործընկերության Առաքելություն" (EUPM Armenia): Նշվում է, որ առաքելությունը կամրապնդի Հայաստանի դիմադրողականությունը հիբրիդային սպառնալիքների նկատմամբ ՝ ռազմավարական, գործնական խորհրդատվություն և աջակցություն տրամադրելով նախարարություններին և անվտանգության մարմիններին:
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
Ընդդիմադիրը հաղորդել է, թե Վայոց ձորի որ նորակառույց դպրոցներն են հանձնվելու ադրբեջանցիներին
Փորձագետ․ Հայաստանն ու Ադրբեջանը մասնակցում են Իրանի շրջապատման ԱՄՆ-ի աշխարհաքաղաքական խաղին
Քոչարյան․ ԵՄ և ԵԱՏՄ միջև ընտրությունը՝ դա ընտրություն է անիրականանալի երազանքի և որոշակիության միջև
Հայաստանի իշխանությունը, որպես ռուսական ուղղության այլընտրանք, ուղղակի կամ անուղղակի ակնարկում է Թուրքիայի և Ադրբեջանի ուղղությունները․ պատգամավոր
Լուկաշենկո. "Մենք չենք ցանկանում, որ Հայաստանը դուրս գա ԵԱՏՄ-ից, բայց չենք կարող դեմ գնալ հայ ժողովրդի կամքին"
Պեսկովը հասկանալի և թափանցիկ է համարել Հայաստանի շարժումը դեպի ԵՄ
Արցախից և բանակից հետո Սյունիքը կդառնա իշխանությունների թիրախը. Ռոբերտ Քոչարյան
Միրզոյանը հավաստիացնում է․ գերիների և Բաքվում պահվող անձանց հարցը մշտապես Հայաստանի իշխանությունների քննարկումների մաս է
Վոլոդին․ Մենք չենք կարող այլևս լռության մատնել այն գործընթացները, որոնք տեղի են ունենում Հայաստանում
Բունդեսթագի պատգամավորները նախատեսում են այցելել Հայաստան
