Արմինֆո.Առավոտից բերման են ենթարկել "Ուժեղ Հայաստան" կուսակցության ևս մեկ ներկայացուցչի և քաղաքական ուժի համակիրների, խուզարկություններ են կատարվում կուսակցության գրասենյակներում: Այդ մասին Facebook-ի իր էջում հաղորդել է իրավագետ, "Ուժեղ Հայաստան" կուսակցության անդամ Գոհար Մելոյանը:
Նրա խոսքով ՝ իրավապահ մարմինները փորձում են խոչընդոտել փաստաբանների մուտքը բերման ենթարկվածների մոտ։ Ինչպես հաղորդել է իրավագետը, իրենք ուղեւորվել են Հակակոռուպցիոն կոմիտե։ Իրավիճակի առնչությամբ նա աջակցության կոչ է արել լրատվամիջոցներին, ինչպես նաև՝ կանանց իրավունքներով զբաղվող կազմակերպություններին։
"Հերթական անգամ բերման են ենթարկվում կանայք։ Այսպիսով, խախտվում է ընտրական իրավունքի հավասարության սկզբունքը, ինչպես նաև իրականացվում է միջամտության փորձ ՝ մեր քաղաքական ուժի համար անհավասար պայմաններ ստեղծելու նպատակով: Բացի այդ, խախտվում են կանանց իրավունքները, փորձ է արվում զրկել նրանց քաղաքական գործունեությամբ զբաղվելու իրավունքից։ Սակայն այս քայլերով դուք ավելի եք դրդում մարդկանց պայքարել նորմալ իրավական երկրում ապրելու համար", - ընդգծել է կուսակցության անդամը։
Իր հերթին՝ կուսակցության մամուլի քարտուղար Մարիաննա Ղահրամանյանը լրագրողների հետ զրույցում պատմել է, որ այդ պահի դրությամբ, իր տեղեկություններով, ձերբակալվել է կուսակցության արդեն 11 անդամ, նրանց տեղափոխել են Հակակոռուպցիոն կոմիտե: Նրա ունեցած տեղեկություններով ՝ մեղադրանք է ներկայացվել ձերբակալվածներից մեկին, մնացած մանրամասները, նրա ասելով, ավելի ուշ կներկայացնեն փաստաբանները:
"Այս պահին մի քանի փաստաբանների հաջողվել է, այնուամենայնիվ, մուտք գործել ձերբակալվածների մոտ։ Նրանց նույն մեղադրանքներն են ներկայացվում ՝ կապված նախընտրական շրջանում բարեգործություն իրականացնելու հետ։ Սա նույն ձեռագիրն է, քրեական գործիքակազմի միջոցով մեր կուսակցության անդամներին վախեցնելու և մեր գործունեությունը խոչընդոտելու փորձ։ Սա նաև երկրի իշխանությունների կողմից մեր կուսակցությունը չգրանցելու հիմքեր ստեղծելու փորձ է։ Ամեն ինչ շատ պարզ է, նպատակները մեզ համար ակնհայտ են, բայց մենք արդեն ասել ենք, որ կանգ չենք առնելու, մեզ դրանով չեն վախեցնի", - եզրափակել է կուսակցության մամուլի քարտուղարը։
Հիշեցնենք, որ ապրիլի 14-ին ձերբակալվել էին Սամվել Կարապետյանի "Ուժեղ Հայաստան" կուսակցության անդամ Գոհար Ղումաշյանը և քաղաքական ուժի Վայքի գրասենյակի համակարգող Վերժինե Ստեփանյանը: Հակակոռուպցիոն կոմիտեից հաղորդել են, որ մանկահասակ երեխաներ ունեցող երկու կանայք մեղադրվում են նախընտրական շրջանում բարեգործություն իրականացնելու համար: Տեղի ունեցածը կուսակցությունում որակել են քաղաքական հետապնդում իրենց կուսակիցների նկատմամբ։ Մեղադրող կողմը պահանջել է կանանց տնային կալանքի ենթարկել, սակայն դատարանը նրանց նկատմամբ վարչական վերահսկողություն է կիրառել։
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
Քոչարյան․ ԵՄ և ԵԱՏՄ միջև ընտրությունը՝ դա ընտրություն է անիրականանալի երազանքի և որոշակիության միջև
Հայաստանի իշխանությունը, որպես ռուսական ուղղության այլընտրանք, ուղղակի կամ անուղղակի ակնարկում է Թուրքիայի և Ադրբեջանի ուղղությունները․ պատգամավոր
Լուկաշենկո. "Մենք չենք ցանկանում, որ Հայաստանը դուրս գա ԵԱՏՄ-ից, բայց չենք կարող դեմ գնալ հայ ժողովրդի կամքին"
Պեսկովը հասկանալի և թափանցիկ է համարել Հայաստանի շարժումը դեպի ԵՄ
Արցախից և բանակից հետո Սյունիքը կդառնա իշխանությունների թիրախը. Ռոբերտ Քոչարյան
Միրզոյանը հավաստիացնում է․ գերիների և Բաքվում պահվող անձանց հարցը մշտապես Հայաստանի իշխանությունների քննարկումների մաս է
Վոլոդին․ Մենք չենք կարող այլևս լռության մատնել այն գործընթացները, որոնք տեղի են ունենում Հայաստանում
Բունդեսթագի պատգամավորները նախատեսում են այցելել Հայաստան
Զախարովան ցինիզմ է որակել Հայաստանի վարչապետի դեմ ՌԴ քարոզարշավի մասին Արևմուտքի մեղադրանքները
