Yerevan Wine Days-ը կնշի իր 10-ամյա հոբելյանը

Արմինֆո. Արդեն ավանդական դարձած Երևանի գինու փառատոնը՝ Yerevan Wine Days-ը, այս տարի նշելու է իր 10-ամյա հոբելյանը: Այդ առիթով փառատոնի կազմակերպիչները որոշել են նվիրել իրենց այցելուներին, ովքեր տարեցտարի իրենց ներկայությամբ հաստատում են փառատոնի կարեւորությունը։

 Համաձայն տասնամյա ավանդույթին՝ միջոցառումը կանցկացվի մայրաքաղաքի կենտրոնական փողոցներում՝ Սարյան և Մոսկովյան, հունիսի  5-7-ին (16:00-ից մինչեւ 22:30)։ Փառատոնին կմասնակցեն ավելի քան 100 գինեգործներ և գինեգործական ընկերություններ, որոնք կներկայացնեն ավելի քան 1000 տեսակի գինի

 Yerevan Wine Days ծրագրում համտես է և բացառիկ շնորհանդեսներ, գինու և սննդի համադրության վարպետության դասեր և սեսիաներ, կենդանի երաժշտական ելույթներ, գեղարվեստական և մշակութային թեմատիկ միջոցառումներ, ցանցային միջոցառումներ, արհեստների վարպետության դասեր, ինչպես նաև խաղեր և խաղարկություններ:

Միջոցառման մուտքն անվճար է, սակայն համտեսելու համար անհրաժեշտ է ձեռք բերել «գինու վայելքի փաթեթ», որը ներառում է փառատոնի 10-ամյակին նվիրված բրենդային ապակե բաժակ, փառատոնի 10-ամյակին նվիրված բրենդային պատյան, գինու համտեսի 12 կտրոն, խաղարկային տոմս, ինչպես նաև փառատոնի քարտեզը, ծրագիրը, հետաքրքիր փաստեր և այլն պարունակող տեղեկատվական գրքույկ: Ընդ որում, այցելուների համար "գինի վայելելու փաթեթի" արժեքը 12 հազար դրամից դարձել է 14 հազար դրամ։

Հատկանշական է, որ հունիսի 7 - ին ՝ գինու փառատոնի փակման օրը, Հայաստանում կանցկացվեն հերթական խորհրդարանական ընտրությունները։ Այդ առիթով Yerevan Wine Days -ի կազմակերպիչները տեղեկացրել են, որ վերջին օրը միջոցառումը կարող է ավարտվել մի քանի ժամ շուտ:

Նշենք, որ ըստ ՀՀ վիճակագրական կոմիտեի տվյալների ՝ Հայաստանում 2025 թվականին արտադրվել է ավելի քան 7.7 մլն լիտր գինի, ինչը 23.3% - ով զիջում է մեկ տարվա վաղեմության ցուցանիշին ։