Ռուս-աբխազական պայմանագիրը, ցավոք, ըստ էության խաչ քաշեց Աբխազիայի և Վրաստանի տարածքով դեպի Հայաստան գնացող երկաթուղու նախագծի վրա: ԱրմԻնֆո գործակալությանը նման կարծիք է արտահայտել «Alte et Certe» վերլուիծական կենտրոնի ղեկավար Անդրեյ Եպիֆանցևը, մեկնաբանելով նոյեմբերի 24-ին Ռուսաստանի և Աբխազիայի միջև կնքված ռազմավարական պայմանագիրը:

Վրաստանը հնարավոր է համարում երկաթուղու Աբխազական հատվածի բացումը, բայց միայն այն դեպքում, եթե այն կնպաստի հակամարտության կարգավորմանը: Այս մասին հայտարարել է Վրաստանի վարչապետի Ռուսաստանի հետ հարաբերությունների կարգավորման գծով հատուկ ներկայացուցիչ Զուրաբ Աբնաշիձեն, հաղորդում է Գրուզիա Օնյալն-ը:

 Beeline-ը հայտարարում է ՙNON-STOP՚ ծառայության գործարկման մասին կանխավճարային հաշվարկային համակարգի բաժանորդների համար։  Ծառայությունը հնարավորություն է ընձեռում կատարել անսահմանափակ ներցանցային զանգեր և օգտվել անսահմանափակ ինտերնետից օրական 150 դրամ բաժանորդային վարձի դիմաց: Ծառայության շրջանակում բաժանորդին օրական տրամադրվում է 30 ՄԲ ինտերնետ, որը սպառելուց հետո գործում է ինտերնետի արագության սահմանափակում մինչև 256 ԿԲ/վրկ:       
ՙNON-STOP՚ ծառայությունը կարելի է ակտիվացնել` զանգահարելով 0674225 համարին, հավաքելով *225# USSD-հրահանգը կամ ուղարկելով 225 տեքստով SMS-հաղորդագրություն 0674 համարին: ՙՈւրախ ենք ներկայացնել Beeline-ի հերթական համալիր առաջարկը` անսահմանափակ զանգերի և գերարագ ինտերնետի միաժամանակյա հնարավորությամբ: Շարժական ինտերնետի պահանջարկն աճում է յուրաքանչյուր օր և այս ծառայությունը գին–որակ համադրությամբ լավագույններից մեկն է շուկայում։ Առավել քան համոզված եմ, որ մեր բաժանորդները կգնահատեն այս ծառայության պարզ, հարմար և մատչելի լինելը՚, - նշել է Հայաստանում Beeline-ի Գլխավոր տնօրեն Անդրեյ Պյատախինը։     
ՙNON-STOP՚ ծառայության համար նախատեսված բաժանորդային վճարը հաշվեկշռից գանձվում է օրական 00:00-ից 01:30 ընկած ժամանակահատվածում: Նշենք նաև, որ ՙNON-STOP՚  ծառայությունը չի գործում, երբ միաժամանակ միացրած են «Զրուցենքե, «Ռեգուլյարե, «Պրեմիումե, «Ֆորսաժե, «Անսահմանափակ Ինտերնետ Լայթե, «Անսահմանափակ Ինտերնետ Պրոե, «Անսահմանափակ Ինտերնետ ՄեգաՊրոե և Ինտերնետ Փաթեթներ ծառայությունները: 

«ՎիվաՍել-ՄՏՍ»-ից հայտնում են, որ «Ղ-Տելեկոմ» ՓԲԸ-ն ներքին ստուգումների արդյունքում հայտնաբերել է շուրջ 751 միլիոն ՀՀ դրամ արժողությամբ նյութական արժեքների կորուստ

  ՀՀ դրամի փոխարժեքի ճշգրտումն ինֆլյացիայի և ֆինանսական կայունութան հետ կապված լուրջ ռիսկեր չի պարունակում: Նման պաշտոնական հայտարարությամբ է հանդե եկել ՀՀ Կենտրոական բանկի խորհրդի ադամ Արմենակ Դարբինյանը, ընդգծելով, որ դրամի փոխարժեքի ճշգրտումը թելադրված էր գոյություն ունեցող արտաքին օբյեկտիվ գործոններով` տնտեսական աճի դանդաղումով, գործընկեր-երկրների ազգային արժույթների արժեզրկումով, ինչպես նաև աշխարհի մի շարք շուկաների ապրանքա-հումքային միտումներով:

Ռուսաստանի և Աբխազիայի կողմից ՙԴաշնակցության և ռազմավարական գործընկերության՚ վերաբերյալ համաձայնագրի ստորագրումը նվազեցրել է երկաթուղու աբխազական հատվածի բացման հնարավորությունը: ԱրմԻնֆո-ի թղթակցի հետ զրույցում այդպիսի կարծիք է հայտնել Հայաստանի հանրապետական կուսակցությունից ԱԺ պատգամավոր, ՙՋավախք՚ հայրենակցական միության նախագահ Շիրակ Թորոսյանը: 

 Դեպի Հայաստան երկաթուղու աբխազական հատվածի բացումը հարցականի տակ է, թեև Ռուսաստանը լուծել է ամենաբարդ խնդիրը` ստացել է աբախզական կողմի համաձայնությունը: ԱրմԻնֆո-ին այդպիսի կարծիք է հայտնել ռուսաստանցի քաղաքագետ Վլադիմիր Եվսեևը` մեկնաբանելով երկաթուղու բացման վերաբերյալ Պուտինի երեկվա հայտարարությունը:

 Վրաստանի նախագահ Գեորգի Մարգվելաշվիլին հանդես է եկել հայտարարությամբ Ռուսաստանի և Աբխազիայի իշխանությունների միջև համագործակցության շուրջ համաձայնագրի ստորագրման առնչությամբ: Այդ մասին հաղորդում է «Նովոստի-Գրուզիան»:

«Ղ. Տելեկոմի» աշխատակիցը մեղադրվում է 751 մլն դրամ հափշտակելու համար:

Մարտկոցների հայ-գերմանական «Էլբատ» գործարանը 2014 թվականին նախատեսում է 30% ավելացնել արտադրության ծավալները, մինչև 80 հազար միավոր, 2013-ի 60 հազարի փոխարեն: Այս մասն ԱրմԻնֆո գործակալության թղթակցին հայտնել է ընկերության կոմերցիոն տնօրեն Գագիկ Մկրտչյանը:

Beeline-ը տեղեկացնում է, որ 2014 թ. դեկտեմբերի 4-ից կփոփոխվեն բջջային կապի մի շարք սակագնային փաթեթների (ՍՓ) պայմաններ։ Մասնավորապես փոխվելու են որոշ ինտերնետ փաթեթների սակագներ, իսկ մի շարք սակագնային փաթեթներում՝ պահվող գումարի չափը, որը գանձվում է հաշվի լիցքավորման պահին։

ՌԴ նախագահ Վլադիմիր Պուտինը գտնում է, որ Հայաստանի հետ երկաթուղային կապը վերականգնելու համար անհրաժեշտ է բացել Աբխազական երկաթուղին: Այս մասին նա հայտարարել է Աբխազիայի նախագահ Ռաուլ Խաջիմբայի հետ համատեղ մամուլի ասուլիսում, հաղորդում է Կրեմլի մամուլի ծառայությունը:

Նոյեմբերի 5-ից ի վեր www.orange5.am հատուկ կայքն արդեն ունեցել է ավելի քան 21 000 այցելու: Orange-ի հինգերորդ տարեդարձի շրջանակներում մեկնարկած այս կայքում ներկայացված են Հայաստանում Orange-ի գործունեության հիմնական ուղղությունները: Կայքում հատուկ բաժին է առանձնացված նաև «Ապագայի մտքեր» մրցույթի համար, որը կայքի այցելուներին թույլ է տալիս իրենց գաղափարներով կիսվել Orange-ի հետ և ներդրում ունենալ ապագան փոխելու գործում: Մինչդեռ մրցույթի վերջնաժամկետը նոյեմբերի 30-ն է՝ ավելի քան 4 100 այցելու արդեն հասցրել է իրենց առաջարկներն ուղարկել Orange-ին:

Հայաստանում անցյալ հանգստյան օրերին ԱՄՆ դոլարի միջին փոխարժեքի` 419.5 դրամից մինչև 435 դրամ կտրուկ աճն, ավելի շուտ կրում է շտկիչ բնույթ: Նման կարծիքի են շուկայի անկախ վերլուծաբանները, որոնք գերքադասեցին չհրապարակել իրենց անունները:

2015 թվականին աշխարհահռչակ System of a Down ռոք-խումբը համերգով հանդես կգա Հայաստանում:

 Լեռնային Ղարաբաղի հարցում Լեհաստանը հավատարիմ է մնում իր սկզբունքներին, մասնավորապես,  հակամարտող կողմերին չզինելու սկզբունքին: Նոյեմբերի 24-ին մամուլի ասուլիսում այդ մասին հայտարարել  է Հայաստանում Լեհաստանի դեսպան Զդիսլավ Ռաչինսկին` մեկնաբանելով «Լյուբավա-Արմենիա» հայ-լեհական ռազմարդյունաբերական ձեռնարկության բացումը Չարենցավանում, որն զբաղվում է արտադրական օբյեկտների արդիականացմամբ և նորոգմամբ, ինչպես նաև արտադրելու է կեղծ թիրախներ, վրաններ, սաղավարտներ, զրահաբաճկոններ, քողարկող ցանցեր ու ռազմական նշանակության այլ գույք:

Նոյեմբերի 24-28-ին Հայաստանի շրջանների մեծ մասում ժամանակ առ ժամանակ սպասվում են տեղումներ և մառախուղ, լեռնային և արևելյան շրջաններում ձյան տեսքով: Քամին` հարավ-արևելյան` 2-7 մ/վրկ:

 ՀՀ վարչապետ Հովիկ Աբրահամյանի որոշմամբ Տիգրան Հարությունյանն ազատվել է Հայաստանի Հանրապետության էկոնոմիկայի նա­խա­րարի տեղակալի պաշտոնից:

 Նոյեմբերի 24-ին՝ ժամը 09: 30–ի դրությամբ, Մարտունու տարածաշրջանում ,Դիլիջանի ոլորաններում և Վարդենյաց լեռնանցքում (Մարտունու կողմից) տեղ-տեղ մերկասառույց է: Ինչպես ԱրմԻնֆո գործակալությանը հաղորդեցին ՀՀ տրանսպորտի և կապի նախարարության լրատվական ծառայությունից, Թալինի, Մարալիկի, Արթիկի, Գյումրու, Աշոցքի, Ապարանի, Արագածի, Սպիտակի, Ստեփանավանի, Տաշիրի, Սևանի, Գավառի, Դիլիջանի, Ճամբարակի, Գորիսի և Մեղրու ավտոճանապարհներին տեղում է ձյուն: Անվտանգ երթևեկությունն ապահովելու նպատակով ավտոճանապարհներին կատարվում են աղով, ավազով մշակման աշխատանքներ: Միջպետական և հանրապետական նշանակության ավտոճանապարհները բաց են: