Սերժ Սարգսյանը փորձում է իր`առաջին հայացքից կառուցողական նախաձեռնություններով ընդդիմությանը ներքաշել հոգնատանջ ու անիմաստ բանակցությունների մեջ`դեռ 2011 թ. տեղի ունեցածի օրինակով: Այդ մասին լրագրողների հետ զրույցում հայտարարել է ՀԱԿ խոհրդարանական խմբակցության ղեկավար Լևոն Զուրաբյանը:

Մշտական զոհերը ղարաբաղյան և ադրբեջանական ԶՈՒ շփման գծում Ադրբեջանին ռուսական զենքի մատակարարումների արդյունք են: Նոյեմբերի 14-ին մամուլի ասուլիսում այդպիսի կարծիք է հայտնել Քաղաքական և միջազգային հետազոտությունների կենտրոնի փորձագետ Ռուբեն Մեհրաբյանը:

 Ադրբեջանը բանակցություններ է վարում ռուսական «Պանցիր Ս1» զենիթային հրթիռահրանոթային համալիրների գնման շուրջ: Ինչպես հաղորդում է haqqin.az-ը, այդ մասին հայտարարել է «Շչեգլովսի վալ» ԲԲԸ գլխավոր տնօրեն Վլադիմիր Պոպովը:

 Ադրբեջանը ԼՂՀ ԶՈւ Մի-24 ուղղաթիռը խոցել է ԱՄՆ հրահանգով, այսօր մամուլի ասուլիսի ժամանակ այդպիսի կարծիք է հայտնել քաղաքագետ Սերգեյ Շաքարյանցը:

Եվրամիությունը պետք է խումբ ձևավորի, որը կզբաղվի Ադրբեջանի կողմից հայկական ուղղաթիռի ոչնչացման հանգամանքների ուսումնասիրմամբ:  Այդ մասին ասվում է ԵՄ-Հայաստան բարեկամության խմբի ղեկավար Էլենի Թեոխարուսի հայտարարության մեջ:

Ադրբեջանը շարունակում է իրավիճակի կանխամտածված սրումը ղարաբաղյան հակամարտության գոտում, ինչն ակնհայտ  է ուսումնական թռիչք իրականացնող հայկական ուղղաթիռի խոցմանն առնչվող Բաքվի վերջին սադրանքից: Այդ մասին ասվում է ԱՄՆ Կոնգրեսի Հայաստանին աջակցող խմբի հնամանախագահ Ֆրենկ Փալոունի հայտարարությունում:

ՄԱԿ-ի գլխավոր քարտուղար Պան Գի Մունը լրջորեն անհանգստացած է հայկական ուղղաթիռի  խոցման առնչությամբ և կոչ է անում թույլ չտալ լարվածության հետագա սրում: Ինչպես հաղորդում է կազմակերպության պաշտոնական կայյքը, այդ մասին Նյու Յորքում ճեպազրույցի ժամանակ հայտարարել է ՄԱԿ մամուլի քարտուղարը:

Ղարաբաղյան հակամարտության կարգավորմամբ զբաղվող երկրները պետք է հատուկ ուշադրություն դարձնեն վերջին գործընթացներին հակամարտության գոտում և զգոնություն դրսևորեն: Այդ մասին հայտարարել է Թուրքիայի ազգային պաշտպանության նախարար Իսմեթ Յըլմազը երկրի խորհրդարանում` անդրադառնալով ադրբեջանական զինված ուժերի կողմից հայկական ուղղաթիռի խոցմանը:

Հաշվի առնելով ադրբեջանական վերջին սադրանքները ղարաբաղյան հակամարտության գոտում` Եվրամիությունը պետք է պաշտպանի ղարաբաղյան հիմնախնդրի կարգավորումը Ղարաբաղի ժողովրդի ինքնորոշման իրավունքի սկզբունքի հիման վրա: Այդ մասին ասվում է նոյեմբերի 12-ի ադրբեջանական սադրանքի առնչությամբ Եվրամիություն-Հայաստան բարեկամության խմբի համանախագահ Էլենի Թեոհարուսի` Եվրահանձնաժողովի ղեկավար Ժան Կլոդ Յունկերին հղած նամակում:

Քանի դեռ միջազգային հանրությունը որոշակի պատժամիջոցներ չի կիրառել ալիևյան ագրեսոր վարչակազմի նկատմամբ, ղարաբաղյան հակամարտության գոտում կշարունակվեն Բաքվի սադրանքները, որոնք տասնյակ մարդկանց կյանք են արժեցել: Այդ մասին ասվում է Կանադայի հայ ազգային կոմիտեի հայտարարությունում, որն առնչվում է ադրբեջանական զինված ուժերի կողմից ՄԻ-24  հայկակման ուղղաթիռի խոցմանը:

ՀԱԿ խմբակցության ղեկավար Լևոն Զուրաբյանը լրագրողնեևրին որոշ մանրամասներ է ներկայարցել հանրապետական Սամվել Ֆարմանյանի հետ երեկվա ծեծկռտոցի մասին:

Ֆինլանդիայում ՀՀ նորանշանակ դեսպան Արտակ Ապիտոնյանը (նստավայրը` Ստոկհոլմ) իր հավատարմագրերն է հանձնել Ֆինլանդիայի նախագահ Սաուլի Վյայնյամյո Նիինիստյոյին։

Սահմանադրական դատարանի շենքի առջև բողոքի բազմամարդ ակցիա է ընթանում ընդդեմ Եվրասիական տնտեսական միությանը Հայաստանի անդամակցության:

Հայկական կողմին դեռ չի հաջողվել մոտենալ ուսումնավարժական թռիչք կատարելիս ադրբեջանական ԶՈՒ կողմից խոցված ԼՂՀ ՌՕՈՒ ուղղաթիռին:  Facebook-ի իր էջում  այդ մասին հաղորդել է ՊՆ մամուլի քարտուղար Արծրուն Հովհաննիսյանը, հավելելով, որ համապատասխան աշխատանք է տանում թե հայկական կողմը, թե ԿԽՄԿ: Նա ընդսմին հաղորդել է, որ անցած գիշերը համեմատաբար հանգիստ է անցել շփման գծում:

ՀԱԿ խմբակցության ղեկավար Լևոն Զուրաբյանի և ՀՀԿ պատգամավոր Սամվել Ֆարմանյանի միջև վիճաբանությունն Ազգային ժողովում է վերաճել է ծեծկռտոցի:

Արդշինինվեստբանկը վերադարձրել է իր «ավանդական» Արդշինբանկ անվանումը: Ինչպես ԱրմԻնֆո գործակալությանը տեղեկացվել է ՀՀ Կենտրոնական բանկի մամուլի ծառայությունից, «Արդշինինվեստբանկ» ՓԲԸ թիվ 83 լիցենզիայի վերաձևակերպման և բանիի վերանվանման մասին որոշումն ընդունվել է ՀՀ ԿԲ Խորհրդի նոյեմբերի 13-ի նիստում:

 Հայաստանում Բիլայն ընկերության հաճախորդների բազան մեկ տարում աճել է 8.5%: Նման աճ ընկերությունում վաղուց չէր եղել, և ադ դինամիկան կապված է մեծ պահանջարկ ունեցող հաճախորդային ծառայությունների հետ»,-մեկնաբանել է «ԱրմենՏել» ՓԲԸ գլխավոր տնօրեն Անդրեյ Պյատախինը, պատասխանելով հաճախորդների բազայի աճի և MNP գծով հաճախորդների ավելացման հեռանկարների վերաբերյալ ԱրմԻնֆո գործակալության թղթակցի հարցին:

 Եթե հակառակորդը շարունակի այսպես պահել իրեն, մենք նրան խորտակիչ հարված կհասցնենք այնտեղ, որտեղ նա ամենևին չի սպասում, hayzinvor.am-ին հայտարարել է ԼՂՀ պաշտպանության նախարար, ՊԲ հրամանատար, գեներալ-լեյտենանտ Մովսես Հակոբյանը`մեկնաբանելով Ադրբեջանի կողմից արցախյան ուղղաթիռի ոչնչացումը: 

ԼՂՀ ռազմագերիների, պատանդների և անհետ կորածների հարցերի պետական հանձնաժողովը դիմել է Լեռնային Ղարաբաղում Կարմիր խաչի միջազգային կոմիտեի առաքելությանը` աջակցություն խնդրելով  ադրբեջանական զինված ուժերի կողմից խոցված «ՄԻ-24» հայկական ուղղաթիռի անձնակազմի գտնվելու վայրը ճշտելու հարցում;

 ՀՀ խորհրդարանը մեկ րոպե լռությամբ հարգել է ադրբեջանական զինված ուժերի կողմից խոցված հայկական ուղղաթիռի անձնակազմի հիշատակը: