Երևանի ավագանու ընտրություններում արձանագրվել են կեղծ դիտորդներ, որոնք բացահայտումից հետո ստիպված են եղել լքել ընտրատեղամասը: Այս մասին մամուլի ասուլիսում հայտարարել է ՙTransparency International Anti-corruption Center՚ հասարակական կազմակերպության ներկայացուցիչ Սաթենիկ Բադեյանը:

Ըստ դիտորդի, փետրվարին կայացած նախագահական ընտրություններն անցան ավելի հանգիստ և խաղաղ, քան մայրաքաղաքի ավագանու ընտրությունները: ՙՆախագահական ընտրությունների համեմատ, այս ընտրություններում իրավիճակն ավելի լարված էր, քաղաքական կուսակցությունների միջև ընթանում էր լուրջ պայքար: ՙTransparency International Anti-corruption Center՚-ի դիտորդները ընտրատեղամասերում արձանագրել են մարդկանց կուտակումներ, քվեարկության ընթացքում կարմիր գրիչի օգտագործում, ընդ որում, այս փաստի առնչությամբ ընտրական հանձնաժողովների ղեկավարները հայտարարում են, որ օրենքը չի արգելում օգտվել կարմիր գրիչից՚,-նշել է Բադեյանը, հավելելով նաև, որ հանձնաժողովների շատ անդամներ օժտված չեն մասնագիտական ունակություններով:

Նշենք, որ Երևանի ավագանու ընտրություններն ավարտվել են 20:00-ին: Ըստ ԿԸՀ տվյալների, ընտրողների մասնակցությունը կազմել է 53.53%:

 1/17 և 2/22 ընտրատեղամասերում տեղի են ունեցել քվներ մասնակի հաշվարկները:

Ինչպես հաղորդում է ԱրմԻնֆո գործակալության թղթակիցը, 1/17 ընտրատեղամասում մշկվել է 450 քվեաթերթիկ, 350 քաղաքացիներ քվեարկել են Հայաստանի Հանրապետական կուսակցության օգտին, ՙԲարև Երևանը՚ ստացել է 34, ՙԴաշնակցությունը՚` 22 ՙԲարգավաճ Հայաստանը՚` 13, ՙՕրինաց երկիրը՚` 9, ՙՀայ Ազգային Կոնգրեսը՚` 11 ՙԱռաքելությունը՚` 2 քվե: 16 քվեաթերթիկ ճանաչվել է անվավեր:

2/22 ընտրատեղամասում մշակվել է 470 քվեաթերթիկ, 284 քվե ստացել է ՀՀԿ-ն, 106 քվե` ԲՀԿ-ն, 29 քվե`ՙԲարև Երևանը՚, 19 քվե` ՀԱԿ-ը,  5 քվե` ՀՅԴ-ն, 5 քվե` ՕԵԿ-ը, 3 քվե` ՙԱռաքելությունը՚:

 Ըստ ՀՀ Կենտրոնական ընտրական հանձնաժողովի տվյալների, 56 ընտրական տեղամասերից ստացված տվյալներով Երևանի ավագանու ընտրությունների առաջատարն է ՀՀԿ-ն – 60.09% ¥27323¤: Նրան հաջորդում են` ԲՀԿ – 18.31%, ¥8324¤ ՙԲարև Երևան՚ - 8.44% ¥3836¤, ՀԱԿ – 4.55% ¥2067¤, ՀՅԴ – 4.11% ¥1870¤, ՕԵԿ – 3.78% ¥1720¤« ՙԱռաքելություն՚ - 0.73% ¥332¤:

 ՙՏեղեկացված ընտրող՚ SMS-հաղորդագրութոյւնների համակարգը ներկայացրել է Երևանի ավագանու ընտրությունների առաջին արդյունքները:

Տվյալների համաձայն, 1.1% ընտրատեղամասերում ձայները բաժանվել են հետևյալ ձևով. Հանրապետական կուսակցություն - 57.5%, ՙԲարգավաճ Հայաստան՚ - 17.2%, ՙ«Բարև Երևան՚ - 9.3%, ՀՅԴ - 4.6%, ՀԱԿ - 4.2%, ՕԵԿ - 2.6%« ՙԱռաքելություն՚ - 0.6%

Երեւանի ավագանու այսօր տեղի ունեցած ընտրությունները ընտրախախտումների մակարդակով ոչ մի բանով չէին զիջում վարչախմբի անցկացրած մյուս ընտրություններին։ Այս մասին է ասված ՙՀայ Ազգային Կոնգրես՚ կուսակցությայ հայտարարությնա մեջ:

Փաստաթղթի համաձայն, արդեն ավանդական դարձած խայտառակ ընտրախախտումները համատարած էին ամբողջ քաղաքում. ընտրակաշառք, թաղային և ՀՀԿ-ական խուժանի միջոցով ուղղորդված քվեարկություններ, բազմակի քվեարկություններ, ընտրական կարուսելներ, բացակաների փոխարեն քվեարկություններ, լցոնումներ, կուտակումներ տեղամասերում, ահաբեկումներ և այլն։ ՙԵթե նկատի ունենանք մայրաքաղաքում ընտրողների ուռճացված ցուցակները հանրապետությունից բացակայողների, մարզերից և հարևան հանրապետություններից մարդկանց ֆիկտիվ գրանցման հաշվին, ապա մասնակիցների հայտարարված 56%-ի տակ պետք է հասկանալ իրական ընտրողների թվի 80-85%-ը, ինչը աներևակայելի է անգամ համապետական ընտրություններում։

Մայրաքաղաքի ավագանու ընտրությունները գործող ռեժիմի հերթական հանցագործությունն էր ժողովրդավարության և Հայաստանի ժողովրդի դեմ, ինչի համար իշխող ուժը քաղաքական, իսկ նրա պարագլուխները քրեական պատասխանատվություն են արժանանալու հաստատապես, ասված է ՀԱԿ հայտարարության մեջ։

 ՀՀ Ոստիկանությունը հրապարակել է Երևանի ավագանու ընտրությունների ընթացքում տեղ գտած խախտումների վերաբերյալ տվյալները:

Ինչպես նշվում է ոստիկանության կայքում, ժամը 22:30-ի դրությամբ, ընդհանուր առմամբ, ոստիկանությունում քննվում է 81 հաղորդագրություն: Ներկա պահին ոստիկանությունն արդեն հարցուցել է 4 քրեական գործ:

Երևանի ավագանու ընտրությունները մրցակցային էին և մենք գտնում ենք, որ դրանք բնականոն ու նորմալ են անցել, թեև բավականին լարված պայքար էր, որովհետև գրեթե բոլոր ուժերը մասնակցում էին:  Այս մասին այսօր ՀՀԿ կենտրոնական գրասենյակում կայացած ճեպազրույցում ասաց Երևանի ավագանու ընտրություններում ՀՀԿ նախընտրական շտաբի պետ Էդուարդ Շարմազանովը:

Նրա խոսքով, դեռևս արդյունքների մասին չի խոսի, քանի որ չկան պաշտոնական տվյալներ: ՀՀԿ շտաբը դատապարտում է բոլոր ընտրախախտումները, բայց իրավապահ մարմիններն ու նաև լրատվամիջոցները լավ աշխատեցին: Է.Շարմազանովը նշեց նաև, որ այսօրվա օրը ցույց տվեց, որ իրավապահ մարմինները ի զօրու են համապատասխան արձագանքել ընտրախախտումների մասին ահազանգերին:

Նա հրաժարվեց որևէ կանխատեսումների, նշելով, որ ՙԿանխատեսումներով զբաղվում են այլ գործիչներ: Եթե ամեն ինչ գնա այնպես, ինչպես ընթանում է, Երևանի բնակչությունը կապրի ավելի լավ Երևանում՚,- հայտարարեց Է.Շարմազանովը ի պատասխան հարցի, թե ի վերջո որքա՞ն ձայն կհավաքի ՀՀԿ-ն այս ընտրություններում:

Ըստ ՀՀ Կենտրոնական ընտրական հանձնաժողովի տվյալների, 10 ընտրական տեղամասերից ստացված տվյալներով Երևանի ավագանու ընտրությունների առաջատարն է ՀՀԿ-ն – 63.98% ¥3773¤: Նրան հաջորդում են` ԲՀԿ - 17.18%, ¥1013¤ ՙԲարև Երևան՚ - 7.55% ¥445¤, ՀՅԴ - 3.43% ¥202¤, ՀԱԿ – 3.71% ¥219¤, ՕԵԿ - 2.81% ¥166¤« ՙԱռաքելություն՚ - 1.34% ¥79¤:

Ըստ ՀՀ Կենտրոնական ընտրական հանձնաժողովի տվյալների, 31 ընտրական տեղամասերից ստացված տվյալներով Երևանի ավագանու ընտրությունների առաջատարն է ՀՀԿ-ն – 62.73% ¥15819¤: Նրան հաջորդում են` ԲՀԿ - 16.18%, ¥4081¤ ՙԲարև Երևան՚ - 8.11% ¥2046¤, ՀԱԿ – 4.35% ¥1096¤, ՀՅԴ – 4.15% ¥1047¤, ՕԵԿ – 3.68% ¥929¤« ՙԱռաքելություն՚ - 0.8% ¥201¤:

 Կենտրոնական ընտրական հանձնաժողովի հրապարակած տվյալների համաձայն, 17.00-ի դրությամբ Երևանի Ավագանու խորհրդի ընտրություններին մասնակցել է 366982 ընտրող կամ ընտրողների 44.95%-ը:

Ընտրողների թիվը ըստ վարչական շրջանների. Աջափնյակ-  43,533 ընտրող կամ 53.33 %, Ավան- 19,522 ընտրող կամ 51.56 %, Արաբկիր-41,184 ընտրող կամ 43.93 %, Դավթաշեն- 14,193 ընտրող կամ 45.54%, Էրեբունի- 38,221 ընտրող կամ 42.03 %, Կենտրոն- 36,444 ընտրող կամ 39.16 %, Մալաթիա-Սեբաստիա-  36,431 ընտրող կամ 35.35%, Նոր- Նոր 45,990 ընտրող կամ 46.89 %, Նորք Մարաշ- 5,373 ընտրող կամ 53.09 %, Նուբարաշեն- 4,039 ընտրող կամ 51.86 %, Շենգավիթ-56,851 ընտրող կամ 50.66 % Քանաքեռ-Զեյթուն- 25,211 ընտրող կամ 44.36 %:

 ՀՀ Ազգային ժողովի նախագահ Հովիկ Աբրահամյանը չի բացառում ՀՀԿ և ԲՀԿ միջև կոալիցիայի ստեղծման հնարավորությունը Երևանի Ավագանու խորհրդում և կառավարությունում: Այդ մասին Աբրահամյանը հայտարարել է մայիսի 5-ին`իր քաղաքացիական պարտքը կատարելով Երեւանի Հր. Աճառյանի անվան դպրոցում տեղակայված ընտրական տեղամասում:  Պատասխանելով այն հարցին, թե քանի նախարար է փոխվելու նոր կառավարությունում`Աբրահամյանը կոչ է արել սպասել ևս երկու օր:

Նշենք, սակայն, որ մեկ օր առաջ պատասխանելով նույն հարցին`Աբրահամյանը բացառել էր ՀՀԿ և ԲՀԿ համախմբման հնարավորությունը: Իսկ այսօր երկու կուսակցությունների միջև քաղաքական դաշինքի հնարավորությունն առաջինը կանխատեսել է կրթության և գիտության նախարարի պաշտոնակատար Արմեն Աշոտյանը: ՙԵս չեմ բացառում ՀՀԿ և ԲՀԿ միջև նոր կոալիցիայի հնարավորությունը, թեև անձամբ ես դա չէի ցանկանա՚,- հայտարարել է Աշոտյանը:

Քաղաքացիական հասարակության ինստիտուտի թեժ գիծ (080-080-804)  ահազանգեր են ստացվել Երևանի Ավագանու խորհրդի ընտրությունների ընթացքում խախտումների վերաբերյալ:

Մասմավորապես`հաղորդվում է, որ ՙZ՚ տաքսի ծառայության S 0358 և S 0370 պետհամարանիշերով տաքսիները 15 րոպեն մեկ շարունակում են ընտրողներ բերել տեղամաս ընտրության: Մի կին, ով ներկայանում է որպես ՙծերանոցի վարիչ՚, տարեց մարդկանց է բերում է ընտրատեղամաս և առանց գրանցամատյանում գրանցվելու օգնում նրանց քվեարկել: 07/13 ընտրատեղամասում անհետանում են անձնագրերում դրված կնիքները և իրականացվում է կրկնակի քվեարկություն:

Մայիսի 5-ին` ժամը 08.20-ին, անհայտ քաղաքացուց ոստիկանության Շենգավիթի բաժնում ահազանգ է ստացվել, որ թիվ 11/32 ընտրատեղամասում մի քաղաքացու մոտ 2 քվեաթերթիկ են hայտնաբերել: Մեկնած օպերատիվ խմբին ընտրատարածքի հանձնաժողովի նախագահը հաղորդել է, որ անձամբ կանխել է քաղաքացու կրկնակի քվեարկության փորձը: Պարզվել է, որ նշված անձը Շենգավիթի բնակիչ, 54-ամյա Ղազար Մ.-ն է, ով բերման է ենթարկվել ոստիկանական բաժին: Նախապատրաստված նյութերն ուղարկվել են ոստիկանության Շենգավիթի քննչական բաժին:

 Մայրաքաղաքի ավագանու խորհրդի ընտրություններն ընթանում են ավելի բարձր մակարդակով, քան քաղաքական ընտրությունները: Այդ մասին հայտարարել է ՙԺառանգություն՚ կուսակցության առաջնորդ Րաֆֆի Հովհաննիսյանը ` կատարելով իր քաղաքացիական պարտքը:

Նրա ասելով, եթե Հայաստանի նախագահի ընտրություններն ա ցնեին նույնպիսի մակարդակով, այժմ իրավիճակը Հայաստանում արդեն փոխված կլիներ:

Հովհաննիսյանը նաև նշել է, թե չնայած այն հանգամանքին, որ տվյալ պահին արձանագրվել են մեծաթիվ ընտրախախտումներ, ՙԲարև Երևան՚ դաշինքը հաջողության կհասնի ընտրություններում:

Զրպարտություն է խոսել այն մասին, թե ՀՀԿ ընտրակաշառք է բաժանում: Այդ մաիսն հայտարարել է վարչապետ Տիգրան Սարգսյանը` պատասխանելով լրագրողների հարցերին 10/21 ընտրատեղամամսում քվեարկելուց հետո:

Նա միևնույն ժամանակ նշել  թե ոչ մի իրավախախտում անպատիժ չի մնա, ավելացնելով, որ բոլոր ահազանգերն արձանագրվում են, և իրավապահ մարմիններն անհապաղ մեկնում են դրանց հետքերով: Ընդ որում վարչապետը խաղաղ է որակել ընտրություններում առկա իրավիճակը:

 9/11 ընտրատեղամասում, որտեղ ավելի վաղ քվեարկել էր Հայաստանի նախագահ Սերժ Սարգսյանը, տեղի է ունեցել բախում ընտրական հանձնաժողովի քարտուղար Կարինե Նալբանդյանի և  Երևանի ավագանու ընտրություններում ԲՀԿ ցուցակի չորրորդ հորիզոնականը զբաղեցնող Սերգեյ Բագրատյանի միջև:

Ինչպես հաղորդում է ԱրմԻնֆոյի թղթակիցը դեպքի վայրից, Բագրատյանը մտել է ընտրատեղամաս և հանձնաժողովի անդմներից պահանջել, որպեսզի քվեատուփի մոտ նստի ԲՀԿ ներկայացուցիչ, որին ավելի վաղ փոխարինել էր ՙԲարև Երևան՚ դաշինքի ներկայացուցիչը: Մերժում ստանալուց հետո նրանց միջև խոսքակռիվ է սկսվել: ՙԲՀԿ ներկայացուցիչը  քվեատուփի մոտ նստել է ընտրատեղամասի բացման պահից,  այնուհետև ՙԲարև Երևան՚ դաշինքի վստահված անձը դիմել է ԲՀԿ ներկայացուցչին փոխարինելու և անձամբ քվեարկության գործընթացին հետևելու խնդրանքով:  Բոլոր գործողությունները կատարվել են Հայաստանի ընտրական օրենսգրքին հնամապատասխան: Իսկ Բագրատյանն իրավունք չուներ ինձ դիմել նման պահանջով՚, - հայտարարել է Նալբանդյանը:

Բագրատյանն իր հերթին հրաժարվել է մեկնաբանել միջադեպը և հեռացել է ընտրատեղամասը` սպառնալիք հղելով Նալբանդյանի հասցեին:

 ՀՀ առաջին նախագահ, ՙՀայ ազգային կոնգրես՚ կուսակցության առաջնորդ Լևոն Տեր-Պետրոսյանն իր քաղաքացիական պարտքը կատարել է Ա. Սպանդարյանի անվան հանրակրթական դպրոցում տեղակայված 9/11 ընտրատեղամասում:

Քվեարկությունից հետո պատասխանելով լրագրողների հարցերին` Տեր-Պետրոսյանը հայտարարել է, որ բողոքելու իրավունք չունի նա, ով ընտրություններին չի մասնակցում: ՙԲոլորը պետք է մասնակցեն ընտրություններին և իրենց ձայները տան նրանց օգտին, ում սատարում են՚, - կոչ է արել Տեր-Պետրոսյանը:

Նա ընդսմին չի ցանկացել մեկնաբանել 2013 թվականի նախագահական ընտրություններին իր չմասնակցելուն առնչվող հարցը:

 ՙՔաղաքացիական հասարակության ինստիտուտ՚ հասարակական կազմակերպությունը, որը ՙԵրևանի ավագանու ընտրություններ-2013՚ իրավական նախաձեռնության շրջանակներում իրականացնում է դիտորդություն Թիվ 1 ընտրատարածքում ամբողջությամբ և 10 շրջիկ մեքենաներով՝ Երևանի ողջ տարածքով, հայտարարում է, որ մայիսի 5-ի ժամը 14։00-ի դրությամբ քվեարկությունն անցնում է աննախադեպ լարված մթնոլորտում՝ համեմատած Հայաստանում վերջին տարիներին անցկացված ընտրությունների։

Համատարած ընթանում են մարդկանց ուղղորդումներ և՛ ընտրատեղամասերից դուրս, և՛ ընտրատեղամասերի ներսում։ Ընտրական գործընթացի մասնակիցների հանդեպ կիրառվում են հոգեբանական և ֆիզիկական ճնշումներ, որոնք գրանցվում են դիտորդների կողմից։ Եվ այս ամբողջը տեղի է ունենում մեծ մասամբ ընտրատեղամասերից դուրս՝ ոստիկանության անգործության պայմաններում։

Քաղաքացիական հասարակության ինստիտուտը կոչ է անում.ՀՀ ոստիկանությանը՝ արգելել ընտրատեղամասերի մոտակայքում ուղղորդող մարդկանց խմբերի և առանձին անհատների ներկայությունը։ Կենտրոնական ընտրական հանձնաժողովին` արագ արձագանքել տեղամասերից ստացվող ահազանգերին և քայլեր ձեռնարկել ընտրատեղամասերի ներսում կողմնակի մարդկանց գտնվելը բացառելու ուղղությամբ։

Սամվել Ալեքսանյանի քրոջ որդին գործարք է առաջարկում ՀՅԴ–ին ու ՀԱԿ–ին։ Այս մասին Facebook-ի իր էջում գրել է ՙԲարև Երևան՚ դաշինքի Երևանի ավագանու ցուցակում 2–րդ տեղը զբաղեցնող Անահիտ Բախշյանը։

 Հայ ազգային կոնգրեսը հաղորդում է 3/19 ընտրատեղամասում խախտումների մասին:

3/19 տեղամասում վիճակահանությունը անելուց եւ քվեաթերթիկները կնքելուց հետո, երբ հանձնաժողովի անդամները դրանք սկսել են դնել չհրկիզվող պահարանում, հանձնաժողովի ՀՀԿ-ական նախագահը վերցրել է բոլոր 3 կնիքները եւ դուրս եկել տեղամասից: Դա նկատել է հանձնաժողովի՝ Կոնգրեսական անդամը, եւ զանգահարել նախագահին: Վերջինս ասել է, թե իբր դուրս է եկել մարդ տեսնելու: Սակայն, քանի որ հանձնաժողի անդամների մոտ կասկածներ կային, որ նախագահը ապագա կեղծիքների համար է դուրս հանել երեք կնիքները, զանգահարել են թիվ 3 ԸԸՀ: Տեղամաս ժամանած ԸԸՀ անդամին՝ հանձնաժողովի անդամները ասել են, որ քանի որ կեղծիքների հետ կապված կասկածներ ունեն, ապա իրենք պահանջում են հավելյալ՝ 4-րդ ստորագրությունը դնել քվեաթերթիկների վրա, որպեսզի եթե անգամ տեղամասից կնիքներով դուրս եկած նախագահը հասցրել է օգտագործել այդ կնիքները, իրենք կարողանան տարբերել իրական քվեաթերթիկները: ԸԸՀ անդամը, սակայն, չի թույլատրել 4-րդ ստորագրությունը դնել քվեաթերթիկների վրա՝ նշելով, թե դա օրենքի խախտում է: Եւ դա այն դեպքում, երբ իրականում որեւէ օրենքի խախտում չկա 4-րդ ստորագրությունը դնելու հարցում:

Մեկ այլ դեպք արձանագրվել է Նոր Նորք վարչական շրջանում, ՀՅԴ թեժ գիծ ահազանգ է ստացվել այն մասին, որ թիվ 62 դպրոցում, որտեղ տեղակայված է 1/28 ընտրատեղամասը, ջավախցիների հոսք է նկատվում: Պարզվել է, որ նրանց Երևանի գրանցում են տվել այս տարվա ապրիլին: 4-րդ զանգվածում` մանկապարտեզում տեղեկայված 2/08 ընտրատեղամասում, արձանագրվել է մարդկանց կուտակումներ, ավելին`ոստիկաններն ընտրողներին հուշում են, թե ում օգտին քվեարկել: 9-րդ զանգվածում տեղակայված 2/35 ընտրատեղամասում լարված իրավիճակ է: ՙԲարգավաճ Հայաստան՚ կուսակցության ներկայացուցիչները տեղամաս են բերել ամրակազմ երիտասարդների, ովքեր սպառնում են ընտրահանձնաժողովի անդամներին:
Այդ ամենի հետևում կանգնած է տեղացի հեղինակություն եզդի Արթուրը: Ավելին, բոլոր ընտրատեղամասերում ԲՀԿ ներկայացուցիչները 10 000 դրամ կաշառք են բաժանում:

 Քվեարկեք ձեր նախընտրած թեկնածուի օգտին, իր միկրոբլոգում գրել է Հայաստանում ԱՄՆ դեսպան Ջոն Հեֆֆերնը:

Միաժամանակ ամերիկացի դիվանագետը հաջողություն է մաղթել Երևանի Ավագանու խորհրդի ընտրություններին մասնակցող բոլոր քաղաքական ուժերին: ՙԱյսօր ընտրությունների օր է, և ես հաջողություն եմ մաղթում բոլոր կուսակցություններին, բոլոր թեկնածուներին և բոլոր ընտրողներին՚,- ընդգծել է նա: