Արմինֆո. Լեռնային Ղարաբաղի հակամարտության կարգավորման աշխատանքները շարունակվում են՝ չնայած նոր տիպի կորոնավիրուսին։ Այդ մասին ապրիլի 17-ին ճեպազրույցի ժամանակ հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան։
Հիշեցնելով, որ ՌԴ ԱԳ նախարար Սերգեյ Լավրովն ավելի վաղ հեռախոսազրույց էր ունեցել ադրբեջանցի և հայ գործընկերներ Էլմար Մամեդյարովի և Զոհրաբ Մնացականյանի հետ, Զախարովան մանրամասներ է ներկայացրել տեղի ունեցած զրույցներից: "Քննարկվել են նաեւ կարգավորման հետ կապված հարցեր ։ Կողմերի հետ կանոնավոր շփումները պահպաանում են նաև ԵԱՀԿ Մինսկի խմբի համանախագահները (Ռուսաստան, Ֆրանսիա և ԱՄՆ հիշեցնեմ), ինչպես նաև գործող նախագահի անձնական ներկայացուցիչ Անջեյ Կասպրշիկը։ Շարունակվող խորհրդակցությունների ուշադրության կենտրոնում է կորոնավիրուսային վարակի թեման եւ դրա ազդեցությունը բանակցային գործընթացի վրա, ինչպես նաեւ ղարաբաղյան կարգավորման որոշ հարցեր", - ընդգծել է ՌԴ ԱԳՆ ներկայացուցիչը, հավելելով, որ քննարկվում են սահմանին եւ շփման գծում տիրող իրավիճակը:
Ընդ որում, Զախարովան արձանագրել է, որ ՄԽ համանախագահների միջնորդական ակտիվության մասին ավելի մանրամասն տեղեկություններ կարելի է ստանալ ընթացիկ տարվա մարտի 19-ին ԵԱՀԿ կայքում հրապարակված նրանց համատեղ հայտարարությունում: